कमाल खान (पत्रकार)

कमाल खान हे भारतीय पत्रकार आणि संपादक होते. एनडीटीव्ही इंडिया या राष्ट्रीय हिंदी वाहिनीचे ते लखनऊ, उत्तर प्रदेशचे ब्युरो चीफ होते. खान त्यांच्या काव्यात्मक व्हॉईसओव्हर्स आणि उत्तर प्रदेशच्या राजकारणाच्या सखोल विश्लेषणासाठी ओळखले जात असत. त्यांच्या प्रभावी भाषेतील पत्रकारितेसाठी ते प्रसिद्ध होते.

कमाल खान
जन्म	कमाल खान १९५९ उत्तर प्रदेश
मृत्यू	१४ जानेवारी २०२२ लखनऊ, उत्तर प्रदेश
मृत्यूचे कारण	ह्रदयविकाराचा झटका
निवासस्थान	लखनऊ
राष्ट्रीयत्व	भारतीय
पेशा	पत्रकार
जोडीदार	रूची खान

खान यांच्या पत्रकारितील योगदानाबद्दल रामनाथ गोयंका पुरस्कार देऊन त्यांचा गौरव केला गेला. याबरोबरच राष्ट्रपतींच्या हस्ते त्यांना गणेश शंकर विद्यार्थी पुरस्कार दिला होता. एनडीटीव्हीचे सुप्रसिद्ध पत्रकार रवीश कुमार त्यांचा लोकप्रिय कार्यक्रम असलेल्या प्राईम टाईममध्ये कमाल खान यांच्या बातम्या नेहमी दाखवायचे.

१४ जानेवारी २०२२ रोजी हृदयविकाराच्या झटक्याने त्यांचे निधन झाले.

पुरस्कार आणि सन्मान

• भारताच्या राष्ट्रपतींकडून रामनाथ गोएंका पुरस्कार
• भारताच्या राष्ट्रपतींकडून गणेश शंकर पुरस्कार
• सर्वोत्कृष्ट हिंदी टीव्ही रिपोर्टरसाठी एनटी पुरस्कार
• पर्यावरण जागृतीवरील सर्वोत्कृष्ट माहितीपटासाठी पुरस्कार
• हिंदी टीव्ही पत्रकारितेतील योगदानाबद्दल सार्क लेखक आणि साहित्य महासंघाकडून आंतरराष्ट्रीय पुरस्कार

निधन

कमाल खान यांचे हृदयविकाराच्या धक्क्याने १४ जानेवारी २०२२ला लखनौमध्ये निधन झाले. ते घरी असतानाच त्यांना हृदयविकाराचा झटका आला होता. त्यानंतर त्यांना हॉस्पिटलमध्ये दाखल करण्यात आले. परंतु डॉक्टरांनी त्यांना मृत घोषित केले.