अरिजीत सिंग
अरिजीत सिंग (बंगाली: অরিজিৎ সিং; २५ एप्रिल १९८७) हा एक भारतीय गायक आहे. २००५ सालापासून पार्श्वगायन करणारा अरिजीत सध्या बॉलिवूडमधील एक लोकप्रिय पार्श्वगायक आहे. २०१३ सालच्या आशिकी २ चित्रपटामधील तुम ही हो ह्या गाण्यासाठी अरिजीत प्रसिद्धीझोतात आला. ह्या गाण्यासाठी त्याला सर्वोत्तम पुरुष पार्श्वगायकाचा फिल्मफेअर पुरस्कार व इतर अनेक पुरस्कार मिळाले.
| अरिजीत सिंग | |
|---|---|
 अरिजीत सिंग | |
| आयुष्य | |
| जन्म | २५ एप्रिल, १९८७ |
| जन्म स्थान | जियागंज, मुर्शिदाबाद जिल्हा, पश्चिम बंगाल |
| संगीत साधना | |
| गायन प्रकार | बॉलिवूड |
| संगीत कारकीर्द | |
| कार्यक्षेत्र | पार्श्वगायक, संगीत दिग्दर्शक |
| कारकिर्दीचा काळ | २००५ - चालू |
पार्श्वभूमीसंपादन करा
अरिजीत चा जन्म २५ एप्रिल १९८७ रोजी जियागंज मुर्शिदाबाद, पश्चिम बंगाल मध्ये झाला.[१] त्याचे वडील पंजाबी आणि आई बंगाली आहे.[२] अरिजित ला संगीताचे प्रशिक्षण सुरुवातीपासून त्यांच्या घरातूनच मिळाले. त्याची आजी गायन करायची व काकू शास्त्रिय संगीतामध्ये प्रशिक्षित आहे. त्याचे काका तबला वाजवतात, त्याची आई देखील गायिका आहे व तबला सुद्धा वाजवते. त्याने राजा बिजय सिंह हायस्कूल आणि नंतर कल्याणी विद्यापीठाच्या श्रीपतसिंग कॉलेज येथे शिक्षण घेतले.[३] त्याच्या सांगण्यानुसार तो "एक सभ्य विद्यार्थी होता, परंतु संगीत बद्दल अधिक काळजी घेत असत" आणि त्याच्या पालकांनी त्याला व्यावसायिक द्रुष्ट्या प्रशिक्षित करण्याचा निर्णय घेतला. त्याने सुदर्शन देवानंद सरदार यांच्याकडे भारतीय शास्त्रीय संगीताचे धडे घेतले आणि धीलेंद्र प्रसाद हजारी यांनी त्याला तबलामध्ये प्रशिक्षित केले. बिरेंद्र प्रसाद हजारी यांनी त्याला रबींद्र संगीत (रवींद्रनाथ टागोर यांनी लिहिलेले संगीत )आणि पॉप संगीत शिकवले.[३] त्याने तीन वर्षाच्या वयात हजारी बंधूंच्या मार्गदर्शनाखाली संगीताचे प्रशिक्षण सुरू केले आणि प्रशिक्षण मिळवून अवघ्या नऊ वर्षाच्या वयात भारतीय शास्त्रीय संगीत विभागात गाण्यांसाठी शिष्यवृत्ती मिळावली.[४]
मोझार्ट, बिथओवेन आणि बंगाली शास्त्रीय संगीत ऐकत लहानाचा मोठा झाला आहे.[ संदर्भ हवा ] बडे गुलाम अली खान, उस्ताद रशीद खान, जाकिर हुसेन आणि आनंद चटर्जी यांसारख्या दिग्गजांकडुन तो प्रेरित झाला आहे तसेच किशोर कुमार, हेमंत कुमार आणि मन्ना डे या ज्येष्ठ गायकांची गाणी सतत ऐकत असत व आनंद घेत असत.[५] वर्ष २०१४ मध्ये अरिजित ने आपली मैत्रीण कोयेल रॉयशी विवाह केला.[५][६][७] त्याला २ अपत्य आहेत .[८][९]
पुरस्कारसंपादन करा
- २०१४ - फिल्मफेअर सर्वोत्तम पुरुष पार्श्वगायक पुरस्कार - आशिकी २ मधील तुम ही हो
- २०१४ - झी सिने पुरस्कार सर्वोत्तम पुरुष पार्श्वगायक - आशिकी २ मधील तुम ही हो
- २०१४ - आय.आय.एफ.ए. पुरस्कार सर्वोत्तम पुरुष पार्श्वगायक - आशिकी २ मधील तुम ही हो
- २०१४ - स्क्रीन पुरस्कार सर्वोत्तम पुरुष पार्श्वगायक - आशिकी २ मधील तुम ही हो
- २०१५ - स्क्रीन पुरस्कार सर्वोत्तम पुरुष पार्श्वगायक - सिटीलाइट्स मधील मुस्कुराने
संदर्भसंपादन करा
- ^ "Happy Birthday Arijit Singh: From Tum Hi Ho to Gerua, his Top 10 songs". The Indian Express. 25 एप्रिल 2016. Archived from the original on 26 एप्रिल 2016. 27 एप्रिल 2016 रोजी पाहिले.
- ^ "I still travel by public transport: Arijit Singh". The Times of India. Archived from the original on 9 February 2015.
- ^ a b Agarwal, Stuti (31 मे 2013). "I still travel by public transport: Arijit Singh". The Times of India. Archived from the original on 9 फेब्रुवारी 2015. 8 फेब्रुवारी 2015 रोजी पाहिले.
- ^ "My life has always been a mess". Zoom4India. Archived from the original on 21 April 2017. 1 April 2017 रोजी पाहिले.
- ^ a b Raghuvendra Singh (19 ऑगस्ट 2015). "Can't stop the music". Archived from the original on 8 ऑगस्ट 2017. 4 जून 2017 रोजी पाहिले.
- ^ "My life has always been mess". Archived from the original on 19 June 2017. 1 April 2017 रोजी पाहिले.
- ^ Sen, Torsha (5 फेब्रुवारी 2013). "Singer Arijit Singh confirms that he is married". Hindustan Times. Archived from the original on 11 मार्च 2015. 24 फेब्रुवारी 2015 रोजी पाहिले.
- ^ Dhairya Ingle. "Arijit Singh gves the world the first glimpse of his two children". SpotboyE. Archived from the original on 2 जून 2017. 2 जून 2017 रोजी पाहिले.
- ^ "Arijit Singh posts pictures of his two sons for the first time". 1 जुलै 2017. Archived from the original on 5 जून 2017. 2 जून 2017 रोजी पाहिले.
बाह्य दुवेसंपादन करा
- इंटरनेट मूव्ही डेटाबेस वरील अरिजीत सिंग चे पान (इंग्लिश मजकूर)
