रायगड जिल्हा परिषद प्राथमिक शाळा - बोरगाव खुर्द

रायगड जिल्हा परिषद प्राथमिक शाळा - बोरगाव खुर्द ही महाराष्ट्राच्या रायगड जिल्ह्यातील बोरगाव खुर्द गावातील प्राथमिक शाळा आहे. हीचे व्यवस्थापन रायगड जिल्हा परिषद करते. ही शाळा इ.स. १९५२-५३साली स्थापन झाली. २०११ साली शाळेमध्ये १७० विद्यार्थी शिकत होते. शिक्षकांची संख्या ६ आहे.

भौतिक सुविधा

सहयाद्री पर्वताच्या कुशीत वसलेल्या बोरगावातील प्राथमिक शाळेची इमारत प्रशस्त व टुमदार(दोन्ही गुण एका वेळी?) आहे.शाळा बऱ्यापैकी भौतिक सुविधांनी सुसज्ज आहे. शाळेमध्ये एकूण ८ वर्ग खोल्या आहेत. शाळेमध्ये असलेल्या ग्रंथालयात अनेक विषयांवरची पुस्तके आहेत. या पुस्तकांचे वाचन विद्यार्थी नियमितपणे करतात.शाळेत पोषण आहार योजनेनुसार मध्यान्ह भोजन दिले जाते. त्यासाठी मुला-मुलींकरिता बसण्यासाठी बाके व जेवणाकरिता ताटे आहेत. शाळेसमोर प्रशस्त मैदान आहे.

शाळेसमोर विद्यार्थ्यांनी छोटीशी बाग तयार केलेली आहे. या बागेतच विद्यार्थांना खेळण्यासाठी झोके व घसरगुंड्या इत्यादी खेळाचे साहित्य आहे. त्यामध्ये पिण्याच्या पाण्याची सोय तसेच स्वच्छतागृह आहेत.

सहशालेय उपक्रम

बोरगावच्या शाळेत विविध क्रीडा स्पर्धा, सांस्कृतिक कार्यक्रम व बौद्धिक स्पर्धा घेतल्या जातात. या सर्व स्पर्धांमध्ये व कार्यक्रमांमध्ये विद्यार्थी हिरिरीने भाग घेतात. केंद्र पातळी, बीट पातळी तसेच तालुका पातळी इत्यादी स्तरांवरील स्पर्धांमध्ये विद्यार्थी सहभागी झालेले आहेत. त्यांना वेळोवेळी यश मिळाले आहे. साचा:नेमके कोणते यश आणि नेमके कुणाला, स्पष्ट नमूद करा. शक्य असल्यास संदर्भ नमूद करा.शाळेतील शिक्षकांनी विद्यार्थ्यांकडून उत्तम प्रकारे वृक्षलागवड आणि वृक्षसंवर्धन करवून घेतले आहे..

संगणक शिकविण्याकरीता शाळेत स्वतंत्र शिक्षकही उपलब्ध आहेत. होमी भाभा ‌वि‌ज्ञान केंद्रातील काही तज्ज्ञ प्रशिक्षक नियमितपणे शाळेत येतात आणि शाळेतील विद्यार्थ्याना व शिक्षकांना संगणकाचे शिक्षण देतात.

समाज साहाय्य

आदिवासी उन्नती मंडळातर्फे समाज सहभागातून संगणक कक्ष व आधुनिक सुविधांसह दोन वर्गखोल्या बांधून मिळाल्या आहेत. वैयक्तिक पानळीवर श्री. मधु सोनी (मुंबई) यांचे खूप सहकार्य लाभले आहे. त्यांच्याकडून विद्यार्थ्यांना वेळोवेळी प्रोत्साहन मिळते. त्यामुळे विद्यार्थ्यांमध्ये प्रगती दिसून येते.

शाळेतील विद्यार्थी हे दूरदूरच्या आदिवासी वाडयांतून येतात, त्यांना शाळेत येण्याजाण्यासाठी स्टॅंडर्ड चार्टर्ड बँकेच्या वतीने खाजगी बससेवा उपलब्ध झालेली आहे. या सुविधेचा लाभ विद्यार्थी घेत आहेत. या शाळेतील माजी मुख्याध्यापक श्री अनंत झिपरू ठाकुर यांच्या प्रेरणेतून हे सर्व उपक्रम राबविले गेले आणि आजही त्यांचे या कामांत मोलाचे सहकार्य मिळते आहे.

व्यवस्थापन

बोरगाव खुर्द शाळेचे कामकाज व व्यवस्थापन चांगल्या प्रकारे व सुरळीत चालावे म्हणून शाळेतील सर्व शिक्षक विचारविनिमय करून ‌‌एकमताने प्रयत्नशील होते आणि आजही आहेत.

हे सुद्धा पहा

• बोरगाव खुर्द (जिल्हा रायगड)