द व्हायरल फीव्हर

द व्हायरल फेव्हर, ज्याचे संक्षिप्त रूप TVF आहे, ही मागणी-आधारित-व्हिडिओ सेवा आहे तसेच ओव्हर-द-टॉप स्ट्रीमिंग सेवा आणि युट्यूब चॅनेल आहे. TVF मीडिया लॅब्सने 2010 मध्ये हे सुरू केले होते आणि सध्या ते कॉन्टजियस ऑनलाइन मीडिया नेटवर्क प्रायव्हेट लिमिटेड यांच्याकडे मालकी संचालन आहे.

कंपनीचा लोगो

द व्हायरल फेव्हर

प्रकार	OTT platform
संक्षेप	TVF
स्थापना	२०१०
संस्थापक	अरूणाभ कुमार
मुख्यालय	भारत मुंबई, महाराष्ट्र
सेवांतर्गत प्रदेश	जगभर
महत्त्वाच्या व्यक्ती	विजय कोशी (अध्यक्ष) रोनित अग्रवाल (टॅलेंट कास्ट) अरुणाभ कुमार (मार्गदर्शक)
उत्पादने	TVFPlay मागणी-आधारित-मीडिया व्हिडिओ स्ट्रीमिंग
मालक	Contagious Online Media Network Private Limited
पोटकंपनी	Girliyapa The Screen Patti (TSP) The Timeliners Funda Curry TVF Machi
संकेतस्थळ	www.tvfplay.com

संस्थापक अरुणाभ कुमार यांच्या मते, TVF सुरू करण्यामागील विचार हा तरुण पिढीपर्यंत पोहोचण्याचा होता जो क्वचितच दूरदर्शन पाहतो.

भारतीय डिजिटल मनोरंजनात व्हायरल फिव्हर हे सुरुवातीच्या काळात आलेल्यांपैकी एक होते. त्यांनी भारतीय राजकारण, चित्रपट, जीवनशैली आणि उदयोन्मुख सामाजिक संकल्पनांवर विविध विषयांचा समावेश असलेले व्हिडीओ बनवले. परमनंट रूममेट्स आणि टीव्हीएफ पिच्चर्स यांसारख्या कल्ट हिटसह व्हायरल फीव्हर हे भारतातील वेब सीरिजची प्रणेता आहे. त्यांनीच भारतात वेब सिरीजचे युग आणले.

कंपनी त्यांचे व्हिडिओ होस्ट करण्यासाठी अॅप आणि संकेतस्थळ TVFPlay चालवते. TVF ने मूळ डिजिटल सामग्रीची निर्मिती आणि वितरणाद्वारे चित्रपटांना प्रोत्साहन देण्याची कल्पना मांडली. इश्क वाला गाण्याची मालिका हा असाच एक उपक्रम आहे.

त्यांची पहिली वेब सिरीज पर्मनंट रूममेट्स 2014 मध्ये आली. जून 2015 पर्यंत ही जगातील दुसरी सर्वाधिक पाहिली जाणारी लांब-फॉर्म वेब मालिका होती. TVF Pitchers नावाची दुसरी मूळ मालिका जून 2015 मध्ये रिलीज झाली. यात वेगवेगळ्या कंपन्यांमधील अभियंता मुलांची भूमिका आहे ज्यांनी स्टार्टअप कंपनी तयार करण्यासाठी आपली नोकरी सोडली. TVF पिचर्स आणि परमनंट रूममेट्स हे दोन्ही जगभरात लाखो लोकांनी पाहिली गेली. त्यांच्या वाढत्या लोकप्रियतेमुळे, कंपनीला फेब्रुवारी 2016 मध्ये टायगर ग्लोबलकडून $10 दशलक्ष निधी प्राप्त झाला.