एअरएशिया
एअरएशिया (AirAsia) ही आग्नेय आशियाच्या मलेशिया देशामधील कमी दरात विमानसेवा पुरवणारी एक विमान वाहतूक कंपनी आहे. भारतासह आशियामधील अनेक देशांमध्ये उपकंपन्या चालवणाऱ्या एअरएशियाद्वारे २२ देशांमधील सुमारे १०० शहरांमध्ये प्रवासी विमानसेवा पुरवली जाते.
 | ||||
| ||||
| स्थापना | १९९३ | |||
|---|---|---|---|---|
| उड्डाणांची सुरूवात | १८ नोव्हेंबर १९९६ | |||
| हब | क्वालालंपूर आंतरराष्ट्रीय विमानतळ (क्वालालंपूर) | |||
| मुख्य शहरे | सिंगापूर चांगी विमानतळ (सिंगापूर) | |||
| उपकंपन्या |
| |||
| विमान संख्या | १६९ | |||
| ब्रीदवाक्य | Now Everyone Can Fly | |||
| मुख्यालय | क्वालालंपूर, मलेशिया | |||
| प्रमुख व्यक्ती | टोनी फर्नांडिस | |||
| संकेतस्थळ | www.airasia.com | |||
सरासरी 0.023 अमेरिकन डॉलर प्रति किलोमीटर इतक्या कमी दरात विमानप्रवास उपलब्ध करून देणारी एअरएशिया जगातील सर्वात स्वस्त विमानसेवा आहे. नोव्हेंबर १९९६ मध्ये एअरएशियाची विमानसेवा चालू झाली. २ डिसेंबर २००१ रोजी ११ दशलक्ष डॉलर्स इतक्या रकमेने कर्जबाजारी झालेली एअरएशिया कंपनी मलेशियन उद्योगपती टोनी फर्नांडिस ह्याने १ मलेशियन रिंगिट ह्या किंमतीस विकत घेतली. फर्नांडिसने कंपनीमध्ये मोठ्या सुधारणा घडवून आणल्या व एअरएशियाला पुन्हा नफ्याच्या मार्गावर नेले. एअरएशियाने मलेशिया एअरलाइन्स ह्या प्रतिस्पर्धी कंपनीचे वर्चस्व कमी करण्यासाठी अनेक नवे मार्ग चालू केले व प्रवासदरांमध्ये लक्षणीय घट केली. २००३ साली एअरएशियाने आंतरराष्ट्रीय विमानसेवेस प्रारंभ केला.
उपकंपन्यासंपादन करा
एअरएशिया इंडियासंपादन करा
भारत सरकारने नागरी उड्डाण क्षेत्रामध्ये परकीय थेट गुंतवणूकीस परवानगी दिल्यानंतर ऑक्टोबर २०१२ मध्ये एअरएशियाने भारतामध्ये विमानसेवा चालू करण्याची प्रक्रिया सुरू केली. १९ फेब्रुवारी २०१३ रोजी एअर एशियाचा 49 %, टाटा उद्योगसमूहाचा 30%, आणि टेलेस्ट्रा ट्रेडप्लसचा 21% वाटा असलेली एअरएशिया इंडिया नावाची कंपनी स्थापन करण्यात आली. बंगळूरच्या केंपेगौडा आंतरराष्ट्रीय विमानतळ येथे प्रमुख हब असलेल्या एअरएशिया इंडियाच्या विमानसेवेस १२ जून २०१४ रोजी प्रारंभ झाला.
ताफासंपादन करा
एअरएशिया कंपनी प्रामुख्याने एअरबसची ए३२० ही विमाने वापरते. सध्या १८० प्रवासी क्षमता असलेली एअरएशियाची १६९ विमाने कार्यरत आहेत तर ३२२ अतिरिक्त विमानांची मागणी नोंदवण्यात आली आहे.
अपघात व दुर्घटनासंपादन करा
- २८ नोव्हेंबर २०१४ रोजी सुरबयाहून सिंगापूरकडे निघालेले इंडोनेशिया एअरएशिया फ्लाइट ८५०१ गायब झले.
बाह्य दुवेसंपादन करा
 |
विकिमीडिया कॉमन्सवर खालील विषयाशी संबंधित संचिका आहेत: |