डेहराडून
देहरादून ही भारताच्या उत्तराखंड राज्याची राजधानी व राज्यातील सर्वात मोठे शहर आहे. देहरादून शहर उत्तराखंडच्या पश्चिम भागात हिमालयाच्या पायथ्याशी असलेल्या डून खोऱ्यामध्ये वसले आहे. गंगा नदी देहरादूनच्या पूर्वेकडून तर यमुना नदी पश्चिमेकडून वाहते. देहरादून भारताची राजधानी दिल्लीच्या २३६ किमी उत्तरेस स्थित आहे. २०११ साली देहरादूनची लोकसंख्या सुमारे ५.७८ लाख होती. आपल्या निसर्गसौंदर्यासाठी प्रसिद्ध असलेल्या देहरादूनमध्ये अनेक नामांकित शैक्षणिक संस्था आहेत. नैनिताल, मसूरी इत्यादी पर्यटनस्थळे तसेच हरिद्वार, ऋषिकेश इत्यादी धार्मिक स्थाने येथून जवळच असल्यामुळे देहरादून एक गजबजलेले शहर आहे.
| देहरादून | |
| भारतामधील शहर | |
 |
|
  देहरादून |
|
  देहरादून |
|
| देश |  भारत |
| राज्य | उत्तराखंड |
| जिल्हा | देहरादून जिल्हा |
| समुद्रसपाटीपासुन उंची | १,४२७ फूट (४३५ मी) |
| लोकसंख्या (२०११) | |
| - शहर | ५,७८,४२० |
| - महानगर | ७,१४,२२३ |
| प्रमाणवेळ | भारतीय प्रमाणवेळ |
वाहतूक संपादन
जॉली ग्रॅंट विमानतळ देहरादूनच्या २२ किमी आग्नेयेस स्थित असून येथे एर इंडिया, जेट एरवेज व स्पाइसजेट ह्या कंपन्या मुंबई, दिल्ली, बंगळूर इत्यादी शहरांहून थेट प्रवासी विमानसेवा पुरवतात.
देहरादून रेल्वे स्थानक भारतीय रेल्वेच्या उत्तर रेल्वे क्षेत्रामधील एक स्थानक असून येथे दररोज अनेक गाड्या थांबतात. राष्ट्रीय महामार्ग ७२ व राष्ट्रीय महामार्ग ७२ ए देहरादूनमधूनच जातात.