नयना आपटे

मराठी चित्रपट अभिनेत्री

नयना आपटे या मराठी नाटके आणि चित्रपटांत काम करणार्‍या एक सुप्रसिद्ध अभिनेत्री आहेत.

नयना आपटे
जन्म २२ फेब्रुवारी १९५०
राष्ट्रीयत्व भारतीय
कार्यक्षेत्र अभिनय
भाषा मराठी
प्रमुख टीव्ही कार्यक्रम सुखाच्या सरींनी हे मन बावरे
आई शांता आपटे

शिक्षणसंपादन करा

  • बी.ए. (साहित्य); संगीत विशारद.

संगीत शिक्षणसंपादन करा

नयना आपटे यांनी आई शांता आपटे, इंदिराबाई केळकर, यशवंतबुवा जोशी, यांच्याकडून शास्त्रीय संगीतीचे शिक्षण घेतले आहे. याशिवाय गोविंदराव पटवर्धन, अण्णा पेंढारकर, नारायण बोडस आणि अरविंद पिळगावकर यांच्याकडूनही नयना आपटे यांनी नाट्यसंगीताचे शिक्षण घेतले आहेत.

नृत्य शिक्षणसंपादन करा

नयना आपटे रोहिणी भाटे यांच्याकडे पाच वर्षे कथ्थकचे शिक्षण घेत होत्या.

अभिनयाची कारकीर्दसंपादन करा

वयाच्या चौथ्या वर्षापासून नयना आपटे मराठी, हिंदी आणि गुजराती चित्रपटांतून कामे करीत आहेत. वयाच्या ७ व्या वर्षी शांता आपटे यांच्या चंडीपूजा या चित्रपटात त्यांनी एक महत्त्वाची भूमिका केली होती. १९६५ सालापासून नयना आपटे यांची व्यावसायिक अभिनेत्री म्हणून कारकीर्द सुरु झाली.

नयना आपटे यांनी आजवर ६० हून अधिक विनोदी, पौराणिक, ऐतिहासिक, सामाजिक, संगीत आणि काही गुजराती नाटकांतून भूमिका केल्या आहेत. त्यांचे २५ मराठी, ४ हिंदी आणि ६ गुजराती चित्रपट आहेत.

नयना आपटे यांनी १६ हिंदी-मराठी दूरचित्रवाणी मालिकांत कामे केली आहेत. ’शांती’, ’वक़्त की रफ़्तार’, 'एक चुटकी आसमान' आणि ’डोन्ट वरी हो जायेगा’ या त्यांच्या हिंदीतल्या गाजलेल्या मालिका आहेत. तसेच चूकभूल द्यावी घ्यावी, सुखाच्या सरींनी हे मन बावरे या मराठी मालिकाही गाजलेल्या आहेत.

अन्य माहितीसंपादन करा

त्यांची अनेक रेडिओ मुलाखती आणि भाषणे झाली आहेत. त्या नवोदित कलावंतांना संगीत शिकण्यास मदत करतात. सामाजिक कार्यातही त्यांचा गरीब आणि होतकरू लोकांना मदतीचा हात असतो.

नाटकेसंपादन करा

  • अंमलदार
  • एकच प्याला
  • करायला गेलो एक
  • देव नाही देव्हाऱ्यात
  • दैवे लाभला चिंतामणी
  • नवरा माझ्या मुठीत
  • पुण्यप्रभाव
  • मानापमान
  • मूकनायक
  • या घर आपलंच आहे
  • लग्नाची बेडी
  • वरचा मजला रिकामा
  • शारदा
  • श्री तशी सौ
  • सौजन्याची ऐशी तैशी
  • स्वयंवर
  • हनिमून एक्सप्रेस
  • हा स्वर्ग सात पावलांचा

चित्रपटसंपादन करा

  • चुपके चुपके (हिंदी, १९७५)
  • जावईबापू झिंदाबाद
  • मिली (हिंदी, १९७५)

पुरस्कारसंपादन करा

  • मराठी नाट्य परिषदेचे चार पुरस्कार
  • कुमार कला केंद्राचे २ पुरस्कार
  • महाराष्ट्र कला केंद्राचे २ पुरस्कार
  • चित्रपटातील भूमिकेबद्दल महाराष्ट्र सरकारचा एक पुरस्कार
  • मुंबई मराठी संग्रहालयाचा एक पुरस्कार
  • मुंबई मराठी साहित्य संघाकडून ५ पुरस्कार
  • स्त्रियांच्या सामाजिक संस्थांकडून ६ पुरस्कार