मेनिंगोकोकल लस ही नायशेरिया मेनिन्जायटीसच्या कोणत्याही संसर्गाला प्रतिबंधित करण्यासाठी वापरण्यात येणाऱ्या कोणत्याही लसींसाठी संदर्भित केली जाते.[१] मेनिन्गोकोकसच्या काही किंवा सर्व प्रकारांविरुद्ध भिन्न आवृत्त्या प्रभावी आहेत: ए, बी, सी, डब्ल्यू -135 आणि वाय. या लसी किमान दोन वर्षांसाठी 85 ते 100% प्रभावी आहेत. त्या मोठ्या प्रमाणात वापरल्या जात असलेल्या लोकांमध्ये मेनिन्जायटीस आणि सेप्सिस कमी होण्यास कारणीभूत असतात.[२][३] ते एकतर स्नायूमध्ये इंजेक्शनद्वारे किंवा त्वचेच्या खाली दिले जातात.

जागतिक आरोग्य संघटनेने अशी शिफारस केली आहे की मध्यम किंवा जास्त प्रमाणात रोगाचा प्रादुर्भाव असणाऱ्या किंवा जेथे वारंवार उद्रेक होतो अशा देशांनी नियमितपणे लसीकरण करावे.[१][४] रोगाची जोखीम कमी असलेल्या देशांमध्ये, उच्च जोखीम गटांना लसीकरण करण्याची त्यांनी शिफारस केली आहे.[१] आफ्रिकन मेनिन्जायटीस बेल्टमध्ये एक ते तीस वर्ष वयोगटातील सर्व लोकांना मेनिन्जोकॉकल ए संयुग्मक लसीच्या द्वारे लसीकरण करण्याचे प्रयत्न चालू आहेत.[४] कॅनडा आणि अमेरिकेत चारही प्रकारच्या मेनिन्गोकोकस विरुद्ध प्रभावी लस किशोरवयीन आणि ज्यांना जास्त धोका आहे अशा इतरांसाठी नियमितपणे देण्याची शिफारस केली जाते.[१] सौदी अरेबिया मध्ये हज साठी मक्का येथे येणाऱ्या आंतरराष्ट्रीय पर्यटकांना चतुर्भुज लसीच्या लसीकरणाची आवश्यकता आहे.[१]

मेनिन्गोकोकल लसी सामान्यत: सुरक्षित असतात.[१] काही लोकांना इंजेक्शनच्या जागेवर वेदना आणि लालसरपणा विकसित होतो.[४] गर्भधारणेच्या काळात वापर सुरक्षित असल्याचे दिसून येते.[१] एक दशलक्ष डोसपैकी एकापेक्षा कमी या प्रमाणात तीव्र ॲलर्जीच्या प्रतिक्रिया आढळतात.[१]

मेनिन्गोकोकलची पहिली लस 1970 मध्ये उपलब्ध झाली.[५] ही जागतिक आरोग्य संघटनेच्या आवश्यक औषधांच्या सूचीमध्ये आहे, जी आरोग्य यंत्रणेत आवश्यक असलेल्या सर्वात सुरक्षित आणि सर्वात प्रभावी औषधे आहेत.[६] 2014 पर्यंत विकसनशील जगात याची घाऊक किंमत ही 3.23 अमेरिकन डॉलर आणि 10.77 अमेरिकन डॉलर प्रति डोस या दरम्यान आहे.[७] अमेरिकेत एका कोर्ससाठी त्याची किंमत 100-200 अमेरिकन डॉलर इतकी आहे.[८]

संदर्भ संपादन

  1. ^ a b c d e f g h "Meningococcal vaccines: WHO position paper" (PDF). Weekly epidemiological record. 47 (86): 521-540. Nov 2011. PMID 22128384.
  2. ^ Patel, M; Lee, CK (25 January 2005). "Polysaccharide vaccines for preventing serogroup A meningococcal meningitis". The Cochrane Database of Systematic Reviews (1): CD001093. PMID 15674874.
  3. ^ Conterno, LO; Silva Filho, CR; Rüggeberg, JU; Heath, PT (19 July 2006). "Conjugate vaccines for preventing meningococcal C meningitis and septicaemia". The Cochrane Database of Systematic Reviews (3): CD001834. PMID 16855979.
  4. ^ a b c "Meningococcal A conjugate vaccine: updated guidance, February 2015" (PDF). Weekly epidemiological record. 8 (90): 57-68. 20 Feb 2015. PMID 25702330.
  5. ^ Barrett, Alan D.T. (2015). Vaccinology : an essential guide. p. 168. ISBN 9780470656167.
  6. ^ "WHO Model List of EssentialMedicines" (PDF). World Health Organization. October 2013. Retrieved 22 April 2014.
  7. ^ "Vaccine, Meningococcal Archived 2017-05-10 at the Wayback Machine.". International Drug Price Indicator Guide. Retrieved 6 December 2015.
  8. ^ Hamilton, Richart (2015). Tarascon Pocket Pharmacopoeia 2015 Deluxe Lab-Coat Edition. Jones & Bartlett Learning. p. 315. ISBN 9781284057560.