ओलाफ शोल्त्स

ओलफ़् शॉल्च् (जर्मन: Olaf Scholz; जन्मतिथि: १४ जून १९५८) हा जर्मनी देशामधील एक राजकारणी, जर्मनीचा सामाजिक लोकशाहीवादी पक्षाचा नेता व जर्मनीचा विद्यमान चान्सेलर आहे. डिसेंबर २०२१ पासून चान्सेलरपदावर असलेला ओलफ़् शॉल्च् २०१८ ते २०२१ दरम्यान आंगेला मेर्कलच्या मंत्रीमंडळात उप-चान्सेलर व अर्थमंत्री होता. त्याअगोदर ओलफ़् शॉल्च् २०११ ते २०१८ दरम्यान हांबुर्ग शहराचा महापौर होता.

ओलफ़् शॉल्च्
जर्मनीचा चान्सेलर
विद्यमान
पदग्रहण ८ डिसेंबर २०२१
राष्ट्राध्यक्ष	फ्रांक-वाल्टर श्टाईनमायर
चान्सेलर	आंगेला मेर्कल
मागील	आंगेला मेर्कल
जर्मनीचा उप-चान्सेलर
कार्यकाळ १४ मार्च २०१८ – ८ डिसेंबर २०२१
हांबुर्गचा महापौर
कार्यकाळ ७ मार्च २०११ – १३ मार्च २०१८
जन्म	१४ जून, १९५८ (1958-06-14) ओस्नाब्रुक, नीडरजाक्सन, पश्चिम जर्मनी
राजकीय पक्ष	जर्मनीचा सामाजिक लोकशाहीवादी पक्ष
धर्म	लुथरन
सही

पेशाने वकील असलेला ओलफ़् शॉल्च् १९७५ सालापासून जर्मनीच्या सामाजिक लोकशाहीवादी पक्षाचा सदस्य असून त्याने हांबुर्ग विद्यापीठातून कायद्याचे शिक्षण घेतले. १९९८ साली तो पहिल्यांदा जर्मन संसद बुंडेश्टागवर निवडून आला. तेव्हापासून २०११ सालापर्यंत शोल्त्स संसदेचा सदस्य होता. २०१७ मधील जर्मन संसद निवडणुकीनंतर बनलेल्या आघाडी सरकारमध्ये ओलफ़् शॉल्च्ला अर्थमंत्रीपदाचे खाते देण्यात आले, त्याचबरोबर तो उप-चान्सेलर देखील बनला.

२०२१ मधील संसद निवडणुकीत ओलफ़् शॉल्च्च्या जर्मनीचा सामाजिक लोकशाहीवादी पक्षने ७३६ पैकी २०६ जागांवर विजय मिळवल्यानंतर इतर काही पक्षांसोबत युती करून सरकार स्थापनेचा दावा केला. ८ डिसेंबर २०२१ रोज़ी शॉल्च्ने जर्मनीच्या चान्सेलरपदाची शपथ घेतली.

हे सुद्धा पहा

• जगातील देशांच्या राष्ट्रप्रमुख व सरकारप्रमुखांची यादी

बाह्य दुवे

• अधिकृत संकेतस्थळ (जर्मन)

विकिमीडिया कॉमन्सवर खालील विषयाशी संबंधित संचिका आहेत: ओलाफ शोल्त्स