एका लग्नाची दुसरी गोष्ट
एका लग्नाची दुसरी गोष्ट ही सतीश राजवाडे दिग्दर्शित झी मराठी वाहिनीवर प्रक्षेपित झालेली एक मालिका आहे.[१]
| एका लग्नाची दुसरी गोष्ट | |
|---|---|
| दिग्दर्शक | सतीश राजवाडे |
| निर्माता | श्रीरंग गोडबोले |
| निर्मिती संस्था | इंडियन मॅजिक आय |
| कलाकार | खाली पहा |
| देश | भारत |
| भाषा | मराठी |
| एपिसोड संख्या | १९२ |
| निर्मिती माहिती | |
| प्रसारणाची वेळ | सोमवार ते शनिवार रात्री ८.३० वाजता |
| प्रसारण माहिती | |
| वाहिनी | झी मराठी |
| प्रथम प्रसारण | १६ जानेवारी २०१२ – २५ ऑगस्ट २०१२ |
| अधिक माहिती | |
| सारखे कार्यक्रम | एका लग्नाची तिसरी गोष्ट |
कथानक
संपादनघनश्याम श्रीपाद काळे आणि राधा महेश देसाई (विवाहोत्तर राधा घनश्याम काळे) हे अनुक्रमे नायक व नायिका असलेल्या पात्रांभोवती मालिकेचे कथानक गुंफले आहे. घनश्याम आणि राधा सुरुवातीस एकमेकांना ओळखत नसतात. पेशाने घनश्याम सॉफ्टवेर अभियंता असतो, तर राधा चित्रकार असते.[ संदर्भ हवा ] दोघांचेही कुटुंबीय त्यांच्या लग्नासाठी स्थळे बघत असतात. घनश्याम व राधा या दोघांनाही लग्न करावेसे वाटत नसते; मात्र कुटुंबियांच्या नातेसंबंधांच्या दबावापुढे ते आपला विचार उघडपणे मांडू शकत नसतात.[ संदर्भ हवा ]
योगायोगाने काही गोष्टी अशा जुळून येतात, की घनश्याम व राधा यांची विवाह-टिपणे त्यांच्या कुटुंबियांच्या हाती लागतात व त्यातून त्या दोघांची भेट घडवून स्थळ बघण्याचा कार्यक्रम जुळवून आणला जातो. त्या दोघांनाही एकमेकांच्या लग्न न करण्याच्या इच्छेचा या भेटीमुळे उलगडा लागतो आणि त्यातून त्या दोघांना एक शक्कल सुचते. कुटुंबियांचे मन न मोडता, लग्न करण्याविषयीच्या त्यांच्या अपेक्षा पुऱ्या करण्यासाठी आधी एकमेकांशी लग्न करायचे; पण लग्नानंतर अल्पावधीतच घटस्फोट घेऊन मोकळे व्हायचे, असा त्या दोघांमध्ये ठराव ठरतो. त्यानुसार घनश्याम व राधा लग्नास संमती देतात. काळे आणि देसाई कुटुंबे त्यांचे लग्न थाटामाटात लावून देतात.
मात्र लग्नानंतर राधा काळे कुटुंबात आल्यानंतर, दोघे नकळत एकमेकांमध्ये गुंतत जातात. पण तरीही ठरवल्याप्रमाणे एकमेकांशी घटस्फोट घेण्याचे विचारही त्यांच्या मनी टिकून असल्यामुळे त्यांना पुढील काळात भावनिक आंदोलनांना तोंड द्यावे लागते. अखेरीस परिस्थितीस मिळालेल्या कलाटणीमुळे, तसेच कुटुंबियांच्या पूरक प्रयत्नांमुळेच घनश्याम व राधा दोघांनाही परस्परांविषयीच्या ओढीचा प्रामाणिक साक्षात्कार घडतो आणि ते दोघेही घटस्फोट न घेता संसारात सुखाने रमतात.
कलाकार
संपादन- स्वप्नील जोशी - घनःश्याम काळे
- मुक्ता बर्वे - राधा घनःश्याम काळे / राधा महेश देसाई
- विनय आपटे - महेश देसाई
- रेखा कामत - माई काळे
- मोहन जोशी / विवेक लागू - श्रीपाद काळे
- इला भाटे - देवकी श्रीपाद काळे
- मिलिंद फाटक - वल्लभ काळे
- मंजुषा गोडसे - वल्लरी वल्लभ काळे
- सुनील अभ्यंकर - दिगंबर काळे
- मोहित गोखले - ज्ञानेश दिगंबर काळे
- लीना भागवत - सुप्रिया दिगंबर काळे
- सुकन्या मोने - प्राची
- उमेश कामत - अबीर रानडे
- आसावरी जोशी - उल्का
- स्पृहा जोशी - कुहू काळे
- सतीश तारे - माऊली
- हृषिकेश जोशी - श्री. सोनावणे
- संदीप पाठक - मानव गोखले
- श्रीकर पित्रे - प्रभात
पुनर्निर्मिती
संपादन| भाषा | नाव | प्रथम प्रसारण | वाहिनी | अंतिम प्रसारण |
|---|---|---|---|---|
| हिंदी | चुपके चुपके | ८ मे २०१७ | अँड टीव्ही[२] | १५ सप्टेंबर २०१७ |
टीआरपी
संपादन| आठवडा | वर्ष | TAM TVT | क्रमांक | संदर्भ | |
|---|---|---|---|---|---|
| महाराष्ट्र/गोवा | भारत | ||||
| आठवडा १२ | २०१२ | ०.७३ | ३ | ८५ | [३] |
निर्मिती
संपादनमालिकेच्या समाप्तीनंतरही त्याची लोकप्रियता प्रचंड होती.[४] मालिकेची जोडी राधा आणि घनश्याम यांच्यातील प्रेमकथेचे खूप कौतुक झाले. स्पृहा जोशी साकारलेल्या कुहूपासून इला भाटे यांनी साकारलेल्या आईपर्यंत या शोमधील सर्व पात्रांना प्रेक्षकांनी भरभरून दाद दिली. मालिकेच्या लोकप्रियतेमुळे, झी मराठीने या मालिकेचे एका मिनी चित्रपटात रूपांतर केले आणि शोच्या स्मृतीत २० जानेवारी २०१३ रोजी प्रसारित केले, मिनी फिल्म एलदुगो- सिनेमॅटिक म्हणून ओळखली गेली.[५]
संदर्भ
संपादन- ^ "मुक्ता बर्वे- स्वप्नील जोशी यांची एका लग्नाची दुसरी गोष्ट ..." दिव्य मराठी. ४ जुलै २०१२ रोजी पाहिले.
- ^ "& TV's Chupke Chupke – The Story Of An Unusual Marriage... Bound By A Contract". Media Infoline (इंग्रजी भाषेत).
- ^ "Tvr Ratings from 24/10/2010 to 30/10/2010". 2010-11-18 रोजी मूळ पान पासून संग्रहित.
- ^ "Eka Lagnachi Dusri Goshtha to be aired as mini film". द टाइम्स ऑफ इंडिया (इंग्रजी भाषेत).
- ^ "Zee Marathi's next 'Eka Lagnachi Dusari Goshta'". Marathi Movie World (इंग्रजी भाषेत).
बाह्य दुवे
संपादन| रात्री ८.३०च्या मालिका |
|---|
| आभाळमाया | अवंतिका | ऊन पाऊस | वादळवाट | असंभव | अनुबंध | लज्जा | आभास हा | एका लग्नाची दुसरी गोष्ट | मला सासू हवी | जुळून येती रेशीमगाठी | माझे पती सौभाग्यवती | खुलता कळी खुलेना | तुझं माझं ब्रेकअप | तुला पाहते रे | अग्गंबाई सासूबाई | टोटल हुबलाक | अग्गंबाई सूनबाई | माझी तुझी रेशीमगाठ | दार उघड बये | नवा गडी नवं राज्य | सारं काही तिच्यासाठी | लाखात एक आमचा दादा |
- ""एका लग्नाची दुसरी गोष्ट" - मालिकेचे पान" (इंग्रजी भाषेत). झी मराठी. 2012-06-15 रोजी मूळ पान पासून संग्रहित. 2012-07-08 रोजी पाहिले.