होमा दराबी
होमा दराबी ( फारसी: هما دارابی) ही इराणी बालरोगतज्ञ, नेशन पार्टी ऑफ इराणशी संलग्न शैक्षणिक आणि राजकीय कार्यकर्ती होती. सक्तीच्या हिजाबच्या निषेधार्थ तिच्या राजकीय आत्मदहनासाठी ती ओळखली जाते. त्यामध्ये तिचा मृत्यू झाला.
| होमा दराबी | |
|---|---|
| जन्म |
१९४० |
| राजकीय पक्ष | नेशन पार्टी ऑफ इराण[१] |
चरित्र
संपादनहोमा दराबी हिचा जन्म १९४०[२] मध्ये तेहरान येथे झाला. हायस्कूल संपल्यानंतर, तिने १९५९ मध्ये तेहरान विद्यापीठाच्या मेडिकल स्कूलमध्ये प्रवेश केला.[३] स.न १९६० मध्ये, नॅशनल फ्रंटच्या बाजूने विद्यार्थी निदर्शने आयोजित केल्याबद्दल तिला ताब्यात घेण्यात आले.[४] तिने इ.स. १९६३ मध्ये तिने तिच्या वर्गमित्र मनोचेहर केहानीशी लग्न केले.[३] तिचे शिक्षण पूर्ण केल्यानंतर, तिने उत्तर इराणमधील बहमनीह गावात सराव केला.[४] होमा दाराबी तिचा अभ्यास सुरू ठेवण्यासाठी युनायटेड स्टेट्सला गेली आणि त्यांनी मानसशास्त्रात बालरोग विशेषज्ञ पदवी प्राप्त केली.[३] इ.स. १९७६ मध्ये ती इराणला परतली आणि तेहरान विद्यापीठात बाल मानसोपचार शास्त्राची प्राध्यापक म्हणून कामाला लागली. त्याचवेळी ती पुन्हा एकदा पहलवी घराण्याविरुद्ध राजकीयदृष्ट्या सक्रिय झाली.[४] तिने नॅशनल युनिव्हर्सिटी (पुढे ही युनिव्हर्सिटी शाहिद बेहेश्ती युनिव्हर्सिटी म्हणून प्रसिद्ध झाली) येथेही शिकवले.[५]
डिसेंबर १९९१ मध्ये "हिजाबचे पालन न केल्यामुळे" तिला तिच्या पदावरून काढून टाकण्यात आले. मे १९९३ मध्ये न्यायाधीकरणाने हा निर्णय रद्द केला असूनही, विद्यापीठाने तिचे स्थान पुनर्संचयित करण्यास नकार दिला.[४]
मृत्यू
संपादननिषेधाचे चिन्ह म्हणून, होमा दराबीने २१ फेब्रुवारी १९९४ रोजी ताजरीशजवळील सार्वजनिक रस्त्यावर स्वतःचा हिजाब काढून डोक्यावर पेट्रोल ओतून आत्मदहन केले.[४][५] दुसऱ्या दिवशी हॉस्पिटलमध्ये भाजल्याने तिचा मृत्यू झाला.
हे सुद्धा पहा
संपादन- सक्तीच्या हिजाबच्या विरोधात इराणी निदर्शने
- महसा अमिनीचा मृत्यू
- राजकीय आत्मदहनाची यादी
- झाहरा बानी याघूब
पुढील वाचन
संपादन- दराबी, परविन; थॉमसन, रोमिन पी (१९९९). रेज अगेन्स्ट द वेल: द करेजिअस लाईफ ॲंड डेथ ऑफ ॲन इस्लामिक डेसिडेंट (English भाषेत). ॲम्हर्स्ट, एनवाय: प्रोमिथियस बुक्स. ISBN 9781573926829.CS1 maint: unrecognized language (link)
संदर्भ
संपादन- ^ "Iranian woman in suicide protest", The Independent, 24 February 1994, 20 March 2020 रोजी पाहिले,
A prominent Iranian female academic, Homa Darabi, poured petrol over herself and set herself on fire to protest at the plight of her countrywomen, according to the Iranian Nation Party to which she belonged, writes Safa Haeri. She died of severe burns in a Tehran hospital on Tuesday.
- ^ The Radicalism Handbook: Radical Activists, Groups and Movements of the Twentieth Century
- ^ a b c The Middle East: Abstracts and index
- ^ a b c d e Women and Empowerment: Illustrations from the Third World, 1998Afshar, Haleh (1998), "'Disempowerment' and the Politics of Civil Liberties for Iranian Women", in Afshar, Haleh (ed.), Women and Empowerment: Illustrations from the Third World, Springer, pp. 121–122, doi:10.1007/978-1-349-26265-6, ISBN 978-0-333-71974-9
- ^ a b Headscarves, Human Rights, and Harmonious Multicultural Society: Implications of the French Ban for Interpretations of Equality, 2007Wiles, Ellen (2007), "Headscarves, Human Rights, and Harmonious Multicultural Society: Implications of the French Ban for Interpretations of Equality", Law & Society Review, 41 (3): 699–736, doi:10.1111/j.1540-5893.2007.00318.x, JSTOR 4623399