नारायण श्रीधर बेंद्रे

नारायण श्रीधर बेंद्रे (ऑगस्ट २१, १९१० - १९९२) हे विसाव्या शतकातील मराठी, भारतीय चित्रकार होते.

नारायण श्रीधर बेंद्रे
पूर्ण नाव	नारायण श्रीधर बेंद्रे
जन्म	ऑगस्ट २१, १९१० इंदूर, मध्य प्रदेश, भारत
मृत्यू	१९९२ मुंबई, महाराष्ट्र, भारत
राष्ट्रीयत्व	भारतीय
कार्यक्षेत्र	चित्रकला, कलाअध्यापन
प्रशिक्षण	जे.जे. स्कूल ऑफ आर्ट, मुंबई
पुरस्कार	पद्मश्री पुरस्कार (१९६९)

जीवन

बेंद्र्यांचा जन्म ऑगस्ट २१, १९१० रोजी इंदुरात झाला. शालेय शिक्षण इंदुरात झाल्यावर त्यांनी आग्रा विद्यापीठातून बी.ए. पदवी मिळवली. त्यानंतर इंदुरातील ’स्टेट आर्ट स्कूल’ येथे त्यांनी चित्रकलेचे प्राथमिक प्रशिक्षण घेतले. मुंबईच्या ’जे.जे. स्कूल ऑफ आर्ट’मधून १९३३ साली त्यांनी जी.डी.आर्ट अभ्यासक्रम पूर्ण केला. १९४० साली चित्रपटांतील कलादिग्दर्शन करण्याच्या निमित्ताने त्यांनी चेन्नईला प्रयाण केले. १९४७-१९५० दरम्यान त्यांनी युरोप, जपान, मध्यपूर्व, अमेरिकेची संयुक्त संस्थाने इत्यादी देशांतून प्रवास केला. १९५० साली भारतात परतल्यावर बडोद्यातील महाराजा सयाजीराव विद्यापीठात ललितकला विभागातील चित्रकला उपविभागाचे अध्यापकपद स्वीकारले व पुढे तेथेच ’डीन’पददेखील सांभाळले. १९६९ साली भारत सरकारने पद्मश्री पुरस्काराने त्यांना गौरविले.

१९९२ साली मुंबईत त्यांचे निधन झाले.

बाह्य दुवे

• ’व्हिजनआर्ट्स.कॉम’वरील नारायण श्रीधर बेंद्रे यांचा अल्पपरिचय Archived 2007-10-12 at the Wayback Machine.
• ’ग्रेटइंडियनआर्ट.कॉम’वरील नारायण श्रीधर बेंद्रे यांचा अल्पपरिचय Archived 2008-01-16 at the Wayback Machine.