उकडलेल्या कैरीचे पन्हे

उकडलेल्या कैरीचे पन्हे हे महाराष्ट्र राज्यातील एक उन्हाळी पेय आहे.

तयार करण्याची कृती

आवश्यक साहित्य : १ कैरी, गूळ, साखर, आलं, मीठ, वेलचीपूड, केशर

कृती : कैरी धुऊन वाफवावी. त्याचा गर काढावा. १ वाटी गर असल्यास २ वाट्या गूळ व १ वाटी साखर असे प्रमाण घालावे. (साखर व गूळाचे प्रमाण आपल्या आवडीनुसार बदलावे. कैरीच्या आंबटपणानुसार प्रमाण बदलते.) १/२ चमचा मीठ घालावे . १/२ चमचा आल्याचा रस, १ चमचा वेलची पूड घालावे. सर्व साहित्य मिक्सरमध्ये घालून एकत्र करावे. अशा प्रकारे पन्ह्याचा बलक तयार करतात.

विशेष सूचना

यात केशर घातल्यास पन्ह्याला रंग व सुगंध येतो. प्रत्येकवेळी पिण्यासाठी पन्हे तयार करताना वरील मिश्रणात आवश्यक तेवढे पाणी घालावे. अशाप्रकारे आंबट गोड चवीचे पन्हे तयार होते.

औचित्य

चैत्रगौरीसमोर कैरीचे पन्हे आणि आंब्याची डाळ नैवेद्य

महाराष्ट्रात चैत्रगौरी पूजन प्रसंगी कैरीचे पन्हे आवजून करण्याची पद्धती रूढ आहे.

कैरी