रिदम वाघोलीकर
रिदम वाघोलीकर (जन्म: २४ सप्टेंबर, इ.स. १९९३ - ) या भारतीय लेखक, टॉक शोचे सूत्रसंचालक आणि सामाजिक कार्यकर्ता आहेत. कला, चित्रपट आणि लेखनाच्या क्षेत्रात त्यांनी जे योगदान केले त्याच्यासाठी ते ओळखले जातात. वाघोलीकर यांनी लता मंगेशकर, किशोरी आमोणकर यांच्यासारख्या संगीत क्षेत्रातील व्यक्तींच्या जीवनावर पुस्तके लिहिली आहेत[१] आणि ते ‘क्रिएटिंग पॉसिबिलिटीज’ नावाच्या सामाजिक संस्थेचे संस्थापक आहेत.[२]
| रिदम वाघोलीकर | |
|---|---|
| जन्म नाव | रिदम सुधीर वाघोलीकर |
| जन्म | २४ सप्टेंबर १९९३ |
| राष्ट्रीयत्व | भारतीय |
| कार्यक्षेत्र | लेखन, साहित्य |
| भाषा | मराठी, हिंदी, इंग्रजी |
| प्रसिद्ध साहित्यकृती |
स्वरलता—रिदमिक रेमिनिसेस ऑफ लता दीदी (इ.स. २०१७) द सोल स्टरिंग व्हॉईस—गानसरस्वती किशोरी आमोणकर (इ.स. २०१८) |
| वडील | सुधीर वाघोलीकर |
| आई | अनुराधा वाघोलीकर |
| पुरस्कार |
महात्मा गांधी पुरस्कार (२०१८) फेमिना मोस्ट पॉवरफुल ऑफ द ईयर २०१८ सावित्रीबाई फुले राष्ट्रीय पुरस्कार कला गौरव राष्ट्रीय पुरस्कार |
त्यांना ब्रिटिश पार्लमेंटच्या हाऊस ऑफ कॉमन्समध्ये ‘महात्मा गांधी सन्मानाने’ पुरस्कृत करण्यात आले आहे.[३] शिवाय, फेमिना नियतकालिकाच्या २०१८ च्या सर्वात शक्तिशाली लोकांच्या सूचित त्यांना सामील करण्यात आले आहे.[४][५]
सुरुवातीचे जीवन
संपादनरिदम वाघोलीकर यांचा जन्म, २४ सप्टेंबर, इ.स. १९९३ रोजी भारतातील महाराष्ट्र राज्याच्या नाशिक येथे झाला. त्यांच्या वडिलांचे नाव सुधीर वाघोलीकर असून त्यांचा रियल एस्टेटचा व्यवसाय आहे. त्यांच्या आईचे नाव अनुराधा वाघोलीकर आहे. रिदम यांनी विज्ञान शाखेतून पदवी प्राप्त केलेली आहे.
कार्ये
संपादनवाघोलीकर ‘क्रिएटिंग पॉसिबिलिटीज’ नावाच्या एका सामाजिक संस्थेचे संस्थापक आहेत. ही संस्था अनाथ मुलांसाठी काम करते. रिदम यांनी आतापर्यंत दोन पुस्तके प्रकाशित केली आहेत. २०१७ मध्ये प्रकाशित झालेले, स्वरलता—रिदमिक रेमिनिसेस ऑफ लता दीदी, हे पुस्तक सुप्रसिद्ध गायिका लता मंगेशकर यांच्या जीवनावर आधारित आहे. ग्रामोफोन डिस्कच्या अनोख्या आकारात छापण्यात आलेले हे जगातील पहिलेच पुस्तक आहे.[६][७]
वाघोलीकरांचे दुसरे पुस्तक वर्ष २०१८ मध्ये प्रकाशित झाले. हे पुस्तक हिंदुस्तानी शास्त्रीय संगीताच्या गायिका किशोरी आमोणकर यांच्यावर आधारित आहे.[८][९][१] माजी राष्ट्रपती प्रणब मुखर्जी, माजी राष्ट्रपती प्रतिभा पाटील, लता मंगेशकर, पंडित बिरजू महाराज यांच्यासारख्या मान्यवरांनी त्यांच्या कार्यांसाठी त्यांचे कौतुक केले आहे.[३] वाघोलीकरांचे आगामी पुस्तक ट्रांसजेंडर समुदायावर आणि त्यांच्याशी संबंधित मुद्द्यांवर आधारित असणार आहे.[१०]
प्रकाशित साहित्य
संपादन| नाव | प्रकाशन वर्ष (इ.स.) |
|---|---|
| स्वरलता—रिदमिक रेमिनिसेस ऑफ लता दीदी | इ.स. २०१७ |
| द सोल स्टरिंग व्हॉईस—गानसरस्वती किशोरी आमोणकर | इ.स. २०१८ |
पुरस्कार व सन्मान
संपादन- त्यांना ‘एनआरआय वेल्फेअर सोसायटी ऑफ इंडिया’ (लंडन) या संस्थेकडून २५ ऑक्टोबर २०१८ रोजी लंडनच्या ब्रिटिश पार्लमेंटमधील, हाऊस ऑफ कॉमन्समध्ये ‘महात्मा गांधी सन्मानाने’ पुरस्कृत करण्यात आले. हा पुरस्कार प्राप्त करणारे, वाघोलीकर हे सर्वांत तरुण भारतीय आहेत.[११][३]
- जुलै २०१८ मध्ये फेमिना नियतकालिकाने रिदम वाघोलीकरांना ‘फेमिना मोस्ट पॉवरफुल ऑफ द ईयर २०१८’ या पुरस्काराने सन्मानित केले.[४]
- डिसेंबर २०१७ मध्ये वाघोलीकरांना ब्लिस इक्विटी प्रकाशनने अभिनेत्री स्मिता जयकर यांच्या हस्ते ‘वॉव’ पुरस्काराने सन्मानित केले.[१२]
- दुबई येथे २८ एप्रिल २०१८ रोजी, संयुक्त अरब अमिरातीच्या वाणिज्य मंत्रालयाद्वारे आयोजित करण्यात आलेल्या १२ व्या इंटरनॅशनल अचीव्हर्स समिटमध्ये रिदम वाघोलीकरांना वाणिज्य सचिव अब्दुल्ला अल सालेह यांच्या हस्ते ‘इंटरनॅशनल अचीव्हर्स’ पुरस्काराने गौरविण्यात आले.[१३]
संदर्भ व नोंदी
संपादन- ^ a b "किशोरी आमोणकर यांच्या सुहृदांनी सांगितलेल्या त्यांच्या सुरेल आठवणी पुस्तकरुपात".
- ^ "गौरी सावंत यांची प्रकट मुलाखत". 2018-12-10 रोजी मूळ पान पासून संग्रहित. 2019-01-03 रोजी पाहिले.
- ^ a b c d e "र्‍हिदम वाघोलीकर यांना 'महात्मा गांधी सन्मान' जाहीर".
- ^ a b "Highlights of Femina Pune's Most Powerful 2018-19".
- ^ "मनीषा लताड यांनादेणार 'कमांडर' सन्मान". 2018-12-10 रोजी मूळ पान पासून संग्रहित. 2019-01-03 रोजी पाहिले.
- ^ "Puneite's coffee-table book on Lata Mangeshkar released".
- ^ ""लता मंगेशकर यांच्या 88 व्या वाढदिवसानिमित्त 88 ज्येष्ठ नागरिकांना स्वरलता पुस्तकांची भेट". 2018-12-10 रोजी मूळ पान पासून संग्रहित. 2019-01-03 रोजी पाहिले.
- ^ "पुस्तकातून उलगडणार किशोरीताईंचे व्यक्तित्त्व". 2018-12-10 रोजी मूळ पान पासून संग्रहित. 2019-01-03 रोजी पाहिले.
- ^ "पुस्तकातून उलगडणार किशोरीताईंचे व्यक्तित्त्व". 2018-12-10 रोजी मूळ पान पासून संग्रहित. 2019-01-03 रोजी पाहिले.
- ^ बरुआ, अनन्या. "Motherhood is beyond gender, says Pune's first transgender mother Gauri Sawant".
- ^ "Rhythm Wagholikar awarded for Keeping the Flag of India high at the British Parliament". 2019-01-09 रोजी मूळ पान पासून संग्रहित. 2019-01-03 रोजी पाहिले.
- ^ "Wagholikar and Rachana shah receives 'Wow Award'".
- ^ "Wagholikar, Rachana Were Honored With Award".
- ^ "The award winning tarot expert". 2019-01-14 रोजी मूळ पान पासून संग्रहित. 2019-01-03 रोजी पाहिले.
- ^ "Pune : ऱ्हीदम वाघोलीकर, रचना खडीकर -शहा यांना राष्ट्रीय कला गौरव पुरस्कार जाहीर". 2019-01-14 रोजी मूळ पान पासून संग्रहित. 2019-01-03 रोजी पाहिले.
बाह्य दुवे
संपादन- अधिकृत संकेतस्थळ Archived 2018-12-05 at the Wayback Machine.