मलेशियामधील धर्म
मलेशिया एक बहुसांस्कृतिक आणि बहुधार्मिक देश असून, त्याचा अधिकृत धर्म इस्लाम आहे. २०१० च्या जनगणनेनुसार, देशातील लोकसंख्येच्या ६१.३ टक्के लोक इस्लामचे अनुसरण करतात; तर १९.८ टक्के लोक बौद्ध धर्माचे अनुसरण करतात; यशिवाय ९.२ टक्के लोक ख्रिश्चन धर्म अनुसरतात; ६.३ टक्के हिंदू धर्म; आणि ३.४ टक्के पारंपरिक चिनी धर्म अनुसरात. उर्वरित इतर धर्मांमधे ॲनिझिझम, लोक धर्म, शिख धर्म, बहाई विश्वास आणि इतर धार्मिक विश्वास प्रणालींचा समावेश आहे.[१][२] मलेशियात स्वतःला निरीश्वरवादी म्हणविणाऱ्यांची संख्या कमी आहे; मलेशियन सरकारद्वारे नास्तिक आणि निरीश्वरवाद्यांवर भेदभाव केल्यासाठी सरकारवर मानवाधिकार संघटनांकडून टीका होत आहे, काही कॅबिनेट सदस्यांनी "धार्मिक स्वातंत्र्य म्हणजेच धर्माचे स्वातंत्र्य नसणे" असे म्हटले आहे.[३][४]
मलेशिया मधील धर्म (२०१०)[१]
धार्मिक वितरण संपादन
मलेशियामध्ये जगातील सर्व प्रमुख धर्मांचे वास्तव्य आहे. लोकसंख्या आणि गृहनिर्माण जनगणना आकडेवारी या धर्मांनुसार लोकसंख्येचे प्रमाण खालीलप्रमाणे दर्शवते:
| वर्ष | इस्लाम | बौद्ध धर्म | ख्रिश्चन धर्म | हिंदू धर्म | कन्फ्यूशियस धर्म, ताओ धर्म, व पारंपरिक चिनी धर्म | धर्म नसलेले | अन्य धर्म |
|---|---|---|---|---|---|---|---|
| २००० | ६१.६०% | १९.२०% | १०.२४% | ५.१२% | २.५६% | ०.००% | १.२८% |
| २००८ | ६४.१६% | १९.२०% | ९.६०% | ५.१२% | १.९२% | ०.००% | ०.००% |
| २०१६ | ६६.७२% | १७.९२% | ८.९६% | ५.१२% | १.२८% | ०.००% | ०.००% |
सर्व मलेशियाई मलाय कायद्यानुसार मुसलमान आहेत.[ संदर्भ हवा ] बहुतेक मलेशियन चीनी महायान बौद्ध धर्माचे किंवा चिनी परंपरागत धर्माचे (ताओवाद, कन्फ्यूशियनिझम, पूर्वज-पूजन किंवा नवीन संप्रदायांसह) पालन करतात.[५] २०१० च्या जनगणनेतील आकडेवारीनुसार मलेशियाच्या चीनी व्यक्तींपैकी ८३.६% बौद्ध अनुयायी, ३.४% ताओवादी आणि ११.१% ख्रिश्चन अनुयायी आहेत.[१]
मलेशियातील अनेक स्थानिक जमातींनी ख्रिश्चन धर्मात धर्मातर केले आहे, ख्रिश्चन धर्माचे प्रायद्वीपीय मलेशियामध्ये प्रवेश केला आहे.[५]
इस्लाम संपादन
इस्लाम हा देशाचा प्रमुख धर्म आहे आणि त्याला राज्य अधिकृत अधिकृत मानले जाते. ६०% मलेशियन लोक या धर्माचे अनुयायी आहेत. अनेक मुस्लिमांचे पवित्र दिवस राष्ट्रीय सुट्टी म्हणून घोषित आहेत, यामध्ये रमजानच्या शेवट, हजचा शेवट आणि मुहंमद पैगंबरांचा वाढदिवस समाविष्ट आहे. १२ व्या शतकामध्ये भारतीय व्यापाऱ्यांद्वारे इस्लामला मलेशियात आणले गेले आहे असे मानले जाते. १५ व्या शतकाच्या सुरुवातीला मलक्का सल्तनत, प्रायः प्रायद्वीपमधील पहिले स्वतंत्र राज्य मानले गेले. मुसलमान असलेल्या मलाकाचा राजकुमारांच्या नेतृत्वाचा प्रभाव इस्लामचा प्रसार मलय जनतेत करण्यास प्रवृत्त झाला इस्लाम धर्मीयांची संख्या या देशांमध्ये मोठी आहे मलेशिया मध्ये इस्लाम धर्माला मोठी मान्यता मिळालेले आहे इतर अनेक धर्म व संप्रदाय मलेशियामध्ये आहेत.[६]
बौद्ध धर्म व चिनी धर्म संपादन
अनेक मलेशियाई चीनी महायान आणि बौद्ध धर्माचे इतर संप्रदाय, चिनी लोक धर्म, कन्फ्यूशियनिझम आणि दाओझम (ताओधर्म) समेत विविध धर्मांचे अनुसरण करतात. इस्लामच्या आगमनापूर्वी या देशात बौद्ध धर्म प्रभावी व प्रमुख धर्म होता, मात्र सध्याची चिनी लोकसंख्येमधील बहुसंख्य मलय लोक ब्रिटिश राजवटीत येथे आले. चिनी नववर्ष राष्ट्रीय सुट्टी म्हणून साजरा केला जातो. बऱ्याच चीनी लोकांसाठी, 'धर्म' त्यांच्या सांस्कृतिक जीवनाचा एक महत्त्वाचा भाग आहे.[७]
संदर्भ संपादन
- ^ a b c "Taburan Penduduk dan Ciri-ciri Asas Demografi" (PDF). Jabatan Perangkaan Malaysia. p. 82. Archived from the original (PDF) on 13 नोव्हेंबर 2013. 25 मार्च 2013 रोजी पाहिले. Unknown parameter
|deadurl=ignored (सहाय्य) - ^ "Population Distribution and Basic Demographic Characteristic Report 2010 (Updated: 05/08/2011)". Department of Statistics, Malaysia. Archived from the original on 2016-11-13. 11 March 2017 रोजी पाहिले.
- ^ "Putrajaya: Freedom of religion does not equal freedom from religion". 2017-11-23. 2018-03-10 रोजी पाहिले.
- ^ Robert Evans (9 December 2013). "Atheists face death in 13 countries, global discrimination: study". Reuters.
- ^ a b https://web.archive.org/web/20110410214421/http://matic.gov.my/en/tourism/about-malaysia/religion.html
- ^ "Malaysia". United States Department of State. 28 January 2011. 17 July 2011 रोजी पाहिले.
- ^ Tan, Chee-Beng (1983). "Chinese Religion in Malaysia: A General View". Asian Folklore Studies. 42: 217. JSTOR 1178483.