नीळकंठ ज्ञानेश्वर गोरे

नीळकंठ ज्ञानेश्वर गोरे ऊर्फ बाबामहाराज सातारकर (फेब्रुवारी ५, इ.स. १९३६ - हयात) हे महाराष्ट्रातील एक प्रसिद्ध कीर्तनकार आणि प्रवचनकार आहेत.

नीळकंठ ज्ञानेश्वर गोरे
जन्म	नीळकंठ ज्ञानेश्वर गोरे फेब्रुवारी ५, इ.स. १९३६
राष्ट्रीयत्व	भारतीय
वांशिकत्व	मराठी
नागरिकत्व	भारतीय
पेशा	कीर्तनकार, प्रवचनकार
धर्म	हिंदू

जीवन

नीळकंठ ज्ञानेश्वर गोरे सातारकर यांचा जन्म ५ फेब्रुवारी, इ.स. १९३६ रोजी साताऱ्याच्या नामवंत गोरे सातारकर घराण्यात झाला. त्यांनी वकिलीचे पदवीपर्यंतचे शिक्षण घेतले आहे . त्यांच्या घराण्यात गेल्या तीन पिढ्यांपासून कीर्तनाची व प्रवचनाची परंपरा चालत आली होती. वारकरी संप्रदायातील प्रमुख फड म्हणून त्यांच्या घराण्याच्या सातारकर फडाचे नाव घेतले जात असे . प्रवचनकार दादामहाराज सातारकर यांनी या फडाची सुरुवात केली. हरिविजय, भक्तिविजय या ग्रंथांवर ते प्रवचने करत असत. त्यांच्यानंतर त्यांचे दुसरे पुत्र अप्पामहाराज सातारकर यांनी फडाची धुरा सांभाळली. इ.स. १९६२ साली अप्पामहाराजांचे निधन झाल्यावर अप्पामहाराजांचे पुतणे - नीळकंठ ज्ञानेश्वरांनी, अर्थात बाबामहाराज सातारकरांनी फडाची परंपरा सांभाळली.

संकीर्ण माहिती

सातारकर घराण्याचे आडनाव गोरे असे आहे.

बाह्य दुवे

• "अधिकृत संकेतस्थळ". Archived from the original on 2013-06-23. १३ डिसेंबर, इ.स. २०११ रोजी पाहिले.