ऑस्ट्रेलिया क्रिकेट संघाचा बांगलादेश दौरा, २०१७

ऑगस्ट आणि सप्टेंबर २०१७ मध्ये ऑस्ट्रेलियाने दोन कसोटी सामने खेळण्यासाठी बांगलादेशचा दौरा केला. २०११ नंतर हा ऑस्ट्रेलियाचा पहिलाच बांगलादेश दौरा होता. बांगलादेशने पहिल्या कसोटीत २० धावांनी विजय मिळवला, हा त्यांचा ऑस्ट्रेलियाविरुद्ध पहिलाच कसोटी विजय. या विजयानंतर बांगलादेशचा कर्णधार मुशफिकर रहिम म्हणाला की, "ऑस्ट्रेलियन संघाला पराभूत करणे हा एक खूप चांगला अनुभव आहे, आणि मला वाटते की सर्व खेळाडूंनी चांगला खेळ केला". ऑस्ट्रेलियाचा कर्णधार स्टीव्ह स्मिथ म्हणाला, "मला वाटते की, खासकरून घरच्या मैदानावर त्यांचा संघ धोकादायक आहे". ऑस्ट्रेलियाने दुसरा कसोटी सामना ७ गडी राखून जिंकला, त्यामुळे मालिका १-१ ने बरोबरीत सुटली.

ऑस्ट्रेलिया क्रिकेट संघाचा बांगलादेश दौरा, २०१७
		बांगलादेश		ऑस्ट्रेलिया
तारीख		२२ ऑगस्ट – ८ सप्टेंबर २०१७
संघनायक		मुशफिकुर रहिम		स्टीव्ह स्मिथ
कसोटी मालिका
सर्वाधिक धावा		तमिम इक्बाल (१७०)		डेव्हिड वॉर्नर (२५१)
सर्वाधिक बळी		शकिब अल हसन (१२)		नेथन ल्योन (२२)
मालिकावीर		डेव्हिड वॉर्नर आणि नेथन ल्योन (ऑ)

ऑस्ट्रेलियाचा मूलतः सप्टेंबर २०१५ मध्ये बांगलादेशचा दौरा प्रस्तावित होता, परंतु सुरक्षेच्या कारणास्तव तो रद्द करण्यात आला. ऑक्टोबर २०१६ मधील इंग्लंडच्या बांगलादेश दौऱ्यानंतर, क्रिकेट ऑस्ट्रेलियाचे सीईओ जेम्स सदरलॅंड म्हणाले ऑस्ट्रेलियाची बांगलादेशमध्ये खेळण्याची शक्यता "खूप जास्त" आहे. एप्रिल 2२०१७ मध्ये, दोघे सीए आणि बांगलादेश क्रिकेट बोर्ड (बीसीबी) या दौऱ्यासाठीच्या सामन्यांसंदर्भात चर्चा करत होते. बीसीबीचे मुख्य कार्यकारी अधिकारी, निजामुद्दीन चौधरी, म्हणाले की ते आता "क्रिकेट ऑस्ट्रेलियासोबत वेळापत्रक आणि अन्य तपशीलांवर काम करीत आहेत". मे २०१७ मध्ये सुरक्षेबाबत तपासणी झाली. त्यानंतर त्याच महिन्यात क्रिकेट ऑस्ट्रेलियाने बांगलादेश दौऱ्याची व्यवस्था निश्चित करण्यासाठी एक सुरक्षा दल पाठवले.

क्रिकेट ऑस्ट्रेलिया आणि ऑस्ट्रेलियन क्रिकेटर्स असोसिएशन (एसीए) यांच्या प्रतिनिधींनी नियोजित दौऱ्याआधी २४ जुलै २०१७ रोजी सुरक्षितता दौरा केला."बांगलादेश दौऱ्याच्या अपेक्षा अजूनही जास्त". क्रिकेट ऑस्ट्रेलिया (इंग्रजी भाषेत). १७ ऑक्टोबर २०१७ रोजी पाहिले.</ref> तथापि, ऑस्ट्रेलियाचे क्रिकेट खेळाडू, सीए आणि एसीए यांच्यातील वेतन विवाद आणि बीसीबीला दौरा होण्याची शक्यता असल्याची माहिती याबाबत प्रगती होत नव्हती. त्याआधी जुलैमध्ये, ऑस्ट्रेलिया अ क्रिकेट संघाने वादग्रस्त कारणाने दक्षिण आफ्रिकेतील त्रिकोणीय मालिका स्पर्धेतून बाहेर काढले होते. ऑस्ट्रेलियाच्या कसोटी संघाने म्हणले आहे की, मालिका सुरू होण्यापूर्वी डार्विनमधील प्रशिक्षण शिबिरaमध्ये ते उपस्थित राहणार आहेत, परंतु वेतनाबाबतचा वाद संपल्याशिवाय ते बांगलादेशला जाणार नाहीत. १ ऑगस्ट २०१७ रोजी ऑस्ट्रेलियाचा कर्णधार स्टीव्ह स्मिथ म्हणाला की वेतनवाढीच्या प्रगती होत आहे, पण त्याला दौरा सुरू होण्याआधी अंतिम स्वरूप देणे आवश्यक आहे. दुसऱ्याच दिवशी, वेतन-विवादावर तोडगा निघाल्याने, कसोटी मालिका ठरल्याप्रमाणे सुरू होण्याचा मार्ग मोकळा झाला. १८ ऑगस्ट २०१७ रोजी कडेकोट सुरक्षेमध्ये ऑस्ट्रेलिया संघ बांगलादेशमध्ये पोहोचला.

दौरा सुरू होण्याआधी, एका सराव सामन्याचे ठीकाण खान शाहब उस्मान अली मैदानावर पाणी साचले होते. मैदान वेळेत तयार नसल्यास बीसीबीने दोन वैकल्पिक स्थळांवर सामना खेळवण्याची तयारी केली होती. परंतू, सामना सुरू होण्याच्या एक दिवस आधी, पाणी साचल्याने सामना रद्द करण्या आला.

संघ

बांगलादेश	ऑस्ट्रेलिया
मुशफिकुर रहिम (क, य) इमरुल केस तमिम इक्बाल तास्किन अहमद तैजुल इस्लाम नासिर होस्सैन मुस्तफिजुर रहमान मेहेदी हसन मोमिनूल हक मोसद्देक होसेन लिटन दास शकिब अल हसन शफिउल इस्लाम शब्बीर रहमान सौम्य सरकार	स्टीव्ह स्मिथ (क) डेव्हिड वॉर्नर (उ.क.) अ‍ॅश्टन अ‍ॅगर उस्मान ख्वाजा ग्लेन मॅक्सवेल जेम्स पॅटिन्सन जोश हेजलवूड जॅक्सन बर्ड नेथन ल्योन पीटर हॅंड्सकोंब पॅट कमिन्स मिचेल स्वेप्सन मॅट रेनशॉ मॅथ्यू वेड (य) स्टीव ओ'कीफ हिल्टन कार्टराईट

• मालिका सुरू होण्याआधी, मिचेल स्वेप्सनचा संघात समावेश करण्यात आला तर जेम्स पॅटिन्सनची जागा जॅक्सन बर्डने घेतली.
• मोसद्देक होसेनला डोळ्याचा संसर्ग झाल्याने, मोमिनूल हकची बांगलादेशच्या संघात पहिल्या सामन्यासाठी निवड करण्यात आली.
• दुसऱ्या कसोटीआधी दुखापतग्रस्त जोश हेजलवूडच्या जागी स्टीव ओ'कीफची ऑस्ट्रेलिया संघात निवड करण्यात आली.

सराव सामना: बांगलादेश क्रिकेट बोर्ड XI v ऑस्ट्रेलिया

२२–२३ ऑगस्ट २०१७ धावफलक

बांगलादेश क्रिकेट बोर्ड	वि	ऑस्ट्रेलिया

सामना अनिर्णित खान शाहेब ओस्मान अली मैदान, फतुल्ला

• मैदानावर पाणी साचल्याने सामना रद्द.

कसोटी मालिका

१ली कसोटी

२७–३१ ऑगस्ट २०१७ धावफलक

बांगलादेश	वि	ऑस्ट्रेलिया
२६० (७८.५ षटके) शकिब अल हसन ८४ (१३३) अ‍ॅश्टन अ‍ॅगर ३/४६ (१२.५ षटके)		२१७ (७४.५ षटके) मॅट रेनशॉ ४५ (९४) शकिब अल हसन ५/६८ (२५.५ षटके)
२२१ (७९.३ षटके) तमिम इक्बाल ७८ (१५५) नेथन ल्योन ६/८२ (३४.३ षटके)		२४४ (७०.५ षटके) डेव्हिड वॉर्नर ११२ (१३५) शकिब अल हसन ५/८५ (२८ षटके)

बांगलादेश २० धावांनी विजयी शेर-ए-बांगला क्रिकेट मैदान, मीरपूर, ढाका पंच: अलीम दार (पा) आणि नायजेल लॉंग (इं) सामनावीर: शकिब अल हसन (बां)

• नाणेफेक: बांगलादेश, फलंदाजी.
• शकिब अल हसन आणि तमिम इक्बाल (बां) ह्या दोघांचाही ५०वा कसोटी सामना.
• नेथन ल्योनचे २५० कसोटी बळी पूर्ण.
• शकिब अल हसन (बां) हा कसोटी खेळणाऱ्या सर्व संघांविरुद्ध पाच बळी घेणारा चवथा गोलंदाज.
• हा बांगलादेशचा ऑस्ट्रेलियावर पहिलाच कसोटी विजय.

२री कसोटी

४–८ सप्टेंबर २०१७ धावफलक

बांगलादेश	वि	ऑस्ट्रेलिया
३०५ (११३.२ षटके) मुशफिकुर रहिम ६८ (१६६) नेथन ल्योन ७/९४ (३६.२ षटके)		३७७ (११९.५ षटके) डेव्हिड वॉर्नर १२३ (३६२) मुस्तफिजुर रहमान ४/८४ (२०.५ षटके)
१५७ (७१.२ षटके) मुशफिकुर रहिम ३१ (१०३) नेथन ल्योन ६/६० (३३ षटके)		८७/३ (१५.३ षटके) ग्लेन मॅक्सवेल २५* (१७) मुस्तफिजुर रहमान १/१६ (५ षटके)

ऑस्ट्रेलिया ७ गडी राखून विजयी झोहुर अहमद चौधरी मैदान, चट्टग्राम पंच: इयान गोल्ड (इं) आणि नायजेल लॉंग (इं) सामनावीर: नेथन ल्योन (ऑ)

• नाणेफेक: बांगलादेश, फलंदाजी.
• पावसामुळे तिसऱ्या दिवशी दुपारच्या जेवणाआधी खेळ होवू शकला नाही.
• नेथन ल्योनने सामन्यात १५४ धावांमध्ये १३ बळी घेतले. ही ऑस्ट्रेलियाच्या गोलंदाजाची आशियामधील सर्वोत्कृष्ट कामगिरी आहे.
• नेथन ल्योनने दोन कसोटी सामन्यात २२ बळी घेऊन २-कसोटी सामन्यांच्या मालिकेत ऑस्ट्रेलियाच्या गोलंदाजातर्फे विक्रम प्रस्थापित केला.

बाह्यदुवे

• मालिका मुख्यपान - इएसपीएन क्रिकइन्फो