रोहे

राजगड जिल्ह्यामधील एक गाव
(रोहा या पानावरून पुनर्निर्देशित)


रोहा (मराठी लेखनभेद: रोहे ;) हे महाराष्ट्राच्या रायगड जिल्ह्यातील एक गाव आहे. रोहा कोकण प्रदेशामध्ये कुंडलिका नदीच्या किनाऱ्यावर वसले आहे. रोह्याची लोकसंख्या सुमारे १.४ लाख (इ.स. २०११) आहे. अनेक रासायनिक उद्योगांनी रोह्याजवळ कारखाने उभारले आहेत.

रोहा
भारतामधील शहर

Konkan Railway 516.JPG
रोहा रेल्वे स्थानक
रोहा is located in महाराष्ट्र
रोहा
रोहा
रोहाचे महाराष्ट्रमधील स्थान

गुणक: 18°27′16″N 73°6′53″E / 18.45444°N 73.11472°E / 18.45444; 73.11472

देश भारत ध्वज भारत
राज्य महाराष्ट्र
जिल्हा रायगड जिल्हा
लोकसंख्या  (२०११)
  - शहर १,४०,०००
प्रमाणवेळ यूटीसी+०५:३०

कोकण रेल्वेमार्गाची सुरुवात रोहे रेल्वे स्थानकापासून होते.

बाह्य दुवेसंपादन करा

(रोह्याचे सुप्रसिद्ध ग्रामदैवत श्री धावीर महाराज यांचे कै. श्रीमती. मैनाताई मेहेंदळे यांनी रचिलेले स्तुती स्तोत्र :- )

वनी राहिला दूर एकांत स्थानी | महारुद्र अवतार हा शूलपाणी | वसे देव हा गांव रक्षावयाला | नमस्कार माझा तया धावीराला ||१||


प्रभू दर्शनालागि आदित्यवारी | तिथे सानथोरादि जाऊनी सारी | पुढे ठेविती भक्तिने श्रीफलाला | नमस्कार माझा तया धावीराला ||२||


जणू प्रिय त्या श्रीफलातील पाणी | कुणी बांधतो तोरणे या ठिकाणी | प्रसादासवे येई शांती मनाला | नमस्कार माझा तया धावीराला ||३||


स्मरुनी मनी देव आषाढ मासी | घरी ब्राह्मणा घालिती भोजनासी | अशा अन्नदाने बहू तोष त्याला | नमस्कार माझा तया धावीराला ||४||


पुढे नाम सप्ताह संकीर्तनाने | अहोरात्र हरिनाम हा घोष तेथे | करोनि भजा सांगतो विठ्ठलाला | नमस्कार माझा तया धावीराला ||५||


महारुद्र अभिषेकही याच वेळी | करोनि स्वये पूजिती चंद्रमौळी | असे तोषविती पुरोहित त्याला | नमस्कार माझा तया धावीराला ||६|| 


बहूथाट नवरात्री हो उत्सवाचा | यथासांग पूजा घटस्थापनेचा | प्रभू वैभवे तेज ये मंदिराला | नमस्कार माझा तया धावीराला ||७||


उभे जोडीने गोंधळी दोन वेळा | पुढे भक्तिने घालती गोंधळाला | सदा होई गर्दी प्रभू दर्शनाला | नमस्कार माझा तया धावीराला ||८||


निघे पालखी बैसुनी देव स्वारी | करी आरती घेऊनि सत्य सारी | तिथे भक्तिने अर्पिली काव्य माला | नमस्कार माझा तया धावीराला ||९||

👆🏻(कवयित्री :- कै. श्रीमती मैनाताई मेहेंदळे - रोहा रायगड.)

  • कवनात ऱ्हस्व / दीर्घ , पुल्लिंग / स्त्रीलिंग, इ. बाबतीत कवीला स्वातंत्र्य असते हे सर्वांस विदीत आहेच. त्यामुळे उपरोक्त काव्यात काही टंकन दोष उद्भवले / राहिले असल्यास त्याबद्दल दिलगीर आहे ... क्षमस्व ! 🙏🏻*