चला हवा येऊ द्या

मराठी विनोदी कार्यक्रम

चला हवा येऊ द्या हा नितीन केणी निर्मित बहुचर्चित मराठी दूरचित्रवाणीवरील विनोदी कार्यक्रम आहे. सध्या झी मराठी वाहिनीवर हा कार्यक्रम सोमवार आणि मंगळवार रात्री ९.३० वाजता प्रक्षेपित केला जातो. या मालिकेचे दिग्दर्शन आणि निवेदन डॉक्टर निलेश साबळे करतात. ह्या तुफान विनोदी मालिकेत प्रमुख भूमिकेत भालचंद्र कदम, कुशल बद्रिके, सागर कारंडे, भारत गणेशपुरे आणि श्रेया बुगडे आहेत. काहीवेळा ह्या कार्यक्रमाचे सोम ते बुध / गुरू / शुक्र विशेष भाग अथवा रविवारी दोन किंवा तीन तासांचे विशेष भाग देखील दाखवले जातात. २०२० च्या दिवाळीपासून स्वप्नील जोशीने या कार्यक्रमात परीक्षक म्हणून उपस्थित राहण्यास सुरुवात करण्यात आली.

चला हवा येऊ द्या
Chala Hawa Yeu Dya.png
दिग्दर्शक निलेश साबळे
सूत्रधार निलेश साबळे
कलाकार खाली पहा
देश भारत
भाषा मराठी
वर्ष संख्या
निर्मिती माहिती
प्रसारणाची वेळ सोमवार आणि मंगळवार रात्री ९:३० वाजता
प्रसारण माहिती
वाहिनी झी मराठी
पहिला भाग * १८ ऑगस्ट २०१४ ते ०७ नोव्हेंबर २०१७
  • ०८ जानेवारी २०१८ ते २४ मार्च २०२०
प्रथम प्रसारण १३ जुलै २०२० – चालू
अधिक माहिती

ह्या मालिकेत मराठी रंगभूमी, मराठी मालिका आणि मराठी चित्रपट यातील कलाकार येतात आणि त्यांच्या आगामी चित्रपटाची, नाटकाची किंवा प्रसारित मालिकेची माहिती देतात. तसेच काहीवेळा या मंचावर अनेक हिंदी कलाकारांना देखील बोलावले जाते. ह्या मालिकेची मध्यवर्ती संकल्पना थुकरटवाडी या गावातील घडणाऱ्या गमती जमतींवर आधारित आहे. थुकरटवाडी गावाचा पोस्टमन आलेल्या पाहुण्या कलाकारांसाठी त्यांच्या नातलगांनी पाठवलेली पत्रे घेऊन येतो आणि विशिष्ट शैलीत ती वाचूनही दाखवतो. ही पत्रे अरविंद जगताप लिखित असतात.

कमी भागात प्रेक्षकांनी डोक्यावर घेतलेला हा सुप्रसिद्ध काॅमेडी शो आहे. निलेश साबळे, भालचंद्र कदम, सागर कारंडे, श्रेया बुगडे, कुशल बद्रिके, भारत गणेशपुरे आणि तुषार देवल यांनी मिळून सुरू केलेला हा कार्यक्रम आहे. याबरोबरच योगेश शिरसाट, अंकुर वाढवे, स्नेहल शिदम, उमेश जगताप, अरविंद जगताप हे सहकलाकार असून रमेश वाणी, विनीत भोंडे, शशिकांत केरकर, मानसी नाईक, संदीप रेडकर यांनी देखील यात काम केलेले आहे. हा कार्यक्रम नाटक, चित्रपट, मालिका यांना प्रोत्साहित करण्याचे काम करतो.

नवे पर्वसंपादन करा

  1. महाराष्ट्र दौरा (१४ डिसेंबर २०१५)
  2. भारत दौरा (०१ मे २०१७)
  3. विश्व दौरा (०८ जानेवारी २०१८)
  4. होऊ दे व्हायरल (२७ ऑगस्ट २०१८)
  5. शेलिब्रिटी पॅटर्न (२९ एप्रिल २०१९)
  6. उत्सव हास्याचा (०५ ऑगस्ट २०२०)
  7. लेडीज जिंदाबाद (१७ ऑगस्ट २०२०)
  8. वऱ्हाड निघालंय अमेरिकेला (०६ डिसेंबर २०२१)

विशेष भागसंपादन करा

  1. जिथे मराठी, तिथे झी मराठी. (०८-०९ जानेवारी २०१८)
  2. गुलाबजाम स्पेशल बुधवार, गुरुवार, शुक्रवार. (१२-१६ फेब्रुवारी २०१८)
  3. थुकरटवाडीत येणार आदेश भावोजी त्यांच्या होम मिनिस्टर सुचित्रा बांदेकरांसोबत. (१६-१७ एप्रिल २०१८)
  4. 'तुझं माझं ब्रेकअप' आणि 'हम तो तेरे आशिक है'चे कलाकार थुकरटवाडीत करणार धमाल. (३० एप्रिल २०१८)
  5. अंगी असेल विनोदाचा किडा, तर उचला हा थुकरटवाडीचा विडा. (०१ मे २०१८)
  6. हास्याच्या हवेने मारली चारशे धावांची मजल, चला हवा येऊ द्या नाबाद चारशे सोहळा. (२०-२४ ऑगस्ट २०१८)
  7. थुकरटवाडीला चढलंय नव्या विनोदाचं स्पायरल, संपूर्ण महाराष्ट्र म्हणेल होऊ दे व्हायरल. (२७-२८ ऑगस्ट २०१८)
  8. सरंजामेंच्या शाही लग्नानंतर आता होणार पायजमेंचं लग्न, तुला पाहते रेचं चार दिवस हास्याचं तुफान. (०४-०७ फेब्रुवारी २०१९)
  9. हास्याच्या प्याद्यांमधून कोण ठरणार कॉमेडीचा वजीर? (०३ मार्च २०१९)
  10. आमिर भाऊ किरण वहिनी, थुकरटवाडीत घेऊन येणार हास्याची नदी. (०१-०२ एप्रिल २०१९)
  11. चला हवा येऊ द्याचा नवा टर्न, सुरू होतोय शेलिब्रिटी पॅटर्न. (२९-३० एप्रिल २०१९)
  12. हास्याचा दरबार, आता सोमवार ते गुरुवार. (०१-०४ जुलै २०१९)
  13. चार दिवस आयुष्यात सगळ्या कामांना द्या सुट्टी, कारण अण्णांच्या वाड्यावर जमलीये कॉमेडीची भट्टी. (१६-१९ डिसेंबर २०१९)
  14. कॉमेडीचे हमसफर करणार जलेश क्रूझची सफर. (१६ फेब्रुवारी २०२०)
  15. येऊन येऊन येणार कोण? (०८ मार्च २०२०)
  16. हास्याचा महाडोस, कॉमेडी भरघोस. (०५-०८ ऑगस्ट २०२०)
  17. पोट भरून हसूया, कुटुंबासोबत बघूया. (१७-१८ ऑगस्ट २०२०)
  18. सोनाली रॉकेट, गुरुनाथ भुईचक्र आणि सौमित्र नागगोळी, थुकरटवाडीत होणार विनोदाची आतषबाजी. (०४-०६ जानेवारी २०२१)
  19. क्रिकेटवीरांच्या उपस्थितीत थुकरटवाडीच्या पिचवर रंगणार विनोदाची हटके मॅच. (११-१३ जानेवारी २०२१)
  20. नव्या वर्षात न होवो सुखाची कमी, थुकरटवाडी देणार हास्याची हमी. (१८-२० जानेवारी २०२१)
  21. सुरक्षेचा विश्वास, कायद्याची ताकद, दृष्टीचा दाता आणि शिक्षणाचं भविष्य एकाच मंचावर. (२५-२७ जानेवारी २०२१)
  22. सोमवार ते बुधवार होणार मनोरंजन धमाकेदार, कारण थुकरटवाडीत उडणार सई-आदित्यच्या लग्नाचा बार. (०१-०३ फेब्रुवारी २०२१)
  23. सुरांची आतषबाजी आणि विनोदाची फटकेबाजी एकाच मंचावर, थुकरटवाडीत अवतरणार महाराष्ट्राचे लाडके लिटील चॅम्प्स. (०८-१० फेब्रुवारी २०२१)
  24. थुकरटवाडीत रंगणार मनोरंजन लयभारी, कारण सोबतीला येणार टीम कारभारी. (१५-१७ फेब्रुवारी २०२१)
  25. थुकरटवाडीत सुटणार नव्या कथांचे वारे, समोरासमोर येणार झी मराठीचे तारे. (२२-२४ फेब्रुवारी २०२१)
  26. थुकरटवाडीत येणार 'येऊ कशी'ची टीम नांदायला, प्रेक्षकांशी हसरी नाती बांधायला. (०१-०३ मार्च २०२१)
  27. थुकरटवाडीत होणार वातावरण टाईट, अप्सरांमध्ये रंगणार विनोदाची फाईट. (०८-१० मार्च २०२१)
  28. घेऊन ऑनलाईन क्लासची सुट्टी, थुकरटवाडीत होणार छोट्या दोस्तांची बट्टी. (१५-१७ मार्च २०२१)
  29. थुकरटवाडीत वाहणार झी मराठी अवॉर्डची हवा, सोमवार ते बुधवार दिसणार मनोरंजनाचा रंग नवा. (२२-२४ मार्च २०२१)
  30. अनोख्या रंगांनी रंगणार थुकरटवाडी, सोमवार ते बुधवार सुसाट सुटणार कॉमेडीची गाडी. (२९-३१ मार्च २०२१)
  31. थुकरटवाडीत चढणार संगीताचा साज, दिसणार कैलाश खेर यांचा मराठमोळा बाज. (०५-०७ एप्रिल २०२१)
  32. थुकरटवाडीतर्फे कॉमेडीचे बादशाह दादा कोंडके यांना अनोखी हास्यांजली. (१२-१४ एप्रिल २०२१)
  33. सचिनभाऊचा बर्थडे. (१९-२१ एप्रिल २०२१)
  34. रापचिक सुरू राहणार हास्याचा कारभार, सोमवार ते बुधवार भरणार विनोदाचा दरबार. (२६-२८ एप्रिल २०२१)
  35. असतील संकटे अनेक, पण उद्देश आमचा नेक, मनोरंजन करणार अखंड, हसणार वडील-मुलगा अन् मायलेक. (०३ मे २०२१)
  36. थुकरटवाडीच्या कोर्टाचा काही लागो निकाल, सोमवार आणि मंगळवार मनोरंजन होणार धमाल. (०४ मे २०२१)
  37. जाहिरातीची शूटिंग त्यात भाऊची धतिंग. (१० मे २०२१)
  38. वन टू का फोर करत कुशल विकणार घर, थुकरटवाडीत बरसणार हास्याची सर. (११ मे २०२१)
  39. सोसायटीवाले भटकतात दारोदारी, भाऊ वॉचमन लयभारी. (१७ मे २०२१)
  40. डायरेक्टर कुशलचा सिनेमा आहे ऑल सेट, सिनेमात बायकोपेक्षा मेहुणी ठरेल का ग्रेट? (१८ मे २०२१)
  41. कुणी लक देता का लक? (२४ मे २०२१)
  42. अनलकी नवऱ्याची लकी बायको. (२५ मे २०२१)
  43. हरवून जंगलाची वाट, पडणार भाऊ आजोबांशी गाठ. (३१ मे २०२१)
  44. बायको गेली माहेरी, मोलकरीण लावणार का हजेरी? (०१ जून २०२१)
  45. गजाआड होणार थुकरटवाडीचा चोर, पण चोराची बायको म्हणजे चोरावर मोर. (०७ जून २०२१)
  46. सतरंगी बापाची अतरंगी पोर, जावईबापूंच्या जीवाला घोर‌. (०८ जून २०२१)
  47. दिलखुलास विथ विलास. (१४ जून २०२१)
  48. थुकरटवाडीचा माहोल होणार अतरंगी, जेव्हा भाऊ आणि लिटील चॅम्प्सची होणार जुगलबंदी. (१५ जून २०२१)
  49. अतरंगी जिनीने वाढवला विनोदाचा पारा, मालकालाच म्हणे इच्छा माझी पुरी करा. (२१-२३ जून २०२१)
  50. भाऊच्या फॉर्म्युल्याने आवाज होईल का सुरेल? बघा हटके कॉमेडी विदाऊट फेल. (२८-३० जून २०२१)
  51. भाऊ कदम आणि मुख्यमंत्री आमने-सामने, होऊ दे चर्चा. (०५-०७ जुलै २०२१)
  52. चंपक डाकूची भंपक चोरी. (१२-१४ जुलै २०२१)
  53. नवरोबाची सत्वपरीक्षा, बायको जोमात नवरा कोमात. (१९-२१ जुलै २०२१)
  54. लव्हगुरुचा धिंगाणा, पण भाऊ प्रेमात काय पडेना! (२६-२८ जुलै २०२१)
  55. मास्तरांचा बर्थडे होणार साजरा, माजी विद्यार्थी घालणार थुकरटवाडीत राडा. (०२-०४ ऑगस्ट २०२१)
  56. हरवलेली पोरं, त्यांची वेगळीच थेरं. (०८ ऑगस्ट २०२१)
  57. थुकरट कवींनी तोडले अकलेचे तारे, पावसाळ्यात वाहत आहेत हास्याचे वारे. (०९-११ ऑगस्ट २०२१)
  58. जावई वाचतोय तक्रारींचा पाढा, सासऱ्यांचा मात्र नादच खुळा. (१६-१८ ऑगस्ट २०२१)
  59. तूच माझी माय, तूच माझा बाप, विठ्ठल नामाचा अखंड जाप. (२३-२५ ऑगस्ट २०२१)
  60. थुकरटवाडीत रंगणार जुगलबंदी, चला हवा येऊ द्या विरुद्ध झी कॉमेडी शो. (३०-३१ ऑगस्ट २०२१)
  61. थुकरटवाडीत मैत्रीचा जल्लोष होणार आणि सोबतच प्रेमही फुलणार. (०१ सप्टेंबर २०२१)
  62. थुकरटवाडी येणार रंगात, रविवारी होऊ द्या झिंगाट. (०६-०८ सप्टेंबर २०२१)
  63. मुलाला पाहिजे गाडी, आई मागतेय इमान, सूनबाई म्हणते सासूबाई जरा दमानं. (१३-१५ सप्टेंबर २०२१)
  64. दोन बोक्यांची तंटामुक्ती, भाऊला सुचेल का युक्ती? (२०-२२ सप्टेंबर २०२१)
  65. वेताळाला झालीये घरी जायची घाई, पण विक्रमाकडे उत्तर नाही. (२७-२९ सप्टेंबर २०२१)
  66. थुकरटवाडीत भावोजींची एंट्री, कोणती वहिनी बांधणार राखी? (०४-०६ ऑक्टोबर २०२१)
  67. थुकरटवाडीत फुटणार हास्याची हंडी. (११-१३ ऑक्टोबर २०२१)
  68. थुकरटवाडीत भरली कोंबडीची शोकसभा. (१८-२० ऑक्टोबर २०२१)
  69. थुकरटवाडीत आली रुबिक्साची स्वारी, सगळ्यांवर पडली भारी. (२५-२७ ऑक्टोबर २०२१)
  70. खास पाहुणा येणार आहे फॅन्सी ड्रेस स्पर्धेला, थुकरटवाडी लागलीये झाडून तयारीला. (०१-०३ नोव्हेंबर २०२१)
  71. थुकरटवाडीच्या मंचावर बाप्पाच्या आगमनाने जुळणार रेशीमगाठी. (०८-१० नोव्हेंबर २०२१)
  72. उषाताई सासूची व्यथा सांगणार, सूनबाई खरी मजा आणणार. (१५-१७ नोव्हेंबर २०२१)
  73. बयोबाईंची स्टाईल मालकाला करणार हैराण. (२२-२४ नोव्हेंबर २०२१)
  74. भाऊने जागवली आऊशक्ती. (२९-३० नोव्हेंबर २०२१)
  75. थुकरटवाडीमध्ये ती परत आलीये. (०१ डिसेंबर २०२१)
  76. थुकरटवाडीमध्ये मनं होणार उडू उडू. (०६-०७ डिसेंबर २०२१)
  77. थुकरटवाडीत हास्याचा खेळ चाले. (०८-०९ डिसेंबर २०२१)
  78. चला हवा येऊ द्यामध्ये परीची हवा. (१३ डिसेंबर २०२१)
  79. ओम-स्वीटूची मसालेभात लव्हस्टोरी. (१४ डिसेंबर २०२१)
  80. देशमुखांच्या गर्दीत लागणार कॉमेडीची वर्दी. (२० डिसेंबर २०२१)
  81. रितेश-जेनेलियासमोर थुकरटवाडीचा माऊली ठरेल का लय भारी? (२१ डिसेंबर २०२१)
  82. थुकरटवाडीत आले पांडू, खेळायला कॉमेडीचा विटी-दांडू. (२७ डिसेंबर २०२१)
  83. नवरा जरी नवा, तरी फोटोग्राफरचीच हवा. (२८ डिसेंबर २०२१)
  84. भाऊला सापडला हेल्मेट घातलेला उंदीर. (०३ जानेवारी २०२२)
  85. भाऊचा पंगा, अमेरिकेत दंगा. (०४ जानेवारी २०२२)
  86. भाऊच्या प्रेमाची खुलणार कळी की पंपच्या हातून जाणार बळी? (१० जानेवारी २०२२)
  87. किम जॉन उन लावणार का भाऊच्या प्रेमाला सुरूंग? (११ जानेवारी २०२२)
  88. थुकरटवाडीच्या हटके विमानात अभिजीत, वैभव, मानसी आणि नेहाला बसणार हास्याचे झटके. (१७ जानेवारी २०२२)
  89. प्रिया मराठे भाऊला नेमके काय मेसेज करते? (१८ जानेवारी २०२२)
  90. भारत ते अमेरिका व्हाया गेटवे ऑफ इंडिया, देशी भाऊची विदेशी लव्हस्टोरी. (२४ जानेवारी २०२२)
  91. थुकरटवाडीच्या विनोदी शाळेत हजेरी लावणार हेडमास्तर मांजरेकर. (२५ जानेवारी २०२२)
  92. थुकरटवाडीच्या थिएटरात झळकणार पुष्पराज, मी वाकणार नाही! (३१ जानेवारी २०२२)
  93. अंकुश, सिद्धार्थ आणि वैदेहीने थुकरटवाडीत केला लोच्या. (०१ फेब्रुवारी २०२२)
  94. थुकरटवाडीचं टायटॅनिक बुडणार की उडणार? (०७-०८ फेब्रुवारी २०२२)
  95. थुकरटवाडीच्या मंचावर येणार लोकं कमाल, झुंडसोबत होणार विनोदाची धमाल. (१४-१५ फेब्रुवारी २०२२)
  96. थुकरटवाडीत पडणार कॉमेडीचा दरोडा, भाऊने आणलाय घागरा घातलेला घोडा. (२१-२२ फेब्रुवारी २०२२)
  97. थुकरटवाडीच्या डाकूंची वाटणार भीती की होणार त्यांचीच फजिती? (२७ फेब्रुवारी २०२२)
  98. थुकरटवाडीच्या बनवाबनवीत कासाहेबांची धूम. (०७-०८ मार्च २०२२)
  99. थुकरटवाडीत रंगणार धडाकेबाज बनवाबनवी. (१४-१५ मार्च २०२२)
  100. थुकरटवाडीतल्या अमिताभच्या तोंडाला येणार फेस. (२१-२२ मार्च २०२२)
  101. भूमिका चावला आणि शरद केळकर येणार थुकरटवाडीत. (२८-२९ मार्च २०२२)
  102. मनोजकुमारची की राजकुमारची, थुकरटवाडीची नीलकमल होणार कोणाची? (०४-०५ एप्रिल २०२२)
  103. नीलकमल सासरी आली, भाऊची वेगळीच पंचाईत झाली. (११-१२ एप्रिल २०२२)
  104. 'मी पुन्हा येईन' खानावळीतील पोळी पुरणाची, पुण्यात होणार हवा थुकरटवाडीची. (१८-१९ एप्रिल २०२२)
  105. पुण्यातल्या रिक्षासारखी ती आणि पुणेकरांच्या हेल्मेटसारखा तो, लव्हस्टोरीला यांच्या मिळणार का खो? (२५-२६ एप्रिल २०२२)
  106. थुकरटवाडीत उनाड सापांचा सुळसुळाट. (०२-०३ मे २०२२)
  107. ठाण्याचा ढाण्या वाघ येणार, तुमच्या मनाचा ठाव घेणार. (०८-१० मे २०२२)
  108. थुकरटवाडीचे अधीरा आणि के.जी.एफ. भाई दणाणून सोडणार मंच. (१६-१७ मे २०२२)
  109. राणादा आणि पाठकबाईंसोबत थुकरटवाडीचा जगावेगळा राजा हिंदुस्तानी. (२३-२४ मे २०२२)
  110. थुकरटवाडीत साजरी होणार अशोकमामांच्या अभिनयाची पन्नाशी. (३०-३१ मे २०२२)
  111. शहामृग कसा चावतो? पाहिल्यावर उत्तर मिळेल. (०६-०७ जून २०२२)
  112. थुकरटवाडीत लागणार मिडीयम स्पायसी विनोदाचा तडका. (१३-१४ जून २०२२)
  113. थुकरटवाडीत कियारा, वरुण आणि अनिल कपूरची झक्कास एंट्री. (२०-२१ जून २०२२)
  114. थुकरटवाडीत होणार गजनीचा गोंधळ. (२७-२८ जून २०२२)

नवीन वेळसंपादन करा

क्र. दिनांक वार वेळ
१८ ऑगस्ट २०१४ - ०७ नोव्हेंबर २०१७ सोम-मंगळ (कधीतरी सोम-बुध / सोम-शुक्र) रात्री ९.३०
०८ जानेवारी २०१८ - २५ जून २०१९ सोम-मंगळ (कधीतरी सोम-गुरू / रवि)
०१ जुलै - ०१ ऑगस्ट २०१९ सोम-गुरू
०५ ऑगस्ट २०१९ - २४ मार्च २०२० सोम-मंगळ (कधीतरी सोम-गुरू / रवि)
१३ जुलै - १५ सप्टेंबर २०२० सोम-मंगळ
०५ ऑगस्ट - १९ सप्टेंबर २०२० बुध-शनि रात्री ९.३०
२१ सप्टेंबर २०२० - २८ एप्रिल २०२१ सोम-बुध
०३ मे - १५ जून २०२१ सोम-मंगळ
२१ जून - ०९ डिसेंबर २०२१ सोम-बुध
१० १३ डिसेंबर २०२१ - चालू सोम-मंगळ

कलाकारसंपादन करा

  • निलेश साबळे : निलेश फक्त प्रसिद्ध नट नाही तर तो एक चांगला विनोदी लेखकही आहे. ह्या कार्यक्रमात त्याची भूमिका कॅफेचा मालकाची आहे. येथे तो कलाकारांशी संवाद साधतो.
  • भारत गणेशपुरे : थुकरटवाडी गावाचे सरपंच, न्यायाधीश या भूमिकेत पाहायला मिळतात.
  • सागर कारंडे : सरकारी वकिल, पोस्टमन व प्रहसनानुसार स्त्री भूमिकेत दिसतात.
  • भालचंद्र कदम (भाऊ) : निलेशच्या वडिलांची भूमिका करतात. त्यांना कधीही लोकांची नावे लक्षात राहत नाहीत, त्याबाबतीत ते नेहमी नवा गोंधळ करतात. विनोदी प्रहसनानुसार त्यांची भूमिका बदलत राहते.
  • श्रेया बुगडे : ह्यांनी खेड्यातील मुलीची म्हणजे सरपंचांच्या मुलीची भूमिका साकारली आहे. कधी कधी त्या पत्रकार, हायस्कूल टीचर यांच्या भूमिका साकारताना दिसतात.
  • विनीत भोंडे / अंकुर वाढवे : ह्या कार्यक्रमातला हा एक कलाकार आहे. अन्य कलाकारांपेक्षा सगळ्यात कमी उंची ह्या कलाकारांची आहे.
  • कुशल बद्रिके
  • योगेश शिरसाट
  • स्नेहल शिदम
  • उमेश जगताप
  • तुषार देवल
  • अरविंद जगताप

संदर्भसंपादन करा