इस्तंबूल अतातुर्क विमानतळ
इस्तंबूल अतातुर्क विमानतळ (तुर्की: İstanbul Atatürk Havalimanı) (आहसंवि: IST, आप्रविको: LTBA) हा तुर्कस्तान देशामधील सर्वात मोठा व इस्तंबूल शहराचा प्रमुख विमानतळ आहे. हा विमानतळ इस्तंबूलच्या पश्चिम भागात स्थित आहे. १९२४ सालापासून वापरात असलेल्या ह्या विमानतळाला १९८० साली तुर्कस्तानचा पहिला राष्ट्राध्यक्ष मुस्तफा कमाल अतातुर्क ह्याचे नाव देण्यात आले. तुर्कस्तानची राष्ट्रीय विमान कंपनी तुर्की एरलाइन्सचे मुख्यालय व प्रमुख वाहतूकतळ येथेच आहे.
इस्तंबूल अतातुर्क विमानतळ İstanbul Atatürk Havalimanı | |||
---|---|---|---|
![]() | |||
आहसंवि: IST – आप्रविको: LTBA
| |||
माहिती | |||
मालक | तुर्कस्तान सरकार | ||
कोण्या शहरास सेवा | इस्तंबूल | ||
हब | तुर्की एअरलाइन्स | ||
समुद्रसपाटीपासून उंची | १६३ फू / ५० मी | ||
गुणक (भौगोलिक) | 40°58′34″N 28°48′51″E / 40.97611°N 28.81417°Eगुणक: 40°58′34″N 28°48′51″E / 40.97611°N 28.81417°E | ||
धावपट्टी | |||
दिशा | लांबी | पृष्ठभाग | |
मी | फू | ||
17L/35R | 3,000 | 9,843 | कॉंक्रीट |
17R/35L | 3,000 | 9,843 | कॉंक्रीट |
05/23 | 2,580 | 8,465 | डांबरी |
सांख्यिकी (2014) | |||
एकूण प्रवासी | 56,954,790 | ||
आंतरराष्ट्रीय प्रवासी | 38,200,788 |

२०१३ साली ५.१ कोटी प्रवाशांची वाहतूक करणारा अतातुर्क विमानतळ युरोपातील पाचव्या तर जगातील १७व्या क्रमांकाच्या वर्दळीचा विमानतळ होता. येथून जगातील बहुतेक सर्व प्रमुख शहरांना थेट विमानसेवा पुरवली जाते. सध्या तुर्की एरलाइन्स येथून भारतामधील दिल्ली व मुंबई ह्या शहरांना प्रवासीसेवा पुरवते.
अतातुर्क विमानतळावरील वाहतुकीचा ताण कमी करण्यासाठी २००१ साली इस्तंबूल सबिहा गोकचेन आंतरराष्ट्रीय विमानतळ उघडला गेला.
बाह्य दुवे संपादन करा
- अधिकृत संकेतस्थळ Archived 2017-01-10 at the Wayback Machine.