राजा शिवछत्रपती (मालिका)

राजा शिवछत्रपती ही स्टार प्रवाह वाहिनीवर प्रसारित झालेली एक मालिका आहे. ही ऐतिहासिक मालिका छत्रपती शिवाजी महाराजांच्या जीवनावर आधारित आहे.

राजा शिवछत्रपती
प्रकार	ऐतिहासिक
दिग्दर्शक	हेमंत देवधर
कथा	शिरीष गोपाळ देशपांडे
निर्माता	नितीन चंद्रकांत देसाई, मीना चंद्रकांत देसाई, नेहा नितीन देसाई
निर्मिती संस्था	चंद्रकांत प्रोडक्शन
कलाकार	खाली पहा
थीम संगीत संगीतकार	ऋषिराज
शीर्षकगीत	अजय-अतुल
संगीतकार	अशोक पत्की
देश	भारत
भाषा	मराठी
निर्मिती माहिती
सह निर्माता	अतुल केतकर
संकलन	प्रशांत खेडकर
स्थळ	एन.डी. स्टुडिओ, कर्जत
कॅमेरा	निर्मल जानी, योगेश जानी
प्रसारणाची वेळ	सोमवार ते शनिवार रात्री ८.३० वाजता
प्रसारण माहिती
वाहिनी	स्टार प्रवाह
प्रथम प्रसारण	२४ नोव्हेंबर २००८ – १९ सप्टेंबर २००९

निर्मिती

राजा शिवछत्रपती निर्मिती आणि चित्रीकरण 'एन.डी. स्टुडिओ'मध्ये झाले. हे स्टुडिओ कर्जत येथे आहे. हे नाटक हिंदी चित्रपट सृष्टीतील आर्ट डायरेक्टर नितिन चंद्रकांत देसाई यांनी केले. राजा शिवछत्रपती बाबासाहेब पुरंदरेंच्या याच नावाच्या कादंबरीवरून बनवले गेले होते. नवखे कलाकार अमोल कोल्हे यांनी छत्रपती शिवाजी महाराजांची भूमिका निभावली आणि मृणाल कुलकर्णी यांनी राजमाता जिजाबाईंची भूमिका निभावली. या कार्यक्रमाचं वेशभूषा व्यवस्थापन पूर्णिमा ओक यांनी केलं तर कार्तिक केंढे यानी सहदिग्दर्शन केलं. प्रतिआभास दृश्यांची निर्मिती जितेंद्र वर्मा यांनी केली. रंगभूषा अमोद दोषी आणि सुहास गवते यांनी केली. ध्वनि कार्य विजय भोपे यांनी सांभाळले. राजा शिवछत्रपती कार्यक्रमातील रंगभूषा निता लुल्ला यांनी बनवली होती. सर्व देखावे नितीन चंद्रकांत देसाई यांनी बनवले होते.

कलाकार

• अमोल कोल्हे - छत्रपती शिवाजी महाराज
• मृणाल कुलकर्णी - राजमाता जिजाबाई
• अविनाश नारकर - शहाजीराजे भोसले
• यतीन कार्येकर - औरंगजेब

टीआरपी

आठवडा	वर्ष	TAM TVT	क्रमांक		संदर्भ
			महाराष्ट्र/गोवा	भारत
आठवडा ४०	२००९	०.८५	२	७८