व्ही. नारायणसामी

भारतीय राजकारणी

व्ही. नारायणसामी (तमिळ: வி. நாராயணசாமி; ३० मे १९४७) हे भारताच्या पाँडिचेरी ह्या केंद्रशासित प्रदेशाचे माजी मुख्यमंत्री आहेत. ते भारतीय राष्ट्रीय काँग्रेस पक्षाचे सदस्य आहेत. नारायणसामींच्या अगोदर व्ही. वैथिलिंगम हे पाँडिचेरीचे दोनवेळा मुख्यमंत्री होते.

व्ही. नारायणसामी
VNarayanasamy.jpg

कार्यकाळ
६ जून २०१६ – २२ फेब्रुवारी २०२१
मागील एन. रंगास्वामी
पुढील एन. रंगास्वामी

लोकसभा सदस्य
कार्यकाळ
२००९ – २०१४
मतदारसंघ पाँडिचेरी

जन्म ३० मे, १९४७ (1947-05-30) (वय: ७५)
पाँडिचेरी
राष्ट्रीयत्व भारतीय
राजकीय पक्ष भारतीय राष्ट्रीय काँग्रेस

नारायणसामींच्या वडलांचे नाव वेलू आणि आईचे ईश्वरी. नारायणसामींनी पाँडिचेरीच्या टागोर आर्ट्‌स काॅलेजातून पदवी घेतली, मद्रास लाॅ काॅलॆजातून कायद्याची पदवी घेतली आणि त्यानंतर ते तमिळनाडूमधील चिदंबरम जिल्ह्यातल्या अन्नामलाई विश्वविद्यालयातून एल्एल.एम. झाले.

राजकीय कारकीर्दसंपादन करा

नारायणसामी २००९ ते २०१४ दरम्यान पाँडिचेरपुडुचेरी लोकसभा मतदारसंघातून १५व्या लोकसभेचे सदस्य होते. २०१४ लोकसभा निवडणुकीत त्यांना अखिल भारतीय एन.आर.काँग्रेस-एन. रंगास्वामी काँग्रेसच्या आर. राधाकृष्णननी पराभूत केले.

नारायणसामी हे काँग्रेस कार्यकारी समितीचे सदस्य (वर्किंग कमिटीचे सदस्य) आणि काही काळ सरचिटणीस (जनरल सेक्रेटरी) होते. भारत सरकारच्या मनमोहनसिंग पंतप्रधान असलेल्या दुसऱ्या खेपेच्या मंत्रिमंडळात ते संसदीय राज्यमंत्री होते.

अन्य माहितीसंपादन करा

नारायणसामी ह्यांना व्हाॅलिबाॅल आणि बॅडमिंटन या खेळांची आवड आहे. एकेकाळी ते हे दोन्हीही खेळ खेळत.

त्यांच्या पत्नीचे माहेरचे नाव कलाई सेल्वी. त्यांचा विवाह १९ जून १९७७ रोजी झाला. त्यांना एक मुलगा आणि एक मुलगी आहे.

बाह्य दुवेसंपादन करा

संदर्भसंपादन करा