कासार म्हणजे तांबे पितळाची भांडी तयार करुन व ती विकणार याला कासार म्हणतात.

ऊत्पत्ती - कासार या शब्दाची उत्पत्ती संस्कृत कांस्यकार म्हणजे धातूशी निगडीत व्यवहार करणारा तो कासार अशी आहे.ही धातू म्हणजे तांबा पितळ वगैरे भांडी बनवणारे व विकनारे दोघेही कासार या संज्ञेस पात्र ठरतात. पुर्वी कांसे ची भांडी व बांगडी तयार करनारा वर्ग होता. नंतर कांस्याची भांडी जाऊन तांबे पितळेची भांडी घडवणारा व विक्री करनारा वर्ग आला. कासार समाज हा संख्येने अल्प आहे.

उपजीविका - तांबे पितळेची भांडी तयार करणारा त्वष्टा कासार व त्या भांडयांचा व्यापार करनारा सोमवंशीय क्षत्रिय कासार समाज. त्वष्टा कासार स्वताला त्वष्टा ब्राह्मण म्हणतात.सध्याची पिढी उच्चशिक्षीत आहे.

वर्ण- कासार हे सोमव्ंशीय क्षत्रिय म्हणजे चंद्रवंशी क्षत्रिय आहेत. समाजाची ऊत्पत्ती सोमवंशी राजा कार्तविर्य सह्स्त्रार्जुन याच्या पासुन झाली आहे.

धर्म - कासार समाज हा विखुरलेला असुन वेगवेगळ्या ठिकाणी असलेला प्रमुख धर्म त्यांनी आत्मसात केलेला दिसतो. म्हणुनच पुढिल विभाग पडतात- 1) हिंदु उपासना असलेला सोमवंशीय क्षत्रीय कासार. 2)जैन उपासना मानणारा दिगंबर जैन कासार. 3)श्री चक्रधर स्वामींंना मानणारा मानभाव पंथी.

उपास्य देवता- कासार या जातीची उपास्य देवता ही श्री कालिका माता आहे. ही कालिका माता पद्मसनात बसलेली, क्षमादायिनी आहे, उभी संहारक रुपातील नाही.

संत- 1) संत श्री अडकोजी महाराज- राष्ट्र संत तुकडोजी महाराज यांचे गुरु. 2) श्री शंभुनाथ महाराज 3) संत श्री शिवजी कासार- संत तुकाराम महाराज यांचे 14 मानाचे टाळकरी पैकी एक. 4) संत महादबा कासार- दरवर्षी कासार समाजाची दिंडी आषाढी एकादशीस श्री क्षेत्र पंढरपुर येथे श्री महादबा कासार दिंडी या नावाने नेण्यात येते.

संस्था - क्षत्रीय कासार समाजाचे 'अखिल भारतीय सोमवंशीय क्षत्रीय कासार' ही संस्था आहे.

मंदीर- सोमवंशीय क्षत्रीय कासार श्री कालिका देवी मंदीर 552 बुधवार पेठ पुणे येथे आहे.

कासार समाजाचे पुरातन श्री कालिका देवी मंदीर- 1)शिरुर कासार 2)निनगुर (नेकनुर) 3)डिग्रस हे सर्व बीड जिल्ह्यात आहेत. 4)घोटण (जिल्हा - अहमदनगर) 5)भुतेगाव (जिल्हा- जालना)

मान्यवर- चित्रपटशृष्टि- 1) चित्रपती व राष्ट्रीय पुरस्कार विजेते स्व. व्ही शांताराम (श्री शांताराम राजाराम वंकुद्रे) 2)चित्रपट नायिका- राजश्री 3) किमी काटकर. 4) वैभव मांगले.

राजकारणी- 1)स्व. राजाभाऊ झरकर (राज्यमंत्री). 2)पुणे स्थायी समिती विद्यमान अध्यक्ष श्री हेमंत रासने.