"एरबस ए३२० परिवार" च्या विविध आवृत्यांमधील फरक

'''एअरबस ए३२०''' हा [[एअरबस]] ह्या कंपनीने उत्पादित केलेला मध्यम पल्ल्याच्या, मध्यम क्षमतेच्या प्रवासी [[जेट विमान]]ांचा एक समूह आहे. साधारणपणे १५० प्रवासी ५,४०० किमी (२,९०० समुद्री मैल) वाहून नेण्याची क्षमता या विमानात आहे. ह्या विमानाचे उत्पादन व अंतिम जोडणी [[फ्रान्स]]च्या [[तुलूझ]] व [[जर्मनी]]च्या [[हांबुर्ग]] येथील कारखान्यांमध्ये करण्यात येते. ए३२० विमान समूहामध्ये [[एअरबस ए३१८|ए३१८]], [[एअरबस ए३१९|ए३१९]] व [[एअरबस ए३२१|ए३२१]] ह्या बनावटींची विमाने देखील तयार करण्यात येतात.

 

 

डिसेंबर २०१० मध्ये एअरबसने ए३२० विमानाची ए३२०निओ (न्यू इंजिन ऑप्शन, New Engine Option) ही अद्ययावत शृंखला उद्धाटित केली. ए३२०निओ विमानांमध्ये नव्या व इंधनाची बचत करणाऱ्या इंजिनांचा वापर करण्यात आला असून ह्यामुळे १५ टक्के इंधनाची बचत होईल असा अंदाज एअरबसने मांडला आहे. पहिले ए३२०निओ विमान २५ जानेवारी २०१६ रोजी [[लुफ्तान्सा]]ने वापरात आणले.

 

==इतिहास==

 

जून १९७७ मध्ये जॉइंट युरोपियन ट्रान्सपोर्ट नावाचा नवा उपक्रम चालू करण्यात आला ज्यात एअरबस तसेच तिच्या सहकारी कंपन्या सामील होत्या. ह्या उपक्रमातील सहभागी कंपन्यांनी १२५ ते १८० इतकी आसनक्षमता असलेल्या ३ रचना बनवल्या. कालांतराने हा उपक्रम संपूर्णपणे एअरबसच्या स्वाधीन करण्यात आला व फेब्रुवारी १९८१ मध्ये त्याचे नाव ए३२० असे ठेवले गेले. एअरबसने जगातील अनेक आघाडीच्या विमान कंपन्यांचे सल्ले घेऊन ए३२०ची रचना ठरवली. विमानाच्या उत्पादन व अंतिम जोडणीसाठी कारखाने उभे करण्यास [[फ्रान्स]], [[युनायटेड किंग्डम]] व [[पश्चिम जर्मनी]] हे देश उत्सुक होते. २ मार्च १९८४ मध्ये ह्या विमानाची अधिकृत घोषणा करतेवेळी एरबसकडे ९६ विमानांसाठी खरेदीमागण्या (ऑर्डरी) होत्या. लवकरच [[ब्रिटिश कॅलेडोनियन]], [[सायप्रस एअरवेज]], [[पॅन एम]], [[नॉर्थवेस्ट एअरलाइन्स]] इत्यादी अनेक कंपन्यांनी ह्या विमानासाठी ऑर्डर दिल्या.