बाबुराव गुरव

डॉ . बाबुराव गुरव हे मराठी साहित्यिक, प्राध्यापक, सामाजिक चळवळीतील कार्यकर्ते आहेत. हे जानेवारी २०१३ मध्ये राहुरी येथे झालेल्या ११व्या विद्रोही साहित्य संमेलनाचे अध्यक्ष होते.

व्यक्तिगत जीवन

बाबुराव गुरवांचं मूळ गाव सांगली जिल्ह्यातील तासगाव तालुक्यातील कवठेएकंद आहे. निवृत्ती नंतर ते तासगावला स्थायिक झाले .

कारकीर्द

स्वामी विवेकानंद शिक्षणसंस्थेत ३५ वर्षांहून अधिक काळ प्राध्यापक म्हणून कार्यरत होते. अण्णा भाऊ साठे यांच्या साहित्यावर पीएच . डी . केली. विद्रोही - सामाजिक चळवळींचा ते सक्रीय असत.

' एम . फुक्टो ' या प्राध्यापकांच्या संघटनेचे राष्ट्रीय स्तरावरील नेते होते, घरणग्रस्तांचं आंदोलन , दुष्काळी भागातील पाणीआंदोलन , धार्मिक व वांशिक दंगलविरोधी आंदोलनात सहभागी असत . 'अण्णाभाऊं साठे' , ' या जगात देव आहे का ?', ' भारतीय स्वातंत्र्य चळवळ - लोकविद्रोहाचा धगधगता अंगार ', ' फुले - शाहू - आंबेडकरवाद - समाजपरिवर्तनाची नवी दिशा ' इत्यादी विषयांवर पुस्तिका लिहिल्या.

राजर्षी शाहू , क्रांतिसिंह नाना पाटील , कर्मवीर भाऊराव पाटील , गाडगे महाराज , नागनाथअण्णा नायकवडी अशा अनेकांची चरित्रंही लिहिली . ' भैनाळ ', ' पाणी ', ' विवस्त्रा ' या त्यांच्या कादंबऱ्याही सामाजिक विषयांनाच वाचा फोडणाऱ्या होत्या . आपल्या साहित्यातून आणि विचारांतून हे सामाजिक भान सातत्याने राखले .