सरसेनापती हंबीरराव

सरसेनापती हंबीरराव हा प्रवीण तरडे लिखित आणि दिग्दर्शित आणि उर्विता प्रॉडक्शनच्या बॅनरखाली संदीप मोहिते पाटील, सौजन्या निकम आणि धरमेंद्र बोरा यांनी निर्मित भारतीय मराठी भाषेतील ऐतिहासिक युद्धपट आहे.या चित्रपटात प्रवीण तरडे, गश्मीर महाजनी, श्रुती मराठे, मोहन जोशी, उपेंद्र लिमये, राकेश बापट यांच्या प्रमुख भूमिका आहेत. हा चित्रपट मराठा साम्राज्याचे सरसेनापती हंबीरराव मोहिते यांच्या जीवनावर आधारित आहे. हा चित्रपट २७ मे २०२२ रोजी प्रदर्शित झाला.

सरसेनापती हंबीरराव
दिग्दर्शन	प्रवीण तरडे
निर्मिती	संदीप मोहिते पाटील, सौजन्य निकम, धर्मेंद्र बोरा
प्रमुख कलाकार	प्रवीण तरडे, गश्मीर महाजनी
छाया	महेश लिमये
देश	भारत
भाषा	मराठी
प्रदर्शित	२७ मे २०२२

कलाकार

• छत्रपती शिवाजी महाराजांच्या आणि छत्रपती संभाजी महाराजांच्या भूमिकेत गश्मीर महाजनी
• महाराणी सोयराबाईंच्या भूमिकेत श्रुती मराठे
• सरसेनापती हंबीरराव मोहिते यांच्या भूमिकेत प्रवीण तरडे
• बहिर्जी नाईक यांच्या भूमिकेत उपेंद्र लिमये
• औरंगजेबाच्या भूमिकेत मोहन जोशी
• स्नेहल तरडे
• प्रतीक मोहिते
• सरजाह खानच्या भूमिकेत राकेश बापट
• प्रशांत मोहिते
• केतन भोसले
• रमेश परदेशी
• शिवराज मोहिते पाटील
• हृतिक बोरा
• रविजा तुषार भामरे
• रणजित निकम
• शुभंकर एकबोटे
• क्षितीश दाते

निर्मिती

मुळशी पॅटर्न (२०१८) या दिग्दर्शनातील त्यांचे काम पूर्ण केल्यानंतर, प्रवीण तरडे यांनी ७ जून २०१९ रोजी मराठा योद्धा हंबीरराव मोहिते यांच्या जीवनावर आधारित सरसेनापती हंबीरराव नावाच्या त्यांच्या पुढील चित्रपटाची घोषणा केली.

कास्टिंग

जून २०२१ मध्ये, गश्मीर महाजनी या चित्रपटात छत्रपती शिवाजी महाराजची भूमिका साकारणार असल्याची माहिती मिळाली होती. ऑक्टोबर २०२० मध्ये, राकेश बापट या चित्रपटातील मुख्य विरोधी असलेल्या सरजाह खानची भूमिका साकारणार असल्याची माहिती मिळाली.

चित्रीकरण

मुख्य छायाचित्रणाची सुरुवात १३ जानेवारी २०२० रोजी रणजितसिंह मोहिते-पाटील यांनी दिलेल्या मुहूर्ताने झाली. चित्रपटाचे पहिले शेड्यूल जानेवारी २०२० मध्ये सुरू झाले. मुख्य छायाचित्रण १६ ऑक्टोबर २०२० रोजी पूर्ण झाले.