र.भ. अट्टल कला, विज्ञान व वाणिज्य महाविद्यालय (गेवराई)

मराठवाडा शिक्षण प्रसारक मंडळाचे रघुनाथ भगवानदास अट्टल अर्थात आर.बी . अट्टल कॉलेज हे बीड जिल्ह्यातील गेवराई तालुक्यात असलेले महाविद्यालय आहे. सदर महाविद्यालयाची स्थापना इ.स. १९७१ या वर्षी झालेली आहे. हे महाविद्यालय औरंगाबाद येथील डॉ. बाबासाहेब आंबेडकर मराठवाडा विद्यापीठाशी संलग्न आहे. सदर महाविद्यालय २७ एकर मैदानावर पसरले आहे. यात प्रशासकीय इमारत, अध्यापानासाठी इमारत, स्वतंत्र ग्रंथालय इमारत, वसतिगृह आणि नव्याने बांधलेल्या इनडोअर स्टेडियम आणि ४०० मीटर ट्रॅक याचा समावेश आहे. त्याचबरोबर महाविद्यालयात जीवनात प्रत्येक क्षेत्रात मोठ्या संख्येने नामांकित यशस्वी विद्यार्थी प्रदान करून गुणात्मक प्रगती केली आहे.

र.भ. अट्टल कला, विज्ञान व वाणिज्य महाविद्यालय (गेवराई)

आर. बी. अट्टल कॉलेज, गेवराई
ब्रीदवाक्य	"तमसो मा ज्योतिर्गमय"
स्थापना	इ.स. १९७१
संकेतस्थळ	https://rbattalcollege.in/

मराठवाडा शिक्षण प्रसारक मंडळ

मुख्य लेख :-- मराठवाडा शिक्षण प्रसारक मंडळ, औरंगाबाद

मराठवाड्यातील ग्रामीण भागात शिक्षणाचा प्रचार करण्याच्या उद्देशाने अग्रगण्य पुढाकार घेतला. महाराष्ट्र राज्याचे माजी मंत्री विनायकराव पाटील यांनी पुढाकार घेऊन १ सप्टेंबर १९५८ मध्ये मराठवाडा शिक्षण प्रसारक मंडळाची स्थापना केली. मराठवाडा शिक्षण प्रसारक मंडळ हे मराठवाडा विभागातील सर्वात मोठी शैक्षणिक संस्था असून २१ वरिष्ठ महाविद्यालये, ४० कनिष्ठ महाविद्यालये व ५६ उच्च माध्यमिक शाळा आणि १ मराठी व ६ इंग्रजी माध्यम प्राथमिक शाळा आहेत. मराठवाडा शिक्षण प्रसारक मंडळाला राष्ट्रीय विकासाच्या दिशेने आणि समाजाच्या उन्नतीसाठी दिलेल्या योगदानाबद्दल २००१ मध्ये महाराष्ट्र शासनाने सर्वोत्कृष्ट शैक्षणिक संस्था पुरस्कार प्राप्त केला आहे. मंडळाने ७७ वे अखिल भारतीय मराठी साहित्य संमेलनाचे आयोजन केले. याच मंडळा अंतर्गत आर.बी. अट्टल महाविद्यालयाची स्थापना झालेली आहे.

महाविद्यालयाची उद्दिष्टे

• अध्यापनाची योजना आखणे आणि अंमलात आणणे.
• अध्यापन शिक्षण प्रक्रियेचे मूल्यांकन करणे.
• सेमिनार, कॉन्फरन्स, कार्यशाळा, शिक्षण आणि प्रांतीय विषयांवर प्रकल्प आयोजित करणे.
• अध्यापन प्रक्रिया अधिक प्रभावी बनविणे.
• सामाजिकदृष्ट्या संबंधित समस्यांशी संबंधित विविध संघटना तयार करणे आणि चालविणे.
• तरुणांच्या निरोगी शारीरिक वाढीसाठी खेळ व खेळांचा सराव करणे.

ग्रंथालय

महाविद्यालयात सुसज मध्यवर्ती ग्रंथालय असून त्यात सुमारे ३३६५७ पुस्तके व अनेक दुर्मिळ ग्रंथ आहेत. अनेक नव्या जुन्या मासिक, नियतकालिके तथा वर्तमानपत्राची वर्गणीदार महाविद्यालय आहे. ग्रंथालयात संगणक इंटरनेट सुविधेसह असून ई माध्यमात्तून अनेक पुस्तके उपलब्ध आहेत.ग्रंथालयासाठी स्वतंत्र सल्लागार समितीची स्थापना करण्यात आलेली आहे.ग्रंथालय वेळ सोमवार ते शनिवार सकाळी ०९:४५ ते सायंकाळी ०५:४५ पर्यंत असून रात्र अभ्यासिकेसाठी वेळ सायंकाळी ०७:३० ते रात्री १०:३० पर्यंत आहे.
ग्रंथालयात उच्च व कनिष्ठ महाविद्यालय पुस्तके देवघेव विभाग, कर्मचारी पुस्तके देवघेव विभाग, वाचन दालन, वर्तमानपत्र दालन, संदर्भ ग्रंथ दालन तसेच इंटरनेट विभाग आहेत.