अंजनगाव सुर्जी

?अंजनगाव सुर्जी महाराष्ट्र • भारत
—  तालुका  —
महाराष्ट्रराज्य
२१° ०९′ ५४.५८″ N, ७७° १८′ ३२.७६″ E ओपनस्ट्रीट मॅप गूगल अर्थ प्रोक्सिमिटीरामा
प्रमाणवेळ	भाप्रवे (यूटीसी+५:३०)
जिल्हा	अमरावती
भाषा	मराठी
तहसील	अंजनगाव सुर्जी
पंचायत समिती	अंजनगाव सुर्जी
कोड • पिन कोड • दूरध्वनी • आरटीओ कोड	• ४४४७०५ • +०७२२४ • MH27

अंजनगाव सुर्जी हा भारताच्या महाराष्ट्र राज्यातील अमरावती जिल्ह्याचा एक तालुका, व तालुक्याचे शहर आहे. येथे १८०३ साली इंग्रजांनी मराठ्यांचा पराभव केला होेता.

पैठणमधील सुप्रसिद्ध सत्पुरुष श्री एकनाथ महाराजांच्या परंपरेतील श्री देवनाथ महाराज (यांचा जन्म अंजनगाव येथेच झाला होता) यांनी येथे १७५४ साली श्री देवनाथ मठ स्थापन केला. त्याच परंपरेतील १८ वे महापुरुष श्री मनोहरनाथ महाराज ( कार्यकाळ - इ.स. १९६० ते इ.स. २०००) यांनी स्वतःच्या कारकिर्दीत हिंदु धर्माची ध्वजा फडकती ठेवली. सर्वश्री नृसिंहसरस्वती, जनार्दन स्वामी, एकनाथ महाराज, गावबा ऊर्फ नित्यानंद, कृष्णनाथ, विश्वंभरनाथ, मुरारनाथ, रंगनाथ गोपाळनाथ ही देवनाथ महाराजांची गुरुपरंपरा तर दयाळनाथ, जयकृष्णनाथ, रामकृष्णनाथ, भालचंद्रनाथ, मारोतीनाथ, गोविंदनाथ , मनोहरनाथ आणि या क्षणाला (२०२० साली) पीठाधीश असलेले श्री जितेन्द्रनाथ, ही शिष्यपरंपरा.