मिझो नॅशनल फ्रंट

मिझो नॅशनल फ्रंट
पक्षाध्यक्ष	झोरामथंगा
लोकसभेमधील पक्षनेता	सी. लालरोसांगा
स्थापना	१९६१
संस्थापक	लालडेंगा
मुख्यालय	ऐझॉल, मिझोरम
युती	राष्ट्रीय लोकशाही आघाडी
लोकसभेमधील जागा	१ / ५४५
राज्यसभेमधील जागा	१ / २४५
विधानसभेमधील जागा	२७ / ४० (मिझोरम)
संकेतस्थळ	mnfparty.in

मिझो नॅशनल फ्रंट हा भारत देशाच्या मिझोरम राज्यामधील एक प्रादेशिक राजकीय पक्ष आहे. १९६१ साली लालडेंगा ह्यांच्या नेतृत्वाखाली मिझो लोकांसाठी स्थापन झालेली मिझो नॅशनल फ्रंट ही भारत सरकारच्या विरोधात एक सशस्त्र क्रांतीकारी चळवळ होती. १९८६ साली भारत सरकारसोबत शांतीकरारावर सह्या करून मिझो नॅशनल फ्रंटने आपले आंदोलन मागे घेतले व १९८७ सालच्या मिझोरम राज्य स्थापनेनंतर त्याला एक प्रादेशिक राजकीय पक्ष म्हणून मान्यता देण्यात आली. आजवर तीनवेळा हा पक्ष मिझोरमच्या सत्तेवर राहिला असून पक्षाचे अध्यक्ष झोरामथंगा मिझोरमचे विद्यमान मुख्यमंत्री आहेत.

२०१९ लोकसभा निवडणुकांमध्ये देखील मिझोरम लोकसभा मतदारसंघामधून मिझो नॅशनल फ्रंटचा उमेदवार निवडून आला. आजच्या घडीला हा पक्ष राष्ट्रीय लोकशाही आघाडीचा घटक पक्ष आहे.

बाह्य दुवे

• अधिकृत संकेतस्थळ Archived 2021-12-23 at the Wayback Machine.