सापुतारा

सापुतारा येथील तलाव.

माहिती

सापुतारा हे स्थळ भारताच्या गुजरात राज्यातील डांग जिल्ह्यातील एक थंड हवेचे ठिकाण आहे. हे महाराष्ट्र राज्याच्या नाशिक या शहरापासून सुमारे ९१ कि.मी. अंतरावर नाशिक-डांग-सुरत रस्त्यावर आहे. हे ठिकाण गुजरात राज्याच्या वांसदा राष्ट्रीय उद्यानाजवळ आहे. मुंबई अथवा अहमदाबाद येथून रेल्वेने बिलिमोरा या स्थानकापर्यंत जाऊन तेथून बसने अथवा टॅक्सीने येथे येता येते. गुजरात-महाराष्ट्र राज्यसीमा येथून सुमारे ५ कि.मी. अंतरावर आहे. समुद्रसपाटीपासून सुमारे १००० मीटर उंचीवर असलेले सापुतारा हे स्थान सातपुडा पर्वतराजीवर एका पठारासारख्या ठिकाणी वसलेले आहे.

तपमान

सनसेट पॉईंट येथून दिसणारे दरीचे दृष्य.

उन्हाळ्यात येथे २७^० ते ३१^० सेल्सियस एवढे तापमान असते. .हिवाळ्यात ते ९^० ते २०^० सेल्सियस या दरम्यान राहू शकते.

पाहण्यासारखी ठिकाणे

गीरा धबधबा

• अ‍ॅक्वेरियम
• एको पॉईंट
• कलाकारांचे खेडे (आर्टिस्ट्‌स व्हिलेज)
• मध संकलन केंद्र
• गीरा धबधबा
• बोट क्लब
• म्युझियम (संग्रहालय)
• रोप-वे
• सनराइज पॉईंट
• सनसेट पॉईंट
• हथगढ किल्ला

पोहचण्याचा मार्ग

• जवळील विमानतळ- सुरत- १७२ किमी.
• जवळील रेल्वेस्टेशन- बिलीमोरा- १७२ किमी
• नाशिक शहरापासूनन रस्त्याने सुमारे ८० कि.मी.
• मुंबई शहरापासून सुमारे १८५ कि.मी.
• सुरत शहरापासून सुमारे १७२ कि.मी.