नवेगावचे उद्यान हे मुख्यत्वे विविध प्रकारच्या पक्ष्यांसाठी प्रसिद्ध आहे. नवेगावच्या तळयात हिवाळ्यात हजारोंनी स्थलांतरीतस्थलांतरित पक्षी येतात. यात विविध प्रकारची बदके, [[हंस]], [[क्रौंच]], [[करकोचा|करकोचे]], [[बगळा|बगळे]], [[जांभळी पाणकोंबडी|पाणकोंबडया]], [[पाणकावळा|पाणकावळे]] इत्यादी. तळ्यात विविध प्रकारचे पाणथळी पक्षी बघायला मिळतात तर जंगलामध्येही विविध प्रकारचे झाडीझुडुपातील पक्षी पहावयास मिळतात. प्राणी जीवनात येथे [[वाघ]], [[बिबट्या]], [[अस्वल]], [[तरस]], [[सांबर]], [[नीलगाय]], [[रानगवा]], [[रानडुक्कर]], [[माकड|माकडे]] व वानरे तसेच विविध प्रकारचे [[साप]] आढळतात यात [[पट्टेरी मण्यार]] ही दुर्मिळ सर्पाची जात येथे आढळते. येथील सर्वात विशेष म्हणजे तलावात [[पाणमांजर|पाणमांजरे]] आढळतात. निसर्गसाहित्यीक [[मारुती चित्तमपल्ली]] यांनी [[पाणमांजर|पाणमांजरांवरती]] अभ्यास याच उद्यानात केला होता. तसेच येथे कधी कधी रानकुत्रीही आढळतात. त्यांचे वास्तव्य काही काळापुरते असते. उद्यानात [[सारस क्रौंच|सारस क्रौंचाची]] एक जोडी नेहेमी असते. विदर्भातील पक्षीअभ्यासकांनुसार महाराष्ट्रात केवळ येथील सारस क्रौंचाची वीण केवळ नवेगाव मध्ये होते.
