मीरा आंबेडकर

(मीराबाई आंबेडकर या पानावरून पुनर्निर्देशित)

मीरा यशवंत आंबेडकर (जन्म : नीरा विठ्ठल साळवे; ४ मे, वर्ष?) ह्या सामाजिक, राजकीय व आंबेडकरवादी चळवळीतील कार्यकर्त्या आहेत. त्या भारतीय राज्यघटनेचे शिल्पकार डॉ. बाबासाहेब आंबेडकर यांच्या सून व यशवंत आंबेडकर यांच्या पत्नी आहेत. वंचित बहुजन आघाडीचे नेते प्रकाश[१] तसेच रमाबाई, भीमरावआनंदराज यांच्या त्या आई आहेत. त्यांची मुलगी रमा यांचा आनंद तेलतुंबडे यांच्याशी विवाह झाला आहे. मीराबाईंनी अनेक सामाजिक, राजकीय व धार्मिक चळवळीत भाग घेतलेला आहे. बाबासाहेब आंबेडकर व यशवंत आंबेडकर यांच्यानंतर मीरा यांनी भारतीय बौद्ध महासभेच्या राष्ट्रीय अध्यक्षा म्हणून काम केले आहेत.[२]

मीरा आंबेडकर
टोपणनाव: नीरा
जन्म: ४ मे
रावडूळ, महाड तालुका, रायगड जिल्हा (कुलाबा)
चळवळ: आंबेडकरवादी चळवळी
संघटना: भारतीय बौद्ध महासभा
कार्यक्षेत्र: सामाजिक, राजकीय, धार्मिक
धर्म: बौद्ध धर्म
प्रभाव: डॉ. बाबासाहेब आंबेडकर
वडील: विठ्ठल साळवे
आई: कमळाबाई साळवे
पती: यशवंत आंबेडकर
अपत्ये: प्रकाश, रमा, भीमरावआनंदराज

मीरा आंबेडकर यांचा जन्म रावडूळ ता. महाड जि. रायगड (कुलाबा) येथे झाला. त्यांच्या वडिलांचे नाव विठ्ठल साळवे, तर आईचे नाव कमळाबाई होते. मीरा यांचे माहेरकडचे नाव 'नीरा' असे होते.[३] परिवारात नीरा (मीरा), सिंधू, निर्मला, ऊर्मिला व विमल ह्या पाच मुली तर पांडुरंग हा एकुलता मुलगा होता.[४] त्यावेळी नीरा गुजरात मधील मेहसाणा येथे राहात होत्या. वडील रेल्वेत नोकरीला होते. आई, वडील व नीरा मुंबईला सुशिला जाधव या त्यांच्या चुलत बहिणीकडे आले असताना यशवंत आंबेडकरांनी त्यांना पाहिले. यशवंतरावांनी अधिक माहिती काढून त्यांच्या कुटुंबापुढे लग्नाचा प्रस्ताव ठेवला. लग्न जुळवणीत चांगदेव खैरमोडे यांच्या पत्नी द्वारकाबाईंचा विशेष सहभाग होता. मीरा व यशवंत यांचा विवाह १९ एप्रिल १९५३ रोजी परळ येथील आर.एम. भट हायस्कूलच्या हॉलमध्ये बौद्ध पद्धतीने झाला. त्यावेळी डॉ. बाबासाहेब आंबेडकरांनी धम्मदीक्षा घेतलेली नव्हती. या लग्नास बाबासाहेब हजर नव्हते, मात्र सविता आंबेडकर उपस्थित होत्या.[५]


Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.

हे सुद्धा पहासंपादन करा

संदर्भसंपादन करा

  1. ^ "अकोला जिल्ह्यातील धम्मचक्र प्रवर्तन दिन सोहळ्याचा इतिहास". Lokmat. 9 ऑक्टो, 2019. 
  2. ^ "Battle to head Ambedkar’s Society nears end in HC". 16 एप्रि, 2014. 
  3. ^ Khobragade, Fulchand (2014). Suryaputra Yashwantrao Ambedkar (Marathi मजकूर). Nagpur: Sanket Prakashan. पान क्रमांक 12. 
  4. ^ Khobragade, Fulchand (2014). Suryaputra Yashwantrao Ambedkar (Marathi मजकूर). Nagpur: Sanket Prakashan. pp. 12, 13. 
  5. ^ Khobragade, Fulchand (2014). Suryaputra Yashwantrao Ambedkar (Marathi मजकूर). Nagpur: Sanket Prakashan. पान क्रमांक 13.