इंद्रजित सिंह बिंद्रा स्टेडियम
पंजाब क्रिकेट असोसिएशन आय.एस. बिंद्रा मैदान हे चंदिगढ जवळ मोहाली येथे वसलेले एक क्रिकेट मैदान आहे. ते बहुतेकदा मोहाली स्टेडियम म्हणून ओळखले जाते. सदर मैदान हे पंजाब क्रिकेट संघाचे होम ग्राऊंड आहे. मैदानाच्या बांधकामासाठी अंदाजे रुपये २५ कोटी इतका खर्च आला आणि पूर्ण होण्यास ३ वर्षांचा कालावधी लागला.[१] मैदानाची अधिकृत प्रेक्षकक्षमता २६,९५० इतकी आहे.[२]. मैदानाची रचना अरून लुंबा आणि असोशिएट, पंचकुला यांची असून बांधकाम आर. एस. कन्स्ट्रक्शन कंपनी, चंदिगढ यांनी केले आहे.[३]
 | |
| मैदान माहिती | |
|---|---|
| स्थान | मोहाली |
| स्थापना | १९९३ |
| आसनक्षमता | २६,००० |
| मालक | पंजाब क्रिकेट असोसिएशन |
| यजमान |
भारत क्रिकेट संघ (१९९३-सद्य) पंजाब क्रिकेट संघ (१९९३-सद्य) किंग्स XI पंजाब (२००८-सद्य) |
|
| |
| आंतरराष्ट्रीय माहिती | |
| प्रथम क.सा. |
१० - १४ डिसेंबर १९९४: भारत वि. वेस्ट इंडीज |
| अंतिम क.सा. |
२६ - ३० नोव्हेंबर २०१६: भारत वि. इंग्लंड |
| प्रथम ए.सा. |
२२ नोव्हेंबर १९९३: भारत वि. वेस्ट इंडीज |
| अंतिम ए.सा. |
२२ सप्टेंबर २०२३ २०२३: भारत वि. ऑस्ट्रेलिया |
| प्रथम २०-२० |
१२ डिसेंबर २००९: भारत वि. श्रीलंका |
| अंतिम २०-२० |
२७ मार्च २०१६: भारत वि. ऑस्ट्रेलिया |
|
शेवटचा बदल २८ डिसेंबर २०१६ स्रोत: इएसपीएन क्रिकइन्फो (इंग्लिश मजकूर) | |
येथे प्रकाशझोताचे दिवे इतर क्रिकेट स्टेडियमच्या तुलनेत अपारंपरिक आहेत. जवळच्या चंदिगढ विमानतळावरून उड्डाण करण्याऱ्या विमानांच्या सुरक्षिततेसाठी येथील दिव्यांच्या खांबाची उंची फार कमी आहे. आणि त्यामुळे मैदानावर १६ फ्लडलाईट आहेत.
हे मैदान भारतातील १९ वे आणि नवीन कसोटी मैदानांपैकी एक आहे. मैदानाची खेळपट्टीचा एकदम जिवंत आणि तेज गोलंदाजांना मदत करणारी असा नावलौकिक आहे. परंतु अलिकडे (डिसेंबर २०११) ती काहीसी मंदावली असून फिरकी गोलंदाजांनाही मदत करु लागली आहे. २२ नोव्हेंबर १९९३ रोजी हिरो चषक स्पर्धेदरम्यान भारत विरुद्ध दक्षिण आफ्रिका एकदिवसीय सामन्याने मैदानाचे उद्घाटन झाले.
त्यानंतरच्या मोसमात १० डिसेंबर १९९४ रोजी भारत आणि वेस्ट इंडीज दरम्यान येथे पहिला कसोटी सामना सुरू झाला. ह्या मैदानावर झालेल्या चित्तथरारक सामन्यांपैकी एक होता ऑस्ट्रेलिया आणि वेस्ट इंडीज दरम्यान १४ मार्च १९९६ रोजी झालेला क्रिकेट विश्वचषकाचा दुसरा उपांत्य सामना. क्रिकेट विश्वचषक, २०११ मध्ये पीसीए मैदानावर ३ सामने खेळवले गेले, त्यामधलाच एक खिळवून ठेवणारा सामना होता ३० मार्च २०११ रोजी भारत आणि पाकिस्तान दरम्यानचा दुसरा उपांत्य सामना, ज्यात भारताने बाजी मारली. ह्या सामन्यास एकमेकांदरम्यानचे संबंध सुधारण्याचा एक भाग म्हणून भारताचे पंतप्रधान मनमोहन सिंग आणि पाकिस्तानचे युसफ रझा गिलानी हे उपस्थित होते.
पीसीए मैदान हे आयपीएल फ्रँचायझी किंग्स XI पंजाबचे होम ग्राउंड आहे. परंतु त्यांचे मोहालीमधील प्रदर्शन अगदी साधारण असेच आहे.
मैदानाच्या सध्याच्या खेळपट्टीचे क्युरेटर दलजीत सिंग.[४] आणि रचना सल्लागार Ar. सुफ्यां अहमद हे आहेत. भारतीय खेळपट्ट्यांपैकी ही एक सर्वात हिरवी खेळपट्टी आहे आणि बाकिचे मैदानसुद्धा हिरवेगार असल्याने, चेंडूची लकाकी जास्तवेळ राहते आणि तेज गोलंदाज त्याचा फायदा जास्तीत जास्त वेळ घेऊ शकतात. मोहालीची खेळपट्टी नंतर नंतर मंद होते आणि फलंदाजांसाठी नंदनवन ठरते.
स्वतंत्रता चषक किंवा फ्रिडम ट्रॉफी स्पर्धेची पहिली कसोटी मोहाली येथे खेळवली गेली. ह्या कसोटीमध्ये, भारतीय फिरकी गोलंदाजांना खेळपट्टीकडून खूप मदत मिळाली आणि भारताच्या गोलादाजांसमोर दक्षिण आफ्रिकेचे फलंदाज चाचपडत खेळताना दिसले. तीन दिवसांत संपलेल्या ह्या सामन्यात भारताने दक्षिण आफ्रिकेचा १०८ धावांनी दणदणीत पराभव केला. मोहाली मध्ये फिरकी गोलंदाजांना खेळपट्टीकडून इतकी मोठी मदत मिळण्याची ही पहिलीच वेळ होती.
महत्त्वाच्या नोंदी
संपादनकसोटी मधील सर्वाधिक सांघिक धावसंख्या = न्यू झीलंड ६३०-६घो वि भारत, २००३-०४ मोसम.
कसोटी मधील सर्वात निचांकी सांघिक धावसंख्या = भारत ८३ वि न्यू झीलंड, १९९९-०० मोसम.
एकदिवसीय सामन्यामधील सर्वाधिक सांघिक धावसंख्या = दक्षिण आफ्रिका ३५१-५ वि नेदरलँड्स, क्रिकेट विश्वचषक, २०११.
एकदिवसीय सामन्यामधील सर्वात निचांकी सांघिक धावसंख्या = पाकिस्तान ८९ वि दक्षिण आफ्रिका २००६ आय.सी.सी. चॅम्पियन्स ट्रॉफी.
आंतरराष्ट्रीय टी२० सामन्यामधील सर्वाधिक सांघिक धावसंख्या = भारत २११-४ वि श्रीलंका, २००९-१० मोसम.
आंतरराष्ट्रीय टी२० सामन्यामधील सर्वात निचांकी सांघिक धावसंख्या = पाकिस्तान १५८-५ वि न्यू झीलंड, आयसीसी विश्व ट्वेंटी२०, २०१६.
आंतरराष्ट्रीय सामन्यांची यादी
संपादनकसोटी
संपादनआजवर मैदानावर झालेल्या कसोटी सामन्यांची यादी खालीलप्रमाणे[५]:
| दिनांक | संघ १ | संघ २ | विजयी संघ | फरक | धावफलक |
|---|---|---|---|---|---|
| १०-१४ डिसेंबर १९९४ |  भारत |
 वेस्ट इंडीज |
वेस्ट इंडीज |
२४३ धावा | धावफलक |
| १९-२३ नोव्हेंबर १९९७ | भारत |
 श्रीलंका |
अनिर्णित | धावफलक | |
| १०-१४ ऑक्टोबर १९९९ | भारत |
 न्यूझीलंड |
अनिर्णित | धावफलक | |
| ३-६ डिसेंबर २००१ | भारत |
 इंग्लंड |
भारत |
१० गडी | धावफलक |
| १६-२० ऑक्टोबर २००३ | भारत |
न्यूझीलंड |
अनिर्णित | धावफलक | |
| ८-१२ मार्च २००५ | भारत |
 पाकिस्तान |
अनिर्णित | धावफलक | |
| ९-१३ मार्च २००६ | भारत |
इंग्लंड |
भारत |
९ गडी | धावफलक |
| १७-२१ ऑक्टोबर २००८ | भारत |
 ऑस्ट्रेलिया |
भारत |
३२० धावा | धावफलक |
| १९-२३ डिसेंबर, २००८ | भारत |
इंग्लंड |
अनिर्णित | धावफलक | |
| १-५ ऑक्टोबर २०१० | भारत |
ऑस्ट्रेलिया |
भारत |
१ wicket | धावफलक |
| १४-१८ मार्च २०१३ | भारत |
ऑस्ट्रेलिया |
भारत |
६ गडी | धावफलक |
| ५-७ नोव्हेंबर २०१५ | भारत |
 दक्षिण आफ्रिका |
भारत |
१०८ धावा | धावफलक |
| २६-२९ नोव्हेंबर २०१६ | भारत |
इंग्लंड |
भारत |
८ गडी | धावफलक |
एकदिवसीय
संपादनआजवर मैदानावर झालेल्या एकदिवसीय सामन्यांची यादी खालीलप्रमाणे[६]:
टी२०
संपादनआजवर मैदानावर झालेल्या आंतरराष्ट्रीय टी२० सामन्यांची यादी खालीलप्रमाणे[७]:
| दिनांक | संघ १ | संघ २ | विजयी संघ | फरक | धावफलक |
|---|---|---|---|---|---|
| १२ डिसेंबर २००९ | भारत |
श्रीलंका |
भारत |
६ गडी | धावफलक |
| २२ मार्च २०१६ | न्यूझीलंड |
पाकिस्तान |
न्यूझीलंड |
२२ धावा | धावफलक |
| २५ मार्च २०१६ | ऑस्ट्रेलिया |
पाकिस्तान |
ऑस्ट्रेलिया |
२१ धावा | धावफलक |
| २७ मार्च २०१६ | भारत |
ऑस्ट्रेलिया |
भारत |
६ गडी | धावफलक |
संदर्भ आणि नोंंदी
संपादन- ^ "संग्रहित प्रत". 2015-06-30 रोजी मूळ पान पासून संग्रहित. 2016-12-30 रोजी पाहिले.
- ^ "भारतीय प्रीमियर लीग २०१० मैदाने" (इंग्रजी भाषेत). 2010-03-14 रोजी मूळ पान पासून संग्रहित. 2016-12-30 रोजी पाहिले.
- ^ बसु, रिथ. "इडन पुनर्विकास". द टेलिग्राफ (इंग्रजी भाषेत). कोलकागा, भारत. २९ डिसेंबर २०१६ रोजी पाहिले.
- ^ पंजाब क्रिकेट असोसिएशन मैदान | भारत | क्रिकेट मैदाने | इएसपीएन क्रिकइन्फो. क्रिकइन्फो.कॉम. ३० डिसेंबर २०१६ रोजी पाहिले.
- ^ "पंजाब क्रिकेट असोसिएशन मैदान, मोहाली, चंदिगढ / नोंदी / कसोटी सामने / सामने निकाल" (इंग्रजी भाषेत). ३० डिसेंबर २०१६ रोजी पाहिले.
- ^ "पंजाब क्रिकेट असोसिएशन मैदान, मोहाली, चंदिगढ / नोंदी / आंतरराष्ट्रीय एकदिवसीय सामने / सामने निकाल" (इंग्रजी भाषेत). ३० डिसेंबर २०१६ रोजी पाहिले.
- ^ "पंजाब क्रिकेट असोसिएशन मैदान, मोहाली, चंदिगढ / नोंदी / आंतरराष्ट्रीय टी२० सामने / सामने निकाल" (इंग्रजी भाषेत). ३० डिसेंबर २०१६ रोजी पाहिले.