मॉन्मथ

मॉन्मथ हे युनायटेड किंग्डमच्या वेल्स प्रांतात वसलेले आणि लंडनच्या पश्चिमेला २०० कि.मी. अंतरावर असणारे ऐतिहासिक शहर तसेच एक पर्यटनस्थळ आहे. अलीकडेच या शहराला विकिपीडिया शहर बनवण्याच्या हालचाली चालू आहेत. आणि अशी अपेक्षा आहे की २६ मे, २०१२ या दिवशी ते जगातील पहिले विकिपीडिया शहर बनेल. येथे येणारे सर्व पर्यटक आपल्या स्मार्टफोनवर मॉन्मथमधील दखलपात्र सर्व प्रेक्षणीय स्थळांची माहिती विकिपीडियाच्या सौजन्याने मिळवू शकतील. शहरात वेगवेगळ्या ठिकाणी लावलेल्या क्यूआर संकेतांना आपल्या स्मार्टफोनचा स्पर्श करून पर्यटकांना ही माहिती मिळविता येईल.

मॉन्मथ पहिले विकिपीडिया शहर

पार्श्वभूमी

इ.स. २०११ सालाच्या शेवटी मॉन्मथ येथील रहिवासी जॉन कमिंग्स यांनी मॉन्मथपीडिया ही संकल्पना मांडली आणि क्यूआरपीडियाचे सहसंस्थापक रॉजर बामकिन यांच्या व विकिमिडिया युकेच्या सहकार्याने मॉन्मथला विकिपीडिया शहर बनवायचा प्रकल्प चालू केला. नंतर त्यांना मॉन्मथशायर काऊंटी कौन्सिल आणि शायर हॉल यांनीही मदत केली.

मॉन्मथपीडियाचे सुरुवातीचे उद्दीष्ट १००० विकिपीडिया लेखांचे आणि प्रत्येक लेखाला क्युआर संकेत देण्याचे होते. मेच्या सुरुवातीपर्यंत ७१२ लेखांचे काम पूर्ण झाले होते. येथे जवळपास १००० ठिकाणी क्यूआर संकेत लावण्याचे काम पूर्ण झाले आहे. या संकेतांचा वापर करून येथील माहिती सुरुवातीला २६ भाषांमधून उपलब्ध करून दिली जाणार आहे.

बाह्य दुवे

• मॉन्मथ अ टाऊन फुल ऑफ क्यूआर कोड्स लीडींग टू विकिपीडिया Archived 2012-08-23 at the Wayback Machine.

---

मॉन्मथ शहराचे क्मिन्स टेकडीवरून टिपलेले दृश्य