झी मराठी

झी मराठी
सुरुवात	१५ ऑगस्ट १९९९
मालक	झी नेटवर्क
ब्रीदवाक्य	मी मराठी, झी मराठी
देश	भारत
मुख्यालय	झी टीव्ही १३५, कॉंटीनेंटल बिल्डींग, डॉ.ॲनी बेझंट मार्ग, वरळी, मुंबई, ४०००१८
जुने नाव	अल्फा टीव्ही मराठी
बदललेले नाव	झी मराठी
भगिनी वाहिनी	झी युवा, झी टॉकीज, झी २४ तास, झी वाजवा, झी चित्रमंदिर
प्रसारण वेळ	२४ तास
संकेतस्थळ	http://www.zeemarathi.com

झी मराठी ही झी नेटवर्क समूहाच्या मालकीची भारतातील दूरचित्रवाणी वरील वाहिनी आहे. या वाहिनीची सुरुवात १५ ऑगस्ट १९९९ मध्ये झाली. २७ मार्च २००५ पर्यंत ही वाहिनी अल्फा टीव्ही मराठी या नावाने ओळखली जात होती. ही वाहिनी मराठी प्रेक्षकांमध्ये अत्यंत लोकप्रिय आहे. या वाहिनीवर दैनंदिन मालिका आणि कथाबाह्य कार्यक्रम दाखवतात. झी मराठी एचडी वाहिनी ही २० नोव्हेंबर २०१६ रोजी सुरू झाली. दरवर्षी काही महिन्यांच्या रविवारी झी मराठी महाएपिसोड प्रसारित केले जातात.

माहितीसंपादन करा

सुरुवातीला या वाहिनीवर सोमवार ते शुक्रवार मालिका दाखवण्यात येत असे. पण ०१ जुलै २००७ पासून मालिका सोमवार ते शनिवार दाखवण्यास सुरुवात केली. तसेच २४ जुलै २०१७ पासून झी मराठीने दुपारी १ ते २ हा नवा प्राईम टाइम सुरू केला होता. परंतु त्यास लोकांचा प्रतिसाद न मिळाल्याने २५ नोव्हेंबर २०१७ रोजी हा प्राईम टाइम बंद करण्यात आला. झी मराठी वाहिनीने जय मल्हार आणि एका लग्नाची दुसरी गोष्ट या मालिकांच्या एपिसोड्सवरून चित्रपट तयार केले आहेत.

कोरोना महामारीमुळे इतिहासात पहिल्यांदाच झी मराठीचे दैनंदिन कार्यक्रम २७ मार्च २०२०ला बंद करण्यात आले. परंतु ०८ जून २०२० पासून नवीन लाॅकडाऊन विशेष मालिका सुरू करण्यात आल्या. तसेच १३ जुलै २०२० पासून दैनंदिन कार्यक्रम दाखवण्यास सुरुवात झाली. त्यामुळेच त्यादिवशी मराठी मनोरंजनाच्या शुभारंभानिमित्त संपूर्ण महाराष्ट्रात उत्सव साजरा करण्याचे झी मराठीकडून आवाहन करण्यात आले होते.

मुंबई पोलिसांना कामातून थोडी विश्रांती मिळावी म्हणून झी मराठी दरवर्षी स्वरतरंग हा कार्यक्रम आयोजित करते. एप्रिल २०१४ पासून झी मराठीने नक्षत्र या कार्यक्रमाद्वारे दर रविवारी मराठी रंगभूमीवरील अनेक प्रायोगिक आणि व्यावसायिक नाटके दाखवण्यास सुरुवात केली. त्यामुळे नक्षत्र कार्यक्रम अल्पावधीतच लोकप्रिय झाला. तसेच झी मराठीने नक्षत्रांचे देणे या कार्यक्रमातून जुन्या लोकप्रिय गायकांची गाणी सादर केली आहेत. मनोरंजनाचा अधिकमास याद्वारे झी मराठीतर्फे दरवर्षी मे अथवा ऑक्टोबर महिन्याच्या दर रविवारी मालिका प्रक्षेपित करण्यात येतात.

झी मराठी वाहिनीने झी मराठी दिशा हे पहिले साप्ताहिक वृत्तपत्र ०९ डिसेंबर २०१७ रोजी सुरू केले. परंतु काही कारणास्तव १२ ऑक्टोबर २०१९ रोजी हे साप्ताहिक बंद करण्यात आले. याबरोबरच खाली डोकं वर पाय (लहान मुलांसाठी उन्हाळी सुट्टीतील मासिक), सुखकर्ता (गणेशोत्सव विशेष मासिक) आणि उत्सव नात्यांचा (दिवाळी विशेष मासिक) ही वार्षिक मासिके सुरू केलीत. तसेच नोव्हेंबर २०१५ साली महिला सक्षमीकरणासाठी झी मराठी जागृती हा नवा उपक्रम सुरू केला.

प्रसारित मालिकासंपादन करा

सोम-शनिसंपादन करा

दुपारी १२.३० यशोदा - गोष्ट श्यामच्या आईची
दुपारी १.०० लवंगी मिरची
दुपारी १.३० हृदयी प्रीत जागते
संध्या. ६.३० ३६ गुणी जोडी
संध्या. ७.०० अप्पी आमची कलेक्टर
संध्या. ७.३० तू चाल पुढं
रात्री ८.०० तुला शिकवीन चांगलाच धडा
रात्री ८.३० दार उघड बये
रात्री ९.०० नवा गडी नवं राज्य
रात्री १०.३० सातव्या मुलीची सातवी मुलगी
रात्री ११.०० तू तेव्हा तशी

बुध-शनिसंपादन करा

रात्री ९.३० लोकमान्य
रात्री १०.०० अगं अगं सूनबाई काय म्हणता सासूबाई?

नवीन मालिका (सोम-शनि)संपादन करा

रात्री ११.०० चंद्रविलास (२७ मार्चपासून)

कथाबाह्य कार्यक्रमसंपादन करा

सकाळी ८.०० वेध भविष्याचा (दररोज)
दुपारी २.३० आम्ही सारे खवय्ये (सोम-शनि)
संध्या. ६.०० होम मिनिस्टर (सोम-शनि)
रात्री ९.३० चला हवा येऊ द्या (सोम-मंगळ)

जुन्या मालिकासंपादन करा

कथाबाह्य कार्यक्रमसंपादन करा

ॲप्लिकेशन्ससंपादन करा

झी मराठीने मोबाईल ॲप्स देखील सुरू केले आहेत.

झी मराठी ॲप (ओझी ॲप / झी फाईव्ह ॲप)
तुमचं आमचं जमलं ॲप
होम मिनिस्टर ॲप
किसान अभिमान ॲप
टॅलेंट ॲप

नाटकसंपादन करा

झी मराठीने २०१८ पासून नाटकांची प्रस्तुती करण्यास सुरुवात केली.

हॅम्लेट
आरण्यक
नटसम्राट
अलबत्या गलबत्या
एका लग्नाची पुढची गोष्ट
तिला काही सांगायचंय!
इडियट्स
राजाला जावई हवा
कापूसकोंड्याची गोष्ट
झुंड
तीसरे बादशाह हम!
इब्लिस

रिॲलिटी शोसंपादन करा

झी मराठीने रिॲलिटी शो ही संकल्पना मराठी वाहिनीवर पहिल्यांदा आणली आणि अल्पावधीतच प्रेक्षकांनी तिला डोक्यावर घेतले. या वाहिनीने आतापर्यंत अनेक रिॲलिटी शोजची यशस्वी पर्वे सादर केली आहेत.

चला हवा येऊ द्यासंपादन करा

मुख्य लेख: चला हवा येऊ द्या

निलेश साबळे, भालचंद्र कदम, सागर कारंडे, श्रेया बुगडे, कुशल बद्रिके, भारत गणेशपुरे आणि तुषार देवल यांनी मिळून सुरू केलेला हा कार्यक्रम आहे. याबरोबरच योगेश शिरसाट, अंकुर वाढवे, स्नेहल शिदम, अरविंद जगताप हे सहकलाकार असून रमेश वाणी, विनीत भोंडे, शशिकांत केरकर, मानसी नाईक, संदीप रेडकर यांनी देखील यात काम केलेले आहे. या कार्यक्रमाचे सुद्धा अनेक पर्वे सादर झाली आहेत. महाराष्ट्र दौरा, भारत दौरा, विश्व दौरा, होऊ दे व्हायरल, शेलिब्रिटी पॅटर्न, उत्सव हास्याचा, लेडीज जिंदाबाद, वऱ्हाड निघालंय अमेरिकेला ही ती पर्वे आहेत. हा कार्यक्रम नाटक, चित्रपट, मालिका यांना प्रोत्साहित करण्याचे काम करतो.

फू बाई फूसंपादन करा

मुख्य लेख: फू बाई फू

फू बाई फू हा झी मराठीवरील काॅमेडी शो आहे. याचे पहिले पर्व २०१० मध्ये सादर झाले होते. याची ९ पर्वे सादर झाली. यात धूमधडाका, नया है यह, काॅमेडीचं आधारकार्ड, टोल फ्री कॉमेडी, जिथे असाल तिथे हसाल इत्यादी पर्वे होती. निलेश साबळे, वैदेही परशुरामी, सई ताम्हणकर हे सूत्रसंचालक आणि अश्विनी काळसेकर, उमेश कामत, निर्मिती सावंत, महेश कोठारे, रेणुका शहाणे व स्वप्नील जोशी या सर्वांनी परीक्षकांचे काम केले आहे.

हास्यसम्राटसंपादन करा

मुख्य लेख: हास्यसम्राट

या कार्यक्रमाची एकूण २ पर्व सादर झाली. पहिल्या पर्वाचे सोलापूरचे दीपक देशपांडे हे विजेते झाले, तर दुसऱ्या पर्वाचे मिरजचे अजित कोष्टी हे विजेते झाले. या कार्यक्रमाचे सूत्रसंचालन अभिनेता जितेंद्र जोशी याने केले. तर परीक्षक म्हणून अभिनेते मकरंद अनासपुरे व कवी अशोक नायगांवकर यांनी जबाबदारी पार पाडली.

सा रे ग म पसंपादन करा

मुख्य लेख: सा रे ग म प:लिटील चॅम्प्स

"सा रे ग म प" या कार्यक्रमाने तब्बल १३ पर्वे सादर केली. यामध्ये वेगवेगळी पर्व ठेवले गेले. पल्लवी जोशी हिने सूत्र संचालनाचे काम केले. त्याची संक्षिप्त माहिती पुढीलप्रमाणे:-

स्वप्न स्वरांचे : यामध्ये १८ ते २५ या वयोगटातील स्पर्धकांचा समावेश होता. हे सारेगमपचे पहिले पर्व होते. या पर्वाचा विजेता महागायक पदाचा मान कोल्हापूरचा अभिजीत कोसंबी याला मिळाला. त्यानंतरच्या पर्वाची विजेती महागायिका पदाचा मान जळगावची वैशाली भैसने-माडे हिला मिळाला. अशाचप्रकारे ऊर्मिला धनगर ही देखील विजेती होती. या पर्वांचे परीक्षक गायिका देवकी पंडित, रॉकस्टार अवधूत गुप्ते, संगीतकार अजय-अतुल इत्यादी दिग्गज व्यक्तींनी भूषवले.
स्वप्न स्वरांचे ४०+ : या कार्यक्रमामध्ये वय वर्ष ४० वर्षे व त्या पुढील वयाच्या स्पर्धकांनी भाग घेतला होता. या कार्यक्रमाच्या विजेता जोडीचा मान संगिता चितळे व यज्ञेश्वर लिंबेकर यांना तर उपविजेता जोडीचा मान मिरजचे गायक महेश मुतालिक व मुंबईच्या अनुजा वर्तक यांना मिळाला.
लिटिल चॅम्प्स : या पर्वामध्ये लहानग्यांनी आपल्या सुरांनी जगाला मोहून टाकले. ६ ते १५ वयोगटातील स्पर्धकांनी भाग घेतला होता. या पर्वाला केवळ महाराष्ट्रातीलच नव्हे तर संपूर्ण जगातील प्रेक्षकांनी डोक्यावर घेतले. या कार्यक्रमातील एका भागाला लता मंगेशकर यांनी उपस्थिती लावून सर्व स्पर्धकांना आशीर्वाद दिला. याशिवाय इतर अनेक दिग्गज गायकांनी लहानग्यांना शाबासकीची थाप दिली. लिटिल चॅंप्सच्या पहिल्या पर्वाने मराठी संगीत विश्वाला पंचरत्न बहाल केले. पंचरत्न म्हणजे
अलिबागची लिटिल मॉनिटर मुग्धा वैशंपायन
आळंदीची लिटिल मास्टर कार्तिकी गायकवाड
लातूरचा म्युझिक डायरेक्टर रोहित राऊत
पुण्याची ॲंग्री यंगगर्ल आर्या आंबेकर
रत्‍नागिरीचा उकडीचा मोदक प्रथमेश लघाटे

या कार्यक्रमातूनच घराघरांत पोहोचलेल्या केतकी माटेगांवकरने संगीताबरोबरच मराठी चित्रपटांद्वारे प्रेक्षकांची मने जिंकली. गायिका वैशाली सामंत व गायक-संगीतकार अवधूत गुप्ते या पर्वाचे परीक्षक होते. यासोबतच "सा रे ग म प" ने अनेक यशस्वी पर्वं प्रस्तुत केली. त्यामध्ये सेलिब्रिटी स्पेशल, प्रोफेशनल स्पेशल, पर्व नव्हे गर्व, सूर नव्या युगाचा, घे पंगा कर दंगा, इत्यादी पर्वांचा समावेश होता. सर्वच पर्वांना प्रेक्षकांनी प्रचंड प्रतिसाद दिला. झी मराठीने "सा रे ग म प" द्वारे मराठी संगीताला एका वेगळ्या उंचीवर नेले आहे.

पुरस्कार सोहळेसंपादन करा

वर्ष	पुरस्कार	संदर्भ
२००० – चालू	झी चित्र गौरव पुरस्कार	^[१]
२००४ – चालू	झी मराठी उत्सव नात्यांचा पुरस्कार	^[२]
२०१३ – चालू	उंच माझा झोका पुरस्कार	^[३]
२०१५ – २०२०	झी नाट्य गौरव पुरस्कार	^[४]

संदर्भसंपादन करा

^ "झी गौरव पुरस्कारात यांनी मारली बाजी, वाचा संपूर्ण यादी". लोकमत. 2019-04-03. 2020-12-05 रोजी पाहिले.
^ "या मालिकेने मारली झी मराठी अवॉर्ड्समध्ये बाजी, नुकतीच सुरु झालीये ही मालिका". लोकमत. 2019-10-12. 2020-12-05 रोजी पाहिले.
^ "स्त्री कर्तृत्वाचा सन्मान 'उंच माझा झोका पुरस्कार'". लोकसत्ता. 2017-08-22. 2020-12-05 रोजी पाहिले.
^ "दिमाखदार सोहोळ्यात संपन्न झाला 'झी नाट्य गौरव पुरस्कार'". झी २४ तास. 2020-09-14. 2021-07-20 रोजी पाहिले.

[1] "झी गौरव पुरस्कारात यांनी मारली बाजी, वाचा संपूर्ण यादी". लोकमत. 2019-04-03. 2020-12-05 रोजी पाहिले.

[2] "या मालिकेने मारली झी मराठी अवॉर्ड्समध्ये बाजी, नुकतीच सुरु झालीये ही मालिका". लोकमत. 2019-10-12. 2020-12-05 रोजी पाहिले.

[3] "स्त्री कर्तृत्वाचा सन्मान 'उंच माझा झोका पुरस्कार'". लोकसत्ता. 2017-08-22. 2020-12-05 रोजी पाहिले.

[4] "दिमाखदार सोहोळ्यात संपन्न झाला 'झी नाट्य गौरव पुरस्कार'". झी २४ तास. 2020-09-14. 2021-07-20 रोजी पाहिले.

[१]

[२]

[३]

[४]