जसपिंदर नरुला
जसपिंदर नरुला (जन्म १४ नोव्हेंबर १९७०) ही पार्श्वगायिका, शास्त्रीयगायिका आणि सुफी संगीताची भारतीय गायिका आहे. ती हिंदी आणि पंजाबी सिनेमांमध्ये तिच्या कामासाठी ओळखली जाते. १९९८ च्या प्यार तो होना ही था या चित्रपटातील रेमो फर्नांडिस सोबतच्या "प्यार तो होना ही था" या युगलगीतानंतर तिने प्रसिद्धी मिळवली ज्यासाठी तिने १९९९ चा सर्वोत्कृष्ट महिला पार्श्वगायकाचा फिल्मफेअर पुरस्कार व स्क्रीन पुरस्कार जिंकला. मिशन कश्मीर (२०००), मोहब्बतें (२०००), फिर भी दिल है हिंदुस्तानी (२०००) आणि बंटी और बबली (२००५) हे तिने गायलेले इतर उल्लेखनीय चित्रपट आहेत.[१] ती सुफी संगीत, तसेच गुरबानी आणि इतर शीख धार्मिक संगीताची गायिका आहे.[२] २००८ मध्ये, तिने NDTV इमॅजिन सिंगिंग रिॲलिटी मालिका, धूम मचा दे मध्ये भारताच्या सर्वोत्कृष्ट लाइव्ह परफॉर्मरचा किताब जिंकला.[३][४]
Indian singer  | |||
| माध्यमे अपभारण करा | |||
 विकिपीडिया | |||
| जन्म तारीख | इ.स. १९७० | ||
|---|---|---|---|
| कार्य कालावधी (प्रारंभ) |
| ||
| नागरिकत्व | |||
| शिक्षण घेतलेली संस्था |
| ||
| व्यवसाय | |||
| राजकीय पक्षाचा सभासद | |||
| भावंडे |
| ||
| पुरस्कार | |||
| |||
 | |||
कारकीर्द
संपादनजसपिंदरची गायनाची कारकीर्द लवकर सुरू झाली. तिचे वडील केसर सिंग नरुला हे १९५० च्या दशकातील संगीतकार होते. तिने तिचे वडील आणि नंतर रामपूर सहस्वान घराण्याचे उस्ताद गुलाम सादिक खान यांच्याकडून संगीताचे प्रशिक्षण घेतले. सुरुवातीच्या काळात जसपिंदर नरुला यांनी चित्रपट गायनापासून स्वतःला दूर ठेवले आणि भजने आणि सुफियाना रचनेत पारंगत होती. काही वर्षांनंतर ती मुंबईला गेली.[५] प्रख्यात संगीत दिग्दर्शक कल्याणजी यांच्या सल्ल्यानुसार, ज्यांनी तिला दिल्लीतील खाजगी संमेलनात ऐकले आणि त्यांचा मुलगा आणि संगीत दिग्दर्शक, विजू शाह यांना मास्टर, आर या पार और बडे मियां छोटे मियां (१९९८) सारख्या चित्रपटांमध्ये ब्रेक देण्यास सांगितले.[६][७]
तिने लोकगीते आणि भक्तिगीते गाण्यात प्रावीण्य मिळवले. दुल्हे राजा, विरासत, मिशन कश्मीर, मोहब्बतें आणि बंटी और बबली यांसारख्या अनेक यशस्वी बॉलिवूड चित्रपटांसाठी तिने असंख्य संगीत अल्बम रेकॉर्ड करण्यासाठी आपला आवाज दिला आहे. तिची काही उल्लेखनीय आणि प्रसिद्ध गाणी आहेत: "तारे हैं बाराती" (विरासत, १९९७, अनु मलिक), "आंखियों से गोली मारे" (दुल्हे राजा, १९९८, आनंद-मिलिंद), "तेरा रंग बल्ले बल्ले" (सोल्जर, १९९८ , अनु मलिक), "सबकी बारातें आयें" (जानम समझ करो, १९९९, अनु मलिक), "हॅलो ब्रदर" आणि "हटा सावन की घटा" (हॅलो ब्रदर, १९९९, साजिद-वाजिद), "दुल्हे का सेहरा" (धडकन, २०००, नदीम-श्रवण), "मोरे पिया" (देवदास, २००२, इस्माईल दरबार, श्रेया घोषालसोबत युगलगीत).
वैयक्तिक जीवन
संपादनती मुंबईत राहते आणि दिल्लीतील एका मीडिया कन्सल्टंटशी तिचे लग्न झाले आहे. नरुला यांनी तिचे शालेय शिक्षण गुरू हरकिशन पब्लिक स्कूल, इंडिया गेट, नवी दिल्ली येथून केले आणि इंद्रप्रस्थ कॉलेज फॉर वुमनमधून संगीत विषयात बी.ए. पूर्ण केल. जिथे तिला विशेष बाब म्हणून प्रवेश देण्यात आला कारण तिला १२ वी मध्ये संगीत हा विषय नव्हता जी अभ्यासक्रमात प्रवेश घेण्यासाठी पूर्व-आवश्यकता.[१] तिने २००८ मध्ये दिल्ली विद्यापीठातून हिंदुस्थानी शास्त्रीय संगीतात पीएच.डी. पूर्ण केली.[४]
तिने फेब्रुवारी २०१४ मध्ये आम आदमी पक्षामध्ये प्रवेश केला परंतु त्यानंतर लगेचच राजीनामा दिला.[८]
पुरस्कार
संपादन| वर्ष | पुरस्कार | श्रेणी | गाणे | परिणाम |
|---|---|---|---|---|
| १९९९ | फिल्मफेर पुरस्कार | सर्वोत्कृष्ट महिला पार्श्वगायिका | "प्यार तो होना ही था" (चित्रपट प्यार तो होना ही था) | विजयी |
| स्क्रीन पुरस्कार | सर्वोत्कृष्ट महिला पार्श्वगायिका | विजयी |
संदर्भ
संपादन- ^ a b "All's not over yet". The Hindu. 20 December 2010. 9 July 2014 रोजी मूळ पान पासून संग्रहित. 7 July 2014 रोजी पाहिले.
- ^ "Spirited and soulful: The concert by Wadali Brothers and Jaspinder Narula saw." The Hindu. 6 November 2009. 25 January 2013 रोजी मूळ पान पासून संग्रहित.
- ^ "Doctor of notes!: Jaspinder Narula on her return to the limelight". The Hindu. 18 February 2008. 25 January 2013 रोजी मूळ पान पासून संग्रहित.
- ^ a b "Jaspinder Narula on winning Dhoom Macha De". Rediff.com. 12 May 2008.
- ^ "Jaspinder Narula Profile incredible-people.com". 21 July 2012 रोजी मूळ पान पासून संग्रहित. 28 January 2010 रोजी पाहिले.
- ^ Rajiv Vijayakar (16 February 2007). "Gardeners of Talent". Screen.[permanent dead link]
- ^ "Singing potential untapped in Bollywood: Jaspinder Narula". Zee News. 12 February 2008.
- ^ "Dhanraj Pillai, Jaspinder Narula join AAP". New Delhi: Hindustan Times. 18 February 2014. 18 February 2014 रोजी मूळ पान पासून संग्रहित. 19 February 2014 रोजी पाहिले.