हर्णे

हर्णे गाव हे दापोली तालुक्यामधे असून ते रत्‍नागिरी जिल्ह्यामधे आहे. हे गाव समुद्रकिनारा असल्याने बंदर म्हणूनही प्रसिद्ध आहे.या गावात कोळी समाजाची वस्ती असून येथील बंदरावर भरणारा मासळी बाजार प्रसिद्ध आहे.

?हर्णे महाराष्ट्र • भारत
—  गाव  —
प्रमाणवेळ	भाप्रवे (यूटीसी+५:३०)
जवळचे शहर	दापोली
जिल्हा	रत्नागिरी जिल्हा
भाषा	मराठी
सरपंच
बोलीभाषा
कोड • आरटीओ कोड	• एमएच/०८

हर्णे बंदरावरील होड्या

ऐतिहासिक महत्त्व

या गावाच्या समुद्रामध्ये सुवर्णदुर्ग हा प्रसिद्ध ऐतिहासिक किल्ला आहे. इसवी सन १६७४ मध्ये छत्रपती शिवाजी महाराज यांनी या किल्याची दुरुस्ती, डागडुजी करून घेतली होती. दादा सेखोजी आंग्रे यांनी या किल्ल्यांच्या चार कोटांचे काम केल्याचे उल्लेख ऐतिहासिक कागदपत्रात सापडतात.

भौगोलिक स्थान

हर्णे गाव हे दापोलीपासून जवळ असून मुरुड कर्दे आसूद सालदुरे पाळंदे आंजर्ले, मुरडी ही या गावाच्या नजीकची गावे आहेत.कोकणामधील महाड, मंडणगड आणि खेड कडून गाडीमार्गाने दापोलीला पोहोचता येते. दापोलीपासून सोळा कि.मी. अंतरावर हर्णे आहे.

हवामान

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.

नागरी सुविधा

• हर्णे येथे जाण्यासाठी दापोली येथून महाराष्ट्र राज्य परिवहन मंडळाची बस सुविधा उपलब्ध आहे. संपूर्ण महाराष्ट्रातून दापोली येथे पोहोचण्यासाठी देखील अशी सुविधा उपलब्ध आहे.
• जवळचा हवाईमार्ग मुंबई येथील असून तेथून पुढे खेड मार्गे रस्त्याने यावे लागते. (अंतर सुमारे २५० किलोमीटर)
• रेल्वेने यायचे झाल्यास जवळचे रेल्वे स्थानक खेड असून ते सदर गावापासून ४५ किलोमीटर अंतरावर आहे.
• पर्यटन स्थळ म्हणून हे गाव प्रसिद्ध असल्याने येथे निवास आणि भोजनाची सोय उपलब्ध आहे.

दृश्य

चित्रदालन

• 
  हर्णे बंदर दापोली येथील मासळीबाजार(१)
• 
  हर्णे बंदर दापोली येथील मासे

बाह्य दुवे

1. https://villageinfo.in/maharashtra/ratnagiri/dapoli/harnai.html