कर्णावती एक्सप्रेस
कर्णावती एक्सप्रेस (गुजराती: કર્ણાવતી એક્સપ્રેસ) ही भारतीय रेल्वेची एक जलद प्रवासी सेवा आहे. पश्चिम रेल्वेद्वारे चालवली जात असलेली ही रेल्वे मुंबईला गुजरातची आर्थिक राजधानी अहमदाबाद शहरासोबत जोडते. ही गाडी मुंबई सेंट्रल व अहमदाबाद स्थानकांदरम्यान रोज धावते व मुंबई ते अहमदाबाद दरम्यानचे ४९३ किमी अंतर ७ तास व ४० मिनिटांत पूर्ण करते. कर्णावती एक्सप्रेस गाडीमध्ये केवळ दुय्यम श्रेणीचे आसनकक्ष व वातानुकूलित चेअर कार हे दोनच प्रकारचे डबे असून तिला शयनयान (sleeper) डबे जोडले जात नाहीत. मुंबई व अहमदाबाद दरम्यान धावणाऱ्या व केवळ खुर्चीयान असलेल्या एकूण ४ गाड्यांपैकी कर्णावती एक्सप्रेस ही एक असून गुजरात एक्सप्रेस, मुंबई अहमदाबाद शताब्दी एक्सप्रेस व मुंबई अहमदाबाद डबल डेकर एक्सप्रेस ह्या इतर तीन गाड्या आहेत.
_Route_map.png)
मुंबई ते अहमदाबाद दरम्यानचा रेल्वेमार्ग विद्युत असल्यामुळे डब्ल्यू.ए.पी.-४ हे विद्युत इंजिन कर्णावती एक्सप्रेसची वाहतूक करते.
तपशील
संपादनवेळापत्रक
संपादन| गाडी क्रमांक | मार्ग | प्रस्थान | आगमन | कधी |
|---|---|---|---|---|
| १२९३३ | मुंबई सेंट्रल – अहमदाबाद | १३:४० | २१:२५ | रोज |
| १२९३४ | अहमदाबाद – मुंबई सेंट्रल | ०४:५५ | १२:३५ | रोज |