जीना आंतरराष्ट्रीय विमानतळ
कराची आंतरराष्ट्रीय विमानतळ तथा जीना आंतरराष्ट्रीय विमानतळ पाकिस्तानच्या कराची शहरातील विमानतळ आहे. हा पाकिस्तानमधील सगळ्यात मोठा विमानतळ आहे.
| जीना आंतरराष्ट्रीय विमानतळ جناح بین الاقوامی ہوائی اڈہ | |||
|---|---|---|---|
| |||
आहसंवि: KHI – आप्रविको: OPKC
  KHI | |||
| माहिती | |||
| विमानतळ प्रकार | सार्वजनिक | ||
| मालक/प्रचालक | पाकिस्तान नागरी विमान वाहतूक कंपनी | ||
| कोण्या शहरास सेवा | कराची | ||
| स्थळ | सिंध, पाकिस्तान | ||
| हब | एरब्लू पाकिस्तान आंतरराष्ट्रीय एअरलाइन्स शाहीन एर | ||
| समुद्रसपाटीपासून उंची | १०० फू / ३० मी | ||
| गुणक (भौगोलिक) | 24°54′24″N 067°09′39″E / 24.90667°N 67.16083°E | ||
| संकेतस्थळ | |||
| धावपट्टी | |||
| दिशा | लांबी | पृष्ठभाग | |
| मी | फू | ||
| 07R/25L | 3,400 | 11,155 | काँक्रीट |
| 07L/25R | 3,200 | 10,500 | काँक्रीट |
इतिहाससंपादन करा
इ.स. १९४०च्या सुमारास या विमानतळाच्या जागी एक धावपट्टी व हँगर बांधले गेले. आर-१०१ या विमानाच्या जगप्रवासासाठी बांधल्या गेलेल्या तीन हँगरपैकी ते एक होते. हे विमान प्रवासात असताना फ्रान्समध्ये अपघातात नष्ट झाले व कराचीस कधीच आले नाही. १९६०च्या दशकात जनरल अयुब खानने हे हँगर पाडून टाकण्याचा हुकूम दिला.
इ.स. १९६०ते १९८० दरम्यान कराची विमानतळ जगातील महत्त्वाच्या विमानतळांपैकी एक होता. तेव्हा तेथे ब्रिटिश एअरवेज, लुफ्तांसा, अलिटालिया, जाट एअरवेज, एरोफ्लोत, फिलिपाइन एअरलाइन्स, नायजेरिया एअरलाइन्स, इथियोपियन एअरलाइन्स, इजिप्त एअर, ईस्ट आफ्रिकन एअरवेज, केन्या एअरवेज, येमेनिया, इराण एअर, एअर फ्रान्स, क्वांटास, केएलएम, पॅन ॲम, स्कँडिनेव्हियन एअरलाइन्स, कुवैत एअरवेज यांसह अनेक विमानकंपन्यांची उड्डाणे येत जात असत.
१९८०च्या दशकाच्या शेवटी आणि १९९०च्या दशकात यातील बर्‍याच कंपन्यांनी पाकिस्तानातील दहशतवादामुळे आपली सेवा बंद केली. मात्र, गेल्या काही वर्षांत, काही कंपन्या येथे हळूहळू परतत आहेत.
जीना आंतरराष्ट्रीय टर्मिनलसंपादन करा
येथील टर्मिनलला १६ गेट आहेत. याशिवाय इतर १४ विमानांतून प्रवाशांची चढ-उतर करण्याची सुविधा आहे. येथून दरवर्षी ६० लाख प्रवासी ये-जा करतात. ही संख्या विमानतळाच्या क्षमतेच्या अंदाजे अर्धी आहे.
पीआयएचे मुख्यालय येथे असून एअर ब्लू आणि शाहीन एअरसह पाकिस्तानमधील जवळजवळ सगळ्या खाजगी विमान कंपन्यांची मुख्यालये सुद्धा येथेच आहेत.
देखभाल सुविधासंपादन करा
कराची विमानतळावर पीआयए, फिलिपाइन एअरलाइन्स आणि टर्किश एरलाइन्सच्या विमानांची देखभाल करण्यासाठीची सुविधा आहे. येथे एकाच वेळी दोन बोईंग ७४७ आणि एक बोईंग ७३७ प्रकारच्या विमानांची देखभाल होऊ शकते. २००६पासून येथे बोईंग ७७७ प्रकारच्या विमानांची देखभाल करण्याची सुविधाही झाली आहे.
प्रवासी वाहतूक कंपन्यासंपादन करा
मालवाहतूक कंपन्यासंपादन करा
चार्टर कंपन्यासंपादन करा
अपघात व दुर्घटनासंपादन करा
- ५ सप्टेंबर, इ.स. १९८६रोजी पॅन ॲम फ्लाइट ७३या बोईंग ७४७ विमानाचे कराची विमानतळावरून अपहरण करण्यात आले. यात नीरजा भानोत या हवाई सुंदरीसह २० प्रवासी मारले गेले.