मणक्याची झिज

मणक्याची झिज हा वयोपरत्वे होणारा एक आजार आहे.यात पाठीचे मणके झिजतात व त्यामुळे पाठदुखी, इत्यादी विकार उद्भवतात. वृद्धत्वामुळे हा आजार बहुदा उद्भवतो. स्त्रीयांची मासिक पाळी बंद झाल्यावरदेखील हा होऊ शकतो.तसेच अतिप्रवास, पौष्टिक खाद्यपदार्थाचा अभाव, लोह व कॅल्शियमची शरीरातील कमतरता, काही जीवनसत्त्वांची कमतरता, योग्य व्यायामाचा अभाव, कमीतकमी शारीरिक हालचाली, बसण्या-उठण्याची चुकिची पद्धत, आमवात अशा अनेक गोष्टीदेखील यास कारणीभूत आहेत.

रोगग्रस्त मणके

पाठीचे मणक्यांची झिज ही नंतर खांदे, कंबर इत्यादींवर देखील प्रभाव टाकते व त्यांचेही दुखणे चालू होते.ही झिज बराच काळ दुर्लक्षित राहिल्यास, व केवळ वेदनाशामकाचा सतत वापर केल्यास नंतरच्या काळात, कोणतीही हालचाल करणे दुरापास्त होते. झोपण्याच्या स्थितीत मणक्यांवर दाब/वजन कमी येते त्यामुळे या स्थितीत अथवा टेकुन बसण्यामुळे थोडा आराम वाटू शकतो.पण हा काही कायमस्वरुपी उपचार नाही.

उपचार

त्रास सुरू झाल्यावर लगेच उपचार घेतले असता, ही झिज लवकर भरून निघते व व्यक्ति लवकर स्वस्थ होते. त्यात चालढकल केली असता हा त्रास दूर होण्यास वेळ लागतो.