हावडा रेल्वे स्थानक

हावडा रेल्वे स्थानक, हे कोलकाता महानगरामधील एक ऐतिहासिक व सर्वात मोठे रेल्वे स्थानक आहे. हे स्थानक हुगळी नदीच्या पश्चिम काठावर हावडा शहरामध्ये स्थित असून हावडा पूल ह्या स्थानकाला कोलकाता शहरासोबत जोडतो. २३ फलाट असलेले हावडा भारतामधील सर्वात मोठे रेल्वे स्थानक असून ते पूर्व रेल्वे व दक्षिण पूर्व रेल्वे ह्या भारतीय रेल्वेच्या दोन क्षेत्रांचे मुख्यालय आहे.

हावडा भारतीय रेल्वे टर्मिनस
फलक
स्थानक तपशील
पत्ता	हावडा, हावडा जिल्हा, पश्चिम बंगाल
गुणक	22.5828709°N 88.3428112°E / 22.5828709; 88.3428112
मार्ग	दिल्ली−हावडा मुख्य रेल्वेमार्ग दिल्ली−गया−हावडा रेल्वेमार्ग हावडा−नागपूर−मुंबई रेल्वेमार्ग हावडा−अलाहाबाद−मुंबई रेल्वेमार्ग हावडा−चेन्नई रेल्वेमार्ग हावडा-सिलिगुडी मार्ग
फलाट	२३
इतर माहिती
उद्घाटन	इ.स. १८५४
विद्युतीकरण	इ.स. १९५४
संकेत	HWH
मालकी	रेल्वे मंत्रालय, भारतीय रेल्वे
विभाग	पूर्व रेल्वे
स्थान
हावडा रेल्वे स्थानक पश्चिम बंगालमधील स्थान

ऐतिहासिक इमारत

भारतामधील चार प्रमुख रेल्वे मार्ग हावडा येथे संपतात. भारतातील पहिली राजधानी एक्सप्रेस नवी दिल्ली व हावडा दरम्यान १९६९ साली धावली. येथून अनेक शताब्दी व दुरंतो एक्सप्रेस गाड्या सुटतात. हावडाखेरील सियालदाह रेल्वे स्थानक, शालिमार रेल्वे स्थानक व कोलकाता रेल्वे स्थानक ही कोलकाता महानगरामधील इतर तीन मोठी स्थानके आहेत.

प्रसिद्ध गाड्या

• हावडा-मुंबई - गीतांजली एक्सप्रेस
• हावडा-मुंबई - ज्ञानेश्वरी एक्सप्रेस
• हावडा-पुणे - आझाद हिंद एक्सप्रेस
• हावडा-सिकंदराबाद - फलकनुमा एक्सप्रेस
• हावडा-नवी दिल्ली - पूर्व एक्सप्रेस
• हावडा-वास्को दा गामा - अमरावती एक्सप्रेस
• हावडा-चेन्नई - कोरोमंडल एक्सप्रेस
• हावडा-नवी दिल्ली - हावडा राजधानी एक्सप्रेस

बाह्य दुवे

विकिमीडिया कॉमन्सवर

हावडा जंक्शन

संबंधित संचिका आहेत