इंटरस्टेट ७१

आय-७१ तथा इंटरस्टेट ७१ हा अमेरिकेतील महामार्ग आहे. देशाच्या साधारण उत्तर-मध्य भागात नैऋत्य-ईशान्य धावणारा हा रस्ता केंटकी राज्यातील लुईव्हिल शहराला ओहायो राज्यातील क्लीव्हलंड शहराला जोडतो.

राष्ट्रीय महामार्ग ७१
लांबी	५५६.१४ किमी
सुरुवात	लुईव्हिल
मुख्य शहरे	सिनसिनाटी, कोलंबस, रिचफील्ड
शेवट	क्लीव्हलंड
जुळणारे प्रमुख महामार्ग	/ लुईव्हिल वॉल्टन-सिनसिनाटी / जेफरसनव्हिल / कोलंबस / सेव्हिल स्ट्राँग्सव्हिल ब्रूक पार्क / क्लीव्हलंड
राज्ये	केंटकी, ओहायो
रा.म. – यादी – भाराराप्रा – एन.एच.डी.पी.

हा महामार्ग ५५६.१४ किमी (३४५.५७ मैल) लांबीचा असून तो केंटकी आणि ओहायो राज्यांतून जातो.

मार्ग वर्णन

राज्यानुसार आय-७१ची लांबी

राज्य	लांबी (मैल)
राज्य	लांबी (किमी)
केंटकी	९७.४२	१५६.७८
ओहायो	२४८.१५	३९९.३६
एकूण	३४५.५७	५५६.१४

केंटकी

लुईव्हिलमधील आय-७१ चे दक्षिणेकडील टोक

कॅरॉल काउंटीमध्ये आय-७१

सिनसिनाटीमध्ये शिरताना आय-७१ आणि आय-७५

केंटकीमध्ये आय-७१ लुईव्हिल शहराच्या मध्यवर्ती भागापासून जवळ सुरू होतो व लगेचच आय-६४ आणि आय-६५ पार करीत कॅरल्टनकडे जातो. १२४ किमी (७७ मैल) या दिशेने गेल्यावर आय-७५ या रस्त्याला मिळतो व हे दोन्ही रस्ते आय-२७५ हा सिनसिनाटी शहराभोवतीचा महामार्ग ओलांडतात. ओहायो नदी पार करून आय-७१ सिनसिनाटी शहरातून पुढे जातो.

ओहायो

ओहायोत शिरल्यावर सिनसिनाटी शहरात आय-७५ लगेचच वेगळा होतो. शहराच्या मध्यवर्ती भागाच्या पूर्वेस यूएस ५० वेगळा होतो आणि आय-७१ ईशान्येस आय-४७१ पार करून सिनसिनाटी महानगरातून पुढे जातो. येथे आय-२७५ला पुन्हा एकदा पार केल्यावर आय-७१ ग्रामीण भागातून कोलंबसकडे पुढे जातो. साउथ लेबेनॉन शहरानंतर हा रस्ता पूर्वेकडे वळतो व ओहायोच्या सपाट मैदानातून जातो. कोलंबसच्या पूर्वेस आय-२७० या वर्तुळाकृती रस्त्यावरून पुढे आय-७१ ईशान्येस क्लीव्हलंड महानगराकडे जातो. येथे आय-७६शी असलेला तिठा ओलांडून हा रस्ता आय-८०च्या वरून क्लीव्हलंड हॉपकिन्स विमानतळाजवळून आय-४८०ला मिळतो. येथून पुढे आय-२७१ च्या तिठ्यानंतर आय-७१ कायाहोगा काउंटीतून आय-९०शी असलेल्या तिठ्याला संपतो.