मे २८

मे २८ हा ग्रेगरी दिनदर्शिकेनुसार वर्षातील १४८ वा किंवा लीप वर्षात १४९ वा दिवस असतो.

ठळक घटना आणि घडामोडी

सोळावे शतक

• १५०३ - पोप अलेक्झांडर सहाव्याच्या फतव्यानुसार स्कॉटलॅंडचा राजा जेम्स चौथा व मार्गारेट ट्युडोरचे लग्न झाले.
• १५८८ - एकशे तीस युद्धनौकांवर ३०,००० सैनिकांसह स्पॅनिश आर्माडा इंग्लंडवर चाल करायला निघाला.

अठरावे शतक

• १७७४ - अमेरिकन क्रांती - पहिल्या कॉन्टिनेन्टल कॉंग्रेसला सुरुवात.

एकोणविसावे शतक

• १८३० - अमेरिकेच्या राष्ट्राध्यक्ष ॲंड्र्यू जॅक्सनने इंडियन रिमुव्हल ऍक्टवर सही करून स्थानिक अमेरिकन जमातींना स्थलांतर करण्यास भाग पाडले.
• १८९२ - जॉन मुइरने सान फ्रांसिस्कोमध्ये सियेरा क्लबची स्थापना केली.

विसावे शतक

• १९०५ - रशिया-जपान युद्ध-त्सुशिमाची लढाई - जपानी दर्यासारंग टोगो हेहाचिरोने रशियाचे आरमार बुडवले व लढाई संपवली.
• १९१८ - अझरबैजानने स्वतःला स्वतंत्र घोषित केले.
• १९३६ - ऍलन ट्युरिंगने ऑन कम्युटेबल नंबर्स हा शोधनिबंध प्रकाशित केला.
• १९३७ - फ्रॅंकलिन डिलानो रूझवेल्टने वॉशिंग्टन डी.सी.मध्ये बटन दाबून सान फ्रांसिस्कोमधील गोल्डन गेट ब्रिज वाहतूकीला खुला केला.
• १९३७ - नेव्हिल चेंबरलेन युनायटेड किंग्डमच्या पंतप्रधानपदी.
• १९४० - दुसरे महायुद्ध - बेल्जियमने जर्मनीसमोर शरणागती पत्करली.
• १९४० - दुसरे महायुद्ध - नॉर्वे, फ्रांस, पोलंड व युनायटेड किंग्डमच्या सैन्यांनी नार्विक जिंकले.
• १९४२ - दुसरे महायुद्ध - राइनहार्ड हेड्रिचच्या खुनाचा बदला म्हणून नाझींनी चेकोस्लोव्हेकियात १,८०० व्यक्तींना यमसदनास धाडले.
• १९५२ - ग्रीसमध्ये स्त्रियांना मतदानाचा हक्क देण्यात आला.
• १९६४ - पॅलेस्टाईन मुक्ती संघटनेची स्थापना.
• १९७८ - सांगूले लामिझानाने बर्किना फासोच्या राष्ट्राध्यक्षपदाची निवडणूक जिंकली.
• १९८२ - फॉकलॅंड युद्ध - गूझ ग्रीनची लढाई.
• १९८७ - पश्चिम जर्मनीच्या मथायस रस्टने आपले छोटे विमान सोवियेत संघाची राजधानी मॉस्कोमधील लाल चौकात उतरवले.
• १९९६ - भारताचे पंतप्रधान अटलबिहारी वाजपेयी यांचा राजीनामा
• १९९८ - भारताने केलेल्या अणुचाचणीला उत्तर म्हणून पाकिस्तानने पाच अणुबॉम्ब उडवले.

एकविसावे शतक

• २००४ - अयाद अल्लावी इराकच्या पंतप्रधानपदी.

जन्म

• १५२४ - सलीम दुसरा, ऑट्टोमन सम्राट.
• १६६० - जॉर्ज दुसरा, इंग्लंडचा राजा.
• १७३८ - जोसेफ-इग्नास गिलोटिन, फ्रांसचा डॉक्टर.
• १७५९ - छोटा विल्यम पिट, युनायटेड किंग्डमचा पंतप्रधान.
• १८८३ - स्वातंत्र्यवीर विनायक दामोदर सावरकर, भारतीय क्रांतिकारक, प्रभावी वक्ते, मराठी साहित्यिक.
• १९०३ - शंतनुराव किर्लोस्कर, मराठी उद्योगपती.
• १९२३ - एन. टी. रामाराव, लोकप्रिय तेलुगू अभिनेता, निर्माता, दिग्दर्शक, आंध्रप्रदेशचे माजी मुख्यमंत्री.
• १९२५ - ब्युलेंट एसेव्हिट, तुर्कस्तानचा पंतप्रधान.

मृत्यू

• १९६१ - प. कृ. गोडे, प्राच्यविद्या संशोधक .

प्रतिवार्षिक पालन

• जागतिक मासिक पाळी स्वच्छता दिन

बाह्य दुवे

• बीबीसी न्यूजवर मे २८ च्या विशेष घटना (इंग्रजी मजकूर)

मे २६ - मे २७ - मे २८ - मे २९ - मे ३० - (मे महिना)