एप्रिल १

एप्रिल १ हा ग्रेगरी दिनदर्शिकेनुसार वर्षातील ९१ वा किंवा लीप वर्षात ९२ वा दिवस असतो.

एप्रिल महिन्यात भारतात (बहुधा) कडक उन्हाळा असतो. त्या काळात चैत्र-वैशाख हे हिंदू महिने असतात.

ठळक घटना आणि घडामोडी

सहावे शतक

• ५२७ - बायझेन्टाईन सम्राट जस्टिन पहिला याने स्वतःचा भाचा जस्टीनियन पहिला यास आपला वारसदार घोषित केले.

सतरावे शतक

• १६६९ - उत्तर भारतातील देवालये तोडण्यासाठी मुघल सम्राट औरंगजेबने विशेष फौज तैनात केली.

एकोणिसावे शतक

• १८२६ - इंटर्नल कंबस्चन इंजिनासाठी सॅम्युएल मोरी याला पेटंट.
• १८६९ - भारतात नवा घटस्फोटाचा कायदा लागू.
• १८८७ - मुंबई अग्निशमन दलाची स्थापना झाली.

विसावे शतक

• १९१२ - भारताची राजधानी कलकत्ता येथून दिल्लीला हलवणार अशी अधिकृत सूचना जारी.
• १९२२ - भारतात आयकर लागू झाला.
• १९२८ - पुणे वेधशाळेच्या कामकाजास प्रारंभ झाला. यापूर्वी हवामानखात्याचे कामकाज सिमला येथून चालत असे. त्यामुळे पुण्यातील या वेधशाळेला ’सिमला ऑफिस’ असे म्ह्टले जाते.
• १९३३ - भारतीय वायुसेनेच्या पहिल्या विमानाचे कराची येथे उड्डाण.
• १९३५ - भारतीय रिझर्व बँकेची स्थापना.
• १९३६ - ओरिसा राज्याची स्थापना झाली.
• १९५४ - भारतातल्या फ्रेंच वसाहती भारताच्या नियंत्रणाखाली आल्या.
• १९५५ - गीतरामायणातील पहिले गाणे पुणे आकाशवाणीवरून प्रसारित झाले. या दिवशी रामनवमी होती.
• १९५७ - भारतात दशमान पद्धतीची नाणी-नोटा प्रमाणित (१ रुपया =१०० नवे पैसे). त्यानुसार पोस्टाची तिकीटेही जारी.
• १९६९ - भारताचे पहिले अणुउर्जा केंद्र तारापूर येथे सुरू झाले.
• १९७३ - कॉर्बेट नॅशनल पार्कमध्ये प्रोजेक्ट टायगरची सुरुवात झाली.
• १९९० - डॉ. बाबासाहेब आंबेडकर यांना भारतरत्‍न पुरस्कार जाहीर झाला.
• १९९७ - हेल-बॉप धूमकेतू सूर्याच्या सगळ्यात जवळ.

एकविसावे शतक

• २००४ - गूगलने जीमेल ही ई-पत्र प्रणाली सुरू केली.

जन्म

• १२२० - गो-सागा, जपानी सम्राट.
• १६२१ - गुरू तेगबहादूर – शिखांचे नववे गुरू,
• १८८९ - केशव बळीराम हेडगेवार, राष्ट्रीय स्वयंसेवक संघाचे संस्थापक व पहिले सरसंघचालक.
• १९०७ - शिवकुमार स्वामी, भारतीय धार्मिक नेते व समाजसेवक
• १९१२ - शिवरामबुवा दिवेकर (हिन्दगंधर्व) - भारतीय शास्त्रीय गायक
• १९३६ - तरुण गोगोई – आसामचे मुख्यमंत्री
• १९३७ - मोहम्मद हमीद अन्सारी - भारताचे १३वे उपराष्ट्रपति
• १९४१ - अजित वाडेकर, भारतीय क्रिकेट संघाचे नायक,

मृत्यू

• १०८५ - शेन्झॉॅंग, चीनी सम्राट.
• १९८४ - पं नारायणराव व्यास, ग्वाल्हेर घराण्याचे शास्त्रीय गायक
• १९८९ - एस. एम. जोशी, कामगार नेते व संयूक्त महाराष्ट्र चळवळीचे अध्वर्यू
• १९९९ - श्रीराम भिकाजी वेलणकर, भारतीय टपालखात्याच्या ’पिन कोड’ प्रणालीचे जनक
• २००० - संजीवनी मराठे, कवयित्री
• २००३ - प्रकाश घांग्रेकर, गायक व नट
• २००६ - राजा मंगळवेढेकर, बालसाहित्यकार
• २०१२ - एन.के.पी. साळवे, भारतीय राजकारणी

प्रतिवार्षिक पालन

• एप्रिल फूल्स दिन
• उत्कल दिवस, ओरिसा

बाह्य दुवे

• बीबीसी न्यूजवर एप्रिल १ च्या विशेष घटना (इंग्रजी मजकूर)

---

मार्च ३० - मार्च ३१ - एप्रिल १ - एप्रिल २ - एप्रिल ३ - (एप्रिल महिना)