एप्रिल २६

एप्रिल २६ हा ग्रेगरी दिनदर्शिकेनुसार वर्षातील ११६ वा किंवा लीप वर्षात ११७ वा दिवस असतो.

ठळक घटना आणि घडामोडी

पंधरावे शतक

• १४७८ - इटलीतील पाझींनी फ्लोरेन्समध्ये चर्चमधील रविवारच्या सामूहिक प्रार्थने दरम्यान लॉरेन्झो दि मेदिची वर हल्ला केला. लॉरेन्झोचा भाउ ज्युलियानी मृत्युमुखी पडला.

सतरावे शतक

• १६०७ - इंग्लंडचे काही वसाहती केप हेन्री, व्हर्जिनिया येथे पोचले. यांनी पुढे जेम्सटाउन शहर वसवले.

एकोणिसावे शतक

• १८०२ - नेपोलियन बोनापार्टने फ्रेंच क्रांतीत देशाबाहेर पळून गेलेल्या जहागिरदारांना माफी जाहीर केली व परत फ्रांसमध्ये बोलावले.
• १८६५ - अमेरिकन यादवी युद्ध - दक्षिणेच्या जनरल जोसेफ जॉन्स्टनने उत्तरेच्या विल्यम टेकुमेश शर्मन समोर उत्तर कॅरोलिनातील ड्युरॅम येथे शरणागती पत्करली.
• १८६५ - अब्राहम लिंकनची हत्या करून पळालेल्या जॉन विल्कस बूथला सैनिकांनी ठार केले.

विसावे शतक

• १९०३: अटलेटिको माद्रिद असोसिएशन फुटबॉल क्लबची स्थापना झाली.

• १९२४ - रमाबाई रानडे यांचे निधन.
• १९२५ - पॉल फोन हिंडेनबर्ग वायमार प्रजासत्ताकच्या राष्ट्राध्यक्षपदी.
• १९३३ - जर्मनीची गुप्त पोलिस यंत्रणा गेस्टापोची रचना.
• १९३७ - जर्मनीच्या लुफ्तवाफेने स्पेनच्या गर्निका शहरावर बॉम्बफेक केली. याचे परिणाम पाहून ख्यातनाम चित्रकार पाब्लो पिकासोने गर्निका हे जगप्रसिद्ध चित्र काढले.
• १९४२ - मांचुरियाच्या हॉन्केइको कोलियरी या कोळशाच्या खाणीत स्फोट. १,५४९ कामगार ठार. आत्तापर्यंतचा खाणीत झालेला हा सगळ्यात मोठा अपघात आहे.
• १९५६ : भारतातील पहिल्या वृत्तपत्रकागदाच्या कारखान्याचे पंडित जवाहरलाल नेहरू यांच्या हस्ते उदघाटन.
• १९६२ - नासाचे रेंजर ४ हे चांद्रयान चंद्रावर कोसळले.
• १९६४ - टांगानिका व झांझिबार देश एकत्र आले. टांझानियाची रचना.
• १९७० - सुवेझ कालवा भागामध्ये पुन्हा एकदा चकमकी सुरू झाल्या. इजिप्त व इस्त्रायल यांचे हवाई हल्ले सुरू झाले. एकमेकांविरुद्धचे शत्रुत्व आणि विभागीय सत्ता संतुलन, हक्क यासाठी सशस्त्र संघर्ष सुरू
• १९७३: अजित नाथ रे भारताचे १४ वे सरन्यायाधीश झाले.
• १९८१ : डॉ. मायकल हॅरीसन यांनी कॅलिफोर्निया विद्यापीठात सर्वप्रथम गर्भाशय उघडून अर्भकावर शस्त्रक्रिया केली.
• १९८६ - युक्रेनमध्ये चर्नोबिल अणु भट्टीत अपघात. घातक किरणोत्सर्गाने युरोप, एशियातील अनेक देश प्रभावित.
• १९८९: बांगलादेशमधे चक्रीवादळामुले सुमारे १,३०० लोक ठार, १२,००० जखमी आणि ८०,००० बेघर झाले.
• १९९४ - चायना एरलाइन्सचे एरबस ए-३००जातीचे विमान जपानच्या नागोया विमानतळावर कोसळले. २६४ ठार.
• १९९५: आशियाई विभागीय बुद्धिबळ स्पर्धेत भारताच्या निशा मोहोताने इंटरनॅशनल वुमन मास्टर किताब मिळवला.

.

एकविसावे शतक

• २००२ - जर्मनीच्या एरफर्ट शहरात रॉबर्ट स्टाइनहाउझरने आपल्या शाळेतील १३ शिक्षक, २ विद्यार्थी व १ पोलिस अधिकार्‍याला ठार मारले.
• २००५ - २९ वर्षांनी सिरियाची लेबेनॉनमधून माघार.

जन्म

• १२१ - मार्कस ऑरेलियस, रोमन सम्राट.
• ५७० - मुहम्मद पैगंबर, इस्लाम धर्माचे संस्थापक.
• १४७९ - वल्लभाचार्य पुष्टिमार्गाचे संस्थापक.
• १५६४ - विल्यम शेक्सपियर, इंग्लिश नाटककार आणि अभिनेता.
• १६४८ - पेद्रो दुसरा, पोर्तुगालचा राजा.
• १८९४ - रुडॉल्फ हेस, नाझी अधिकारी.
• १९०० - चार्ल्स रिश्टर, अमेरिकन भूशास्त्रज्ञ.
• १९०८ - सर्वमित्र सिकरी, भारतीय सर्वोच्च न्यायालयाचे मुख्य न्यायाधीश.
• १९१७ - आय.एम.पै, अमेरिकन स्थापत्यविशारद.
• १९५३ - मौशमी चॅटर्जी, भारतीय अभिनेत्री.
• १९६३ - जेट ली, चीनी अभिनेता.

मृत्यू

• ११९२ - गो-शिराकावा, जपानी सम्राट.
• १४८९ - अशिकागा योशिहिसा, जपानी शोगन.
• १९२० - श्रीनिवास रामानुजन, भारतीय गणितज्ञ.
• १९२४ - रमाबाई रानडे, मराठी लेखिका आणि समाजसुधारक.
• १९३२ - विल्यम लॉकवुड, इंग्लिश क्रिकेट खेळाडू.
• १९७६ - चिंतामणी त्र्यंबक खानोलकर ऊर्फ आरती प्रभू, मराठी साहित्यिक.
• १९८७ - शंकरसिंग रघुवंशी, शंकर-जयकिशन या जोडीतील संगीतकार.
• १९९९ - मनमोहन अधिकारी, लोकशाही पद्धतीने निवडण्यात आलेले नेपाळचे पहिले पंतप्रधान.

प्रतिवार्षिक पालन

• एकत्रीकरण दिन - टांझानिया.
• जागतिक बौद्धिक मालमत्ता दिन

बाह्य दुवे

• बीबीसी न्यूजवर एप्रिल २६ च्या विशेष घटना (इंग्रजी मजकूर)

---

एप्रिल २४ - एप्रिल २५ - एप्रिल २६ - एप्रिल २७ - एप्रिल २८ - (एप्रिल महिना)