बोईंग ७३७

बोईंग ७३७ हे बोईंग कंपनीचे मध्यम प्रवासी क्षमतेचे मध्यम पल्ल्याचे प्रवासी विमान आहे.

बोईंग ७३७
एर बर्लिनचे बोईंग ७३७-८००
प्रकार	मध्यम पल्ल्याचे मध्यम क्षमतेचे दोन इंजिनांचे जेट विमान
उत्पादक देश	अमेरिका
उत्पादक	बोईंग
पहिले उड्डाण	९ एप्रिल, इ.स. १९६७
समावेश	१० फेब्रुवारी, इ.स. १९६८ (लुफ्तांसा)
सद्यस्थिती	प्रवासीवाहतूक सेवेत
मुख्य उपभोक्ता	साउथवेस्ट एअरलाइन्स, रायनएर, वेस्टजेट एअरलाइन्स, अमेरिकन एअरलाइन्स, इ.
उत्पादन काळ	१९६६ - सद्य
उत्पादित संख्या	८,७२५ (सप्टेंबर २०१५)
प्रति एककी किंमत	३ कोटी २० लाख (-१००), ५ कोटी ९४ लाख (-६००), ७ कोटी ८३ लाख (-७००), ९ कोटी ३३ लाख (-८००), ९ कोटी ९० लाख (-९००ईआर)
उपप्रकार	बोईंग टी-४३

नियमितपणे उत्पादित प्रवासी विमानांत बोईंग ७३७ प्रकारच्या विमानांची संख्या सर्वाधिक आहे.

उपप्रकार

या विमानाचे अनेक उपप्रकार आहेत -

• बोईंग ७३७
• बोईंग ७३७-१००
• बोईंग ७३७-२००
• बोईंग ७३७-३००
• बोईंग ७३७-४००
• बोईंग ७३७-५००
• बोईंग ७३७-६००
• बोईंग ७३७-७००
• बोईंग ७३७-८००
• बोईंग ७३७-९००ईआर
• बोईंग ७३७-मॅक्स ७
• बोईंग ७३७-मॅक्स ८
• बोईंग ७३७-मॅक्स ९
• बोईंग ७३७-मॅक्स १०

यांपैकी -७००, -८०० आणि -९००ईआर उपप्रकार सध्या उत्पादनात आहेत तर ७३७ मॅक्स उपप्रकार २०१७पासून तयार होतात.

या विमानाचा पहिला उपप्रकार -१०० फेब्रुवारी १९६८ पासून सेवारत आहे. लुफ्तांसाने या प्रकारचे विमान सगळ्यात आधी आपल्या ताफ्यात समाविष्ट केले होते.

त्यानंतर एक वर्षाने -२०० उपप्रकार सेवेत आला. १९८० च्या दशकात बोईंगने -३००, -४०० आणि -५०० उपप्रकार बाजारात आणले. -५०० पर्यंतचे हे उपप्रकार ७३७ क्लासिक नावानेही ओळखले जातात. १९९० च्या दशकात बोईंगने -६००, -७००, -८०० आणि -९००ईआर हे उपप्रकार आणले. यांना ७३७ नेक्स्ट जनरेशन नावानेही ओळखतात.

२०१७ च्या सुमारास बोईंगने मॅक्स नावाने उपप्रकारांचा गट बाजारात आणला. या प्रकारच्या विमानांमध्ये अनेक त्रुटी आढळल्या व त्यांमुळे दोन विमाने कोसळून शेकडो प्रवासी ठार झाले. या त्रुटी दूर केल्यानंतर या विमानाला परत प्रवासी उड्डाणे करण्यास काही देशांमध्ये परवानगी मिळाली.

प्रतिस्पर्धी विमाने

• एरबस ए३२०
• कोमॅक सी९१९