पश्चिम मार्ग (मुंबई उपनगरी रेल्वे)

पश्चिम हा मुंबई उपनगरी रेल्वेच्या तीन प्रमुख मार्गांपैकी एक आहे. पश्चिम रेल्वेद्वारे चालवला जाणारा हा मार्ग दक्षिण मुंबईमधील चर्चगेटपासून सुरू होतो व मुंबई बेटाच्या पश्चिम भागातून धावतो. मुंबईची पश्चिम उपनगरे जोडणारा हा मार्ग भाईंदर, वसई, विरार इत्यादी महत्त्वाच्या शहरांमधून धावतो. अनेक वर्षे चर्चगेट ते विरार दरम्यान सेवा पुरवणाऱ्या पश्चिम मार्गाची सेवा १६ एप्रिल २०१३ पासून डहाणू रोडपर्यंत वाढवण्यात आली.

चर्चगेट हे पश्चिम मार्गाचे दक्षिण मुंबईमधील टर्मिनस आहे.

नव्या लोकल गाड्या

दादर, प्रभादेवी आणि माटुंगा रोड येथे पश्चिम व मध्य दोन्ही मार्ग असल्यामुळे मार्ग बदलणे शक्य होते. तसेच माहिम ते गोरेगाव दरम्यान कोणत्याही स्थानकावरून हार्बर मार्गाद्वारे छत्रपती शिवाजी महाराज टर्मिनसपर्यंत प्रवासाची सोय उपलब्ध आहे. वसई रोड येथेसुद्धा वसई रोड-रोहा रेल्वेमार्गची जोड आहे.

स्थानके

पश्चिम मार्ग
क्रमांक	स्थानक नाव	स्थानक कोड	जोडमार्ग
१	चर्चगेट	CH	नाही
२	मरीन लाइन्स		नाही
३	चर्नी रोड		नाही
४	ग्रँट रोड		नाही
५	मुंबई सेंट्रल	BCL	नाही
६	महालक्ष्मी		नाही
७	लोअर परळ		नाही
८	प्रभादेवी		मध्य मार्ग
९	दादर	D	मध्य मार्ग
१०	माटुंगा रोड		मध्य मार्ग
११	माहिम जंक्शन		हार्बर मार्ग
१२	वांद्रे	B	हार्बर मार्ग
१३	खार रोड		हार्बर मार्ग
१४	सांताक्रुझ		हार्बर मार्ग
१५	विलेपार्ले		हार्बर मार्ग
१६	अंधेरी	AD	हार्बर मार्ग
१७	जोगेश्वरी		हार्बर मार्ग
१८	राम मंदिर		हार्बर मार्ग
१९	गोरेगाव	GO	हार्बर मार्ग
२०	मालाड	M	नाही
२१	कांदिवली		नाही
२२	बोरीवली	BO	नाही
२३	दहिसर		नाही
२४	मीरा रोड		नाही
२५	भाईंदर	BY	नाही
२६	नायगाव		नाही
२७	वसई रोड	BS	मध्य मार्ग
२८	नालासोपारा	NS	नाही
२९	विरार	V	नाही
३०	वैतरणा		नाही
३१	सफाळे		नाही
३२	केळवे रोड		नाही
३३	पालघर		नाही
३४	उमरोळी		नाही
३५	बोईसर		नाही
३६	वाणगाव		नाही
३७	डहाणू रोड	DN	नाही
३८	घोलवड		नाही
३९	बोर्डी रोड		नाही