नारायण कुलकर्णी कवठेकर

नारायण कुलकर्णी-कवठेकर (जन्मदिनांक ३० सप्टेंबर १९५१ - हयात) हे मराठी भाषेतील एक कवी व संपादक आहेत. हे विदर्भातले आघाडीचे कवी म्हणून ओळखले जातात. कविता दशकाची या काव्यसंग्रहात त्यांच्या दहा कवितांचा समावेश करण्यात आला आहे. युगवाणी नियतकालिकाचे संपादक म्हणूनही त्यांनी दीर्घकाळ काम बघितले आहे.

नारायण कुलकर्णी कवठेकर
जन्म	३० सप्टेंबर १९५१ महाराष्ट्र, भारत
मृत्यू	महाराष्ट्र, भारत
राष्ट्रीयत्व	भारतीय
कार्यक्षेत्र	साहित्य, कवी व संपादक
भाषा	मराठी
साहित्य प्रकार	कविता,
प्रसिद्ध साहित्यकृती	हे माझ्या गवताच्या पात्या, मागील पानावरून सुरू
पुरस्कार	६१व्या विदर्भ साहित्य संघाचे संमेलनाध्यक्ष

प्रकाशित साहित्य

• मागील पानावरून सुरू (इ.स.१९९७). हिंदी अनुवाद 'पिछले पृष्ठ से आगे...' (अनुवादक - गजानन चव्हाण)
• ऱ्हस्व आणि दीर्घ (ललित लेख, इ.स. २०१९)
• हे माझ्या गवताच्या पात्या (कवितासंग्रह) (इ.स. १९८२). हिंदी अनुवाद 'हे मेरी घास की पत्तियॉं'.

पुरस्कार व गौरव

• कुलकर्णी कवठेकर हे वाशीम येथे २३ ते २५ डिसेंबर, इ.स. २०११ या काळात भरलेल्या ६१व्या विदर्भ साहित्य संमेलनाचे अध्यक्ष होते.
• महाराष्ट्र साहित्य परिषदेचा पुरस्कार
• बहिणाई प्रतिष्ठानाचा पुरस्कार
• परिवर्तन पुरस्कार, वगैरे.