मॉन्टी देसाई

मॉन्टी देसाई हे भारतीय व्यावसायिक क्रिकेट प्रशिक्षक आहेत जे सध्या नेपाळ राष्ट्रीय क्रिकेट संघाचे मुख्य प्रशिक्षक आहेत.

त्यांनी राजस्थान रॉयल्ससोबत स्काऊट आणि प्रशिक्षक म्हणून आपल्या कोचिंग कारकीर्दीची सुरुवात केली. राजस्थान रॉयल्ससोबत ते २००८ पासून २०१५ पर्यंत कार्यरत होते. त्यांनी रणजी ट्रॉफीच्या २०१८-१९ हंगामात मुख्य प्रशिक्षक म्हणून आंध्रप्रदेश रणजी संघाचे नेतृत्व देखील केले. यापूर्वी, ते जानेवारी २०१८ मध्ये अफगाणिस्तान राष्ट्रीय क्रिकेट संघात सामील झाले होते, ते झिम्बाब्वे येथे झालेल्या विश्वचषक पात्रता फेरीतील विजेत्या संघाचा भाग होते, नंतर त्यांनी वैयक्तिक कारणांमुळे राजीनामा दिला. आंध्र क्रिकेटमध्ये एक पूर्ण हंगाम काम केल्यानंतर, ते २०१९ मध्ये संयुक्त अरब अमिरातीच्या राष्ट्रीय क्रिकेट संघात फलंदाजी प्रशिक्षक म्हणून सामील झाले. त्याच वर्षी २०१९ आयसीसी विश्व क्रिकेट लीग विभाग दोनसाठी कॅनडाच्या राष्ट्रीय संघाचे मुख्य प्रशिक्षक म्हणूनही त्यांची नियुक्ती करण्यात आली.

डिसेंबर २०१९ मध्ये, ते वेस्ट इंडीजच्या राष्ट्रीय क्रिकेट संघात फलंदाजी प्रशिक्षक म्हणून सामील झाले आणि २०२२ पर्यंत त्यांनी काम केले. ते इंडियन प्रीमियर लीग फ्रँचायझी राजस्थान रॉयल्स आणि गुजरात लायन्सचा परफॉर्मन्स कोच आणि टॅलेंट स्काउट म्हणून देखील होते. २०२३ मध्ये, नेपाळ क्रिकेट असोसिएशनने नेपाळच्या राष्ट्रीय संघाच्या मुख्य प्रशिक्षकाची नियुक्ती केली, आणि २०२३ आशिया चषक आणि २०२३ क्रिकेट विश्वचषक पात्रता तसेच एकदिवसीय दर्जा यशस्वीपणे राखण्यासाठी संघाचे नेतृत्व केले. त्याच्या प्रशिक्षणाखाली नेपाळने एका दशकानंतर २०२४ आयसीसी पुरुष टी२० विश्वचषकासाठी पात्रताही मिळवली आहे.