हरिकेन स्टॅन हे २००५ च्या अटलांटिक हरिकेन मोसमातील मोठे चक्रीवादळ होते. १-५ ऑक्टोबर, २००५ दरम्यान झालेल्या या वादळाने मध्य अमेरिकेतील देशांमध्ये प्रचंड नुकसान केले. या चक्रीवादळात १,६८८ व्यक्ती मृत्यू पावल्या व अंदाजे ४ अब्ज अमेरिकन डॉलरच्या मालमत्तेचा नाश झाला.

हे वादळ कॅरिबियन समुद्राच्या पश्चिम भागात सुरू झाले व युकातान द्वीपकल्पावरील तुलुम शहरापासून ५५ किमी दक्षिणेस जमिनीवर आले. द्वीपकल्प पार करीत काम्पीचीच्या आखातात आल्यावर या वादळाने कॅटेगरी १ च्या हरिकेनचे रूप धारण केले व मेक्सिकोतील पुंता रोका पार्तिदा या शहराजवळ जमिनीवर आले. या वादळातील वारे व पावसाने मेक्सिकोपासून ग्वातेमालानिकाराग्वापर्यंत नुकसान केले.